Isaías 65:3 - Q'eqchi Bible

³ jun tenamit li junelik naxchiq' injosq'il chi xnaq' wu xb'aan naq namayejak chiruheb' li jalanil yos sa' xna'ajeb' li awimq ut naxk'at li k'ajpom sa' xb'eeneb' li xanil artal;

Li Santil hu

³ Junelic nequeꞌxchikꞌ injoskꞌil. Nequeꞌmayejac saꞌ eb li naꞌajej li nequeꞌxlokꞌoni cuiꞌ li jalanil dios ut nequeꞌxcꞌat li pom saꞌ xbe̱neb li artal yi̱banbil riqꞌuin xan.

Isaías 65:3 ပူးပေါင်းရင်းမြစ်များ

Isaías 1:29

Relik chi yaal naq texxutaanaq xb'aan naq xeloq'oni li ji, ut texkaqo'q chi rilb'al li xna'ajeb' li uutz'u'uj li jwal xerahi ru.

Isaías 66:17

Eb' li neke'xchajob'resi rib' ut neke'xq'axtesi rib' chi xloq'oninkil li jalanil yos sa'eb' li awimq, eb' li neke'xik chirix jun li winq li wank sa' yiib'ej ut neke'tzekank xtib'el li aaq, k'anti' malaj li ch'o, jun sachikaqeb' naq te'oso'q rochb'eenaq li xk'a'uxeb' ut li xb'aanuhomeb', chan li Qaawa' Yos.

Li xHu LAJ JOB 1:11

Ab'anan charahob'tesi ut chawisi jo'nimal wank re: ch'olch'o naq sa' junpaat tatxmajewa sa' xnaq' aawu!

Deuteronomio 32:21

Xine'xk'e chi sowenak chirix li moko yos ta, xe'xchiq' injosq'il rik'in xloq'oninkileb' li yal k'oxlanb'il yos. Jo'kan naq laa'in tink'eheb' chi sowenak chirix li moko tenamit ta, tinyoob' xjosq'ileb' rik'in jun jip aj tenamit.

Isaías 3:8

Relik chi yaal naq yo chi sache'k Jerusalén ut juk'b'il chik Judá, xb'aan naq ink'a' us li xyehom xb'aanuhomeb'; xik' neke'ril li Qaawa' ut xe'xchiq' xjosq'il li Yos.

Li xHu LAJ JOB 2:5

Ab'anan charahob'tesi li xjunxaqalil, ut ch'olch'o naq sa' junpaat tatxmajewa sa' xnaq' aawu, chan laj tza.

Levítico 17:5

Taab'aanumanq chi jo'ka'in re naq eb' laj Israel te'xyeechi'i re li Qaawa' eb' li xul te'xkamsi yal chi jo'kan, ut te'xk'am rik'in laj tij sa' rokeb'aal li Loq'laj Muheb'aal, re naq taayeechi'imanq sa' xk'ab'a'eb' a'an jo' mayej re k'amok ib' sa' usilal.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Jeremías 3:6

Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Salmos 78:58

Ke'xchiq' xjosq'il rik'ineb' li xtijob'aal ut ke'xpo' xch'ool rik'ineb' li yiib'anb'il yos.

Salmos 78:40

K'ajo' naq ke'xq'etq'eti rib' sa' li chaqich'och', q'axal ke'xpo' xch'ool sa' li junesal na'ajej a'an.

2 Reyes 22:17

xb'aan naq kine'xtz'eqtaana ut ke'ok chi k'atok pom chiruheb' jalan chik yos. Ke'xchiq' injosq'il rik'in chixjunil li k'aru ke'xyiib'. Jo'kan naq k'ajo' linjosq'il sa' xb'een li na'ajej a'in ut maajoq'e taach'anaaq.

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.