Isaías 64:3 - Q'eqchi Bible

³ jo' naq xab'aanu eb' li xiwajel b'aanuhom li maajun wa qoyb'enihom, naq xatkub'e chaq ut xe'ha'ho' eb' li tzuul chi rilb'al aawu.

Li Santil hu

³ Nak ma̱cꞌaꞌ saꞌ kachꞌo̱l la̱at caba̱nu li sachba chꞌo̱lej. Catcube chak saꞌ choxa ut eb li tzu̱l queꞌecꞌan saꞌ xnaꞌajeb cha̱cuu.

Isaías 64:3 ပူးပေါင်းရင်းမြစ်များ

Habacuc 3:3

Yo chi chalk li Qaawa' toj aran Temán; toj sa' li tzuul Parán yo chi chalk li jwal nim xsantilal. Li xnimal xwankil naxkupu li choxa ut nujenaq li ruuchich'och' rik'in li xloq'al.

Salmos 106:22

naq kixk'ut li sachb'ach'oolej sa' xch'och'el laj Kam ut xninqal b'aanuhom chire li Kaqi Palaw.

Salmos 66:5

Kimqex chi rilb'al li xb'aanuhom li Yos, kimqex chi rilb'al li sachb'ach'oolej kixb'aanu cho'q qe.

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

Deuteronomio 10:21

Chanima ru li Qaawa' xb'aan naq A'an laaYos, ut aawilom chik rik'in aawu li xninqal b'aanuhom ut li sachb'ach'oolej kixb'aanu sa' aak'ab'a'.

Habacuc 3:6

Naxhich'hich'i rib' li ch'och' naq naxaqliik li Qaawa', ut eb' li tenamit neke'xiwak naq na'ilok. Nalaje'uq'e'k eb' li najter tzuul ut neke'ha'o'k eb' li mayer b'ool, a'ut li xb'e li Qaawa' wank chi junelik.

Isaías 64:1

At Qaawa', us raj naq taate li choxa ut tatkub'eeq chaq! Te'ha'o'q raj eb' li tzuul naq tate'ril.

Salmos 76:12

K'ehomaq re li Qaawa' leeYos li k'aru xeyeechi'i; chek'am chaq leemayej laa'ex li wankex chi xsutam li Xiwajel ru:

Salmos 68:8

At qaYos, naq xak'am chaq xb'e laatenamit chi elk Ejiipt ut xatnume'k chaq sa' li chaqich'och',

2 Samuel 7:23

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu li sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Éxodo 34:10

Kichaq'ok li Qaawa' ut kixye: “K'e reetal, ok we chi xk'ojob'ankil jun Sumwank eerik'in. Tinb'aanu xninqal sachb'ach'oolej chiru chixjunil li tenamit: maajun sut ki'uxk a'in sa' chixjunil li ruuchich'och' chi moko sa' junaq tenamit. Chixjunileb' li poyanam li wankat wi' te'ril xnimal xb'aanuhom li Qaawa', xb'aan naq q'axal xiwajel li k'aru tqab'aanu wochb'eenat.

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.