Isaías 61:7 - Q'eqchi Bible

⁷ Numtajenaq leexutaan ut leemajewankil eek'ulum chaq; jo'kan naq naab'alaq ajwi' leemaatan: ka'wa teek'ul xk'ihal leeb'ihomal sa' li na'ajej wanqex wi' ut junelik chik sahaq sa' leech'ool.

Li Santil hu

⁷ Xban nak kꞌaxal cuiꞌchic nabal li raylal ut li xuta̱n xecꞌul, joꞌcan nak kꞌaxal nabal ajcuiꞌ le̱ ma̱tan te̱cꞌul. Caꞌ sut xqꞌuial le̱ lokꞌal te̱cꞌul nak cua̱nkex cuiꞌchic saꞌ le̱ naꞌaj. Ut ta̱cua̱nk chi junelic xsahilal e̱chꞌo̱l.

Isaías 61:7 ပူးပေါင်းရင်းမြစ်များ

Li xHu LAJ JOB 42:10

Chirix naq laj Job kitijok chirixeb' li ramiiw, li Qaawa' kixk'e wi' chik xsahil li xch'ool, ut ka'sut chik xk'ihal li k'aru re kixk'e chiru li kiwank xb'enwa.

Zacarías 9:12

Sutq'inqex chaq sa' leetenamit, laa'ex li preex li toj wank eeroyb'enihom. Anaqwan ajwi' tinye resil naq ka'sut chik texwosob'tesi xb'aan li rahilal xek'ul.

Isaías 40:2

Aatinomaq Jerusalén sa' q'unil aatin ut yehomaq re chi yaal naq moko mun ta chik, ak xtoj rix chixjunil li xmaak, xb'aan naq ka'sut xrahob'tesiik xb'aan li Qaawa' chirix chixjunil li maa'usilal xb'aanu.

Salmos 16:11

Taak'ut chiwu xb'ehil li yu'am: k'ajo' xnimal li sahilal chawe chawu, xiikil li saa'us aawik'in chi junelik!

2 Reyes 2:9

Naq yookeb' chi nume'k junpak'al, laj Elías kixye re laj Eliseo: “Patz' we li k'aru taawaj tink'e aawe naq toj maji' ninmaq'e'k chawu”. Kichaq'ok laj Eliseo: “Nawaj naq taak'e we wiib'aq re li rox raqalil laawankilal”, chan re.

Isaías 51:11

Jo'ka'in naq te'sutq'iiq chaq li te'kole'q xb'aan li Qaawa', yooqeb' chi b'ichank naq te'ok Sión. Li rahilal ut li yaab'ak taasachmanq chi junajwa; numtajenaqaq li xsahil xch'ooleb', ut a'an taak'utunq tz'aqal sa' xnaq' ruheb'.

2 Corintios 4:17

Li rahilal naqak'ul, a'an junpaat ajwi' ut moko aal ta riiqankil; ut a'an k'ajo' xnimal li junelik loq'al yo xkawresinkil cho'q qe laa'o,

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

2 Ts 2:16

A'aj tawi' li Qaawa' Jesukriist ut li Yos li qaYuwa', li xrahok qe ut, xb'aan xnimal rusilal, xk'e qe jun xk'ojob'ankil qach'ool li ink'a' nalajk na'oso'k jo'wi' xnimal xsahil li qaanm chi oyb'enink,

Deuteronomio 21:17

Tento b'an tixk'e sa' xnaq' ru naq li xyum li ixq li ink'a' naxra, a'an li xb'een alalb'ej. Tento tixk'e re li xka' k'ihal chixjunil li k'aru wank re, xb'aan naq li alalb'ej a'in, xb'een ru li xwinqilal, wank xk'ulub' cho'q xb'een alalb'ejil.

Salmos 126:5

Eb' li yookeb' chi yaab'ak naq neke'awk, te'saho'q xch'ool naq te'q'oloq.

Isaías 54:4

Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Isaías 65:13

Jo'kan naq li Qaawa' kixye chi jo'ka'in: “Eb' laj k'anjel chiwu wanqeb' xtzekemq, ut laa'ex tex'oso'q xb'aan tz'okaak; eb' laj k'anjel chiwu sa te'uk'aq b'iin, ut laa'ex tex'oso'q xb'aan li chaqi'eel; eb' laj k'anjel chiwu k'ajo'aq xsahil sa' xch'ooleb', ut laa'ex texkanaaq sa' xutaan;

Zacarías 8:12

Xb'aan naq laa'in tin'awoq re li tuqtuukil usilal: eb' li xtoonal li uub' te'uuchinq chi us; taa'elq chik li awimq chiru li ch'och' ut li k'ajob' tixt'aqresi wi' chik li ch'och'; ut chixjunil a'in tink'e chi reechaniheb' li Rela' li tenamit a'in.

Isaías 60:15

Xattz'eqtaanaak, xatmajewaak ut junaatalat naq xatwank; ab'an chalen anaqwan tink'e aaloq'al chi junelik ut laa'ataq li xsahil xch'ooleb' chixjunileb' junq'e junq'e kutan.

Sofonías 3:19

K'e reetal, sa' li kutan a'an tinsach ruheb' chixjunileb' li neke'rahob'tesink aawe. Tintenq'aheb' li karneer li yeq roqeb' ut tinxok chaq li sachenaq. Tinterq'usi leeloq'al ut leek'ab'a' sa' chixjunil li na'ajej b'arwi' xek'ul rahilal.