Isaías 61:6 - Q'eqchi Bible

⁶ Ut laa'ex teek'ab'a'in: “aj tij chiru li Qaawa'”; “aj k'anjeleb' chiru li qaYos” taayeemanq eere. Teetzeka li xsahil eechej eb' laj ab'l tenamit ut teereechani li xb'ihomaleb'.

Li Santil hu

⁶ Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Isaías 61:6 ပူးပေါင်းရင်းမြစ်များ

Éxodo 19:6

Laa'exaq jun santil tenamit, ut tex'awab'ejinq jo' aj tij». A'aneb' a'in li aatin taaye reheb' li ralal xk'ajol laj Israel”.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Isaías 66:21

Ut sa' xyanqeb' a'an wan tinxaqab'eb' cho'q aj tij ut aj Leví cho'q we, -chan li Qaawa'-.

Apocalipsis 20:6

Us xaq reheb' li neke'tz'aqonk sa' li xb'een waklijik chi yo'yo: eb' a'an santeb' ut maak'a' xwankil li xkab' kamk sa' xb'eeneb', aj tijaqeb' b'an chiru li Yos ut chiru li Kriist ut te'awab'ejinq rochb'een chiru jun mil chihab'.

Apocalipsis 5:10

ut kak'eheb' chi awab'ejink cho'q aj tij cho'q re li qaYos, ut te'awab'ejinq sa' xb'een li ruuchich'och'”.

2 Corintios 11:23

Ma aj k'anjeleb' chiru li Kriist? Us, tin'aatinaq jo' junaq kaan ru: q'axalin wi' chik chiruheb' a'an. Q'axal chik xintawasi wib' chi k'anjelak; numtejenaq chik chiruheb' xinwank sa' tz'alam ut xinrape'k chi tz'uum, k'iila sut x'aje'k inkamsinkil.

1 Corintios 4:1

Jo'kan utan, che'xnawaq chixjunileb' naq laa'o xmoos li Kriist ut taqlanb'ilo chi k'anjelak chirixeb' li xmuqmuukil k'a'uxl li Yos.

2 Corintios 6:4

Chixjunil li naqab'aanu, naxk'ut naq laa'o aj k'anjelo chiru li Yos: q'axal naqakuy li rahob'tesiik, li raasa, li ch'a'ajkilal,

1 Corintios 3:5

Ani laj Apolo? Ani laj Pablo? Yal aj k'anjeleb'. Sa' xk'ab'a'eb' a'an xex'ok chi paab'ank, ut li junjunq xb'aanu li xk'anjel a' yaal chanru xk'ehe'k re xb'aan li Qaawa'.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Ezequiel 14:11

Chi jo'kan eb' laj Israel ink'a' chik te'xnajtob'resi rib' wik'in chi moko te'xmux ta chik rib' rik'in chixjunil li xmaakeb'. A'anaqeb' lintenamit ut laa'inaq li xYoseb'”, chan li Qaawa'.

Isaías 66:12

Xb'aan naq laa'in li Qaawa' ninye chi jo'ka'in: Tink'e chi pukank aran li tuqtuukil usilal jo' jun nima'; jo' naq nab'ut'irk li nima', jo'kanaq li xchalik li xb'ihomaleb' li xninqal ru tenamit sa' xb'een Jerusalén. Toja' naq texch'oolaniiq, texk'ame'q chi q'unq'u ut text'otzt'otziiq sa' xb'eeneb' li raq.

Isaías 23:18

Ab'an li tumin li tixtaw, taaq'axtesimanq re li Qaawa'. Ink'a' chik taak'uulaaq, taak'eemanq b'an cho'q reheb' laj k'anjel chiru li Qaawa', re naq te'tzekanq chi us ut te'xtiqib' rib' rik'in chaab'il aq'ej.

Apocalipsis 1:6

A'an kik'ehok qe chi awab'ejink rochb'een a'an cho'q aj tij chiru li Yos li xYuwa'. Rehaq taxaq li loq'al ut li wankilal chi junelik q'e kutan! Jo'kan taxaq!

Isaías 56:6

Ut eb' laj ab'l xtenamit li xe'xq'axtesi rib' re li Qaawa' cho'q aj k'anjel chiru re xraab'al li Yos ut k'anjelak chiru, wi te'roxloq'i li sábado ut ink'a' te'xmux ru, wi kawaqeb' xch'ool rik'in linsumwank,

Deuteronomio 18:2

Ink'a' te'eechaninq na'ajej sa' xyanqeb' li ras riitz'in: a' li Qaawa' a'an li reechanihomeb', kama' ak xyehom chaq reheb'.

Isaías 54:3

xb'aan naq tatk'ihanq chi yo'oon, eb' laawalal aak'ajol te'reechani naab'aleb' li tenamit ut te'wanje'q sa'eb' li na'ajej yamyookeb' anaqwan.

Jeremías 33:18

Jo'kan ajwi' junelikaqeb' laj tij xkomoneb' laj Leví chi yeechi'ink k'atb'il mayej, k'atok k'ajpom chiwu ut mayejak wulaj wulaj”.