Isaías 61:3 - Q'eqchi Bible

³ Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Li Santil hu

³ Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Isaías 61:3 ပူးပေါင်းရင်းမြစ်များ

Salmos 30:11

Chinaawab'i, at Qaawa', chawuxtaana wu! Laa'at taxaq, at Qaawa', laj tenq'ahom we!

San Juan 16:20

Relik chi yaal ninye eere: texhuyhutq chi yaab'ak ut li ruuchich'och' taasaho'q sa' xch'ool. Laa'ex taarahoq leech'ool, ab'an li xrahil eech'ool taasutq'iiq cho'q sahil ch'oolej.

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Eclesiastés 9:8

Tiqib' aawib' chi chaab'il chi junelik ut b'on aawib' chi us wulaj wulaj.

Salmos 45:7

Laa'awab'ejihom k'ojk'o chi junelik, kama' li x'awab'ejihom li Yos; junelik sa' tiikilal nakat-awab'ejink.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Salmos 23:5

Nakak'uub' jun li meex cho'q we chiruheb' li xik' neke'ilok we; ut nakayul linjolom rik'in sununkil b'an. K'ajo' naq natz'iptz'otk xsa' linsek'!

1 Corintios 6:20

Loq'b'ilex chi terto eetz'aq! Loq'onimaq b'i' li Yos rik'in leetz'ejwal.

Zacarías 3:5

K'ehomaq chi xjolom junaq chaab'il sut”. Tikto ke'xk'e raq'ul li ninq'ehik chirix laj Josué ut ke'xk'e chi xjolom li chaab'il sut. Chirix chik a'an li x'ánjel li Qaawa' li wank chi xaqxo, kixye re laj Josué: “K'e reetal naq ink'a' xink'e sa' inch'ool laamaak”, chan.

Filipenses 1:11

nujenaqaqex b'an rik'in li naruuchin li tiikilal sa' xk'ab'a' li Jesukriist cho'q re li xloq'al ut li xnimankil ru li Yos.

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

Ester 8:15

Laj Mardokeo ki'elk sa' rochoch li awab'ej chi tiqto rik'in chaab'il aq', rax ut saq xb'onol, jo' naroksi li awab'ej; wank ajwi' jun xkoroon yiib'anb'il rik'in oor sa' xjolom ut xkaqi t'ikr liin. Naq eb' laj Susa ke'ril a'in, k'ajo' naq ke'saho'k xch'ool.

1 Pedro 4:14

Us xaq eere wi nekexhob'e'k sa' xk'ab'a' li Kriist, xb'aan naq li xloq'laj Musiq' li Yos yo chi hilank sa' eeb'een.

San Lucas 15:22

“Ab'an li yuwa'b'ej kixye reheb' li xmoos: «K'amomaq chaq chi junpaat li chaab'il aq'ej ut tiqib'omaq. K'ehomaq xmatq'ab' chi ru'uj ruq' ut k'ehomaq xxaab' chi roq.

Ester 9:22

xb'aan naq chiruheb' li kutan a'an eb' laj Judiiy ke'xtaw tz'aqal li tuqtuukil usilal chiruheb' li xik' neke'ilok reheb', ut chiru li po a'an li rahilal kikanaak cho'q sahil ch'oolej ut li yaab'ak kisutq'iik chi ninq'e. Chiru chixjunil li po a'an tento te'ninq'ehiq rik'in tzekank ut sahil ch'oolej; te'xk'e xmaataneb' chirib'ileb' rib' ut te'xtenq'aheb' li neb'a'.

2 Ts 1:10

Sa' li Kutan a'an tol'elq li Qaawa' re naq taanimaaq xloq'al sa' xyanqeb' li xsant ut taaloq'oniiq xb'aaneb' chixjunileb' laj paab'anel. Ut laa'ex xepaab' li xqach'olob' xyaalal cheru.

San Juan 15:8

Rik'in a'in naxk'ul xloq'al linYuwa', naq q'axal chi'uuchinq leepaab'aal ut laa'exaq tz'aqal intzolom.

Salmos 104:15

li b'iin li nasaho'k wi' xch'ool, li aseeyt re naq taalemtz'unq li xnaq' ru ut li wa li nak'ehok kawilal.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

San Mateo 15:13

Li Jesus kixsumeheb': —Chixjunil li awimq ink'a' awb'il xb'aan linchoxahil Yuwa' taamich'manq.

1 Corintios 3:9

Laa'o nokook'anjelak qochb'een li Yos ut cho'q re A'an; ut laa'ex xk'aleb'aalex li Yos, xkab'lahomex li Yos.

Hebreos 1:9

Xara li us ut xik' xawil li maa'usilal; jo'kan naq, at inYos, laaYos xsik' chaq aawu ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' chixjunil laawech awab'ejil”.

Salmos 149:4

Xb'aan naq li Qaawa' naxra li xtenamit ut naroxloq'iheb' li tuulan rik'in li kolb'a ib'.

Isaías 26:2

Tehomaq eb' li okeb'aal chire li tenamit re naq te'ok jun teep chi tenamit tiikeb' xch'ool li neke'xb'aanu li neke'xye.

Isaías 44:23

At choxa, jap aawe xb'aan xsahil aach'ool sa' xk'ab'a' li xb'aanuhom li Qaawa'. B'ichanqex, sahoqex, ex xchamal li ruuchich'och'! Ex k'iche' ut ex tzuul eerochb'een chixjunileb' li che', pisk'onqex xb'aan xsahil eech'ool, xb'aan naq li Qaawa' xk'ut li xloq'al chiru laj Israel naq xkoleb' li ralal xk'ajol laj Jakob.

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Jeremías 31:13

Toja' naq eb' li tuq'ixq te'xajoq xb'aan xnimal xsahilaleb' xch'ool; jo'kanaqeb' ajwi' li saaj al ut eb' li cheekel winq. Tinsutq'isi li xrahilaleb' cho'q sahilal, tink'ojob'eb' xch'ool ut twisi chixjunil li ch'a'ajkilal sa' xyanqeb'.

Ezequiel 34:29

Chaab'il ch'och' tink'e reheb' re naq wanq naab'al li awimq; maajoq'e chik te'xkuy li we'ej, chi moko te'se'eeq chik xb'aaneb' laj ab'l tenamit.

Ezequiel 47:7

ut aran kiwil naq chi xka'pak'alil li roq nima' k'ajo' li che'.

Salmos 30:12

Xasutq'isi li xya'al wu chi nimla sahil ch'oolej, xawisi chiwix li saak ut xinaatiqib' rik'in sahilal.