Isaías 61:1 - Q'eqchi Bible

¹ Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Li Santil hu

¹ Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Isaías 61:1 ပူးပေါင်းရင်းမြစ်များ

San Lucas 7:22

Toja' naq kixsumeheb' ut kixye: —Ayuqex ut yehomaq re laj Jwan li xeril ut xerab'i. Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

Isaías 42:7

re xteeb'al xsa' ruheb' li mutz', re rach'ab'ankileb' li wankeb' sa' tz'alam ut re risinkileb' chi tz'apam li wankeb' sa' li aak'ab'.

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

Salmos 147:3

Xk'irtasiheb' li toq'ob'eb' ru ut xb'an chixjunileb' li xtiq'ilaleb'.

Isaías 42:1

A'an a'in laj k'anjel chiwu, laa'in ninkuutunk re; a'an li sik'b'il ru inb'aan li nasaho'k wi' inch'ool. Xink'e re linmusiq' re naq taaroksi li tiikilal rik'ineb' li k'iila tenamit.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Isaías 49:9

re xyeeb'al reheb' li wankeb' sa' tz'alam: «Elenqex chaq», ut li wankeb' chaq sa' aak'ab': «K'utomaq eerib'». Sa' chixjunileb' li b'e te'xtaw chaab'il pach'aya' jo'wi' xwaheb' li ketomq chiru chixjunileb' li tzuul.

Salmos 34:18

Neke'xyaab'a xk'ab'a' li Qaawa', ut a'an narab'iheb'; narisiheb' sa' chixjunil li rahilal wankeb' wi'.

Isaías 48:16

Jilonqex chaq chink'atq ut ab'ihomaq a'in: Chalen chaq sa' xtiklajik maak'a' xinye chi muqmu; ut naq yo chi k'ulmank chixjunil a'in, wankin aran laa'in. Ut anaqwan laa'in, li Qaawa' Yos, xintaqlank chaq re rik'in xwankil linmusiq'”.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Juan 3:34

Xb'aan naq li taqlanb'il chaq xb'aan li Yos na'aatinak jo' na'aatinak li Yos, xb'aan naq naxk'e li Musiq'ej chi ink'a' b'isb'il.

San Mateo 3:16

Ut naq ak xkub'siik xha' li Jesus, ki'elk chaq chi junpaat sa' li ha'; toja' naq kitehonk li choxa ut kiril li xMusiq' li Yos yo chaq chi kub'eek sa' xb'een kama' junaq mukuy.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Salmos 45:7

Laa'awab'ejihom k'ojk'o chi junelik, kama' li x'awab'ejihom li Yos; junelik sa' tiikilal nakat-awab'ejink.

Salmos 22:26

Tinnima aawu sa' li nimla ch'utam; chiruheb' chixjunil li neke'paab'ank aawe tink'e jo'nimal li xinyeechi'i sa' jurament.

Salmos 102:20

Naq li Qaawa' x'ilok chaq toj sa' li xloq'laj tzuul, toj sa' choxa xk'utzub' chaq rib' rilb'al li ruuchich'och',

Salmos 51:17

At Qaawa', chate taxaq li xtz'uumal we, re naq tinpuktesi resil li xnimal aawankil.

Salmos 2:6

“Laa'in xinxaqab'ank re lin'awab'ej aran Sión sa' linloq'laj tzuul”, chan.

Isaías 59:21

“Ut laa'in tink'ojob' jun sumwank eerik'in -chan li Qaawa'-: linmusiq' li xchalk sa' eeb'een ut eb' li waatin li xink'e chi xtz'uumal eere, maajaruj taasachq sa' leech'ool. Wanqeb' junelik sa' leere, sa' reheb' leeralal eek'ajol, ut sa' reheb' li chaaleleb' moqon, chalen anaqwan toj chi junelik”.

Hebreos 1:9

Xara li us ut xik' xawil li maa'usilal; jo'kan naq, at inYos, laaYos xsik' chaq aawu ut xatxnujob'resi rik'in sahil ch'oolej, q'axal wi' chik xaqxo laaloq'al chiruheb' chixjunil laawech awab'ejil”.

2 Corintios 7:6

Ab'anan li Yos, aj k'ojob'anel xch'ooleb' li toq'ob'eb' ru, xk'ojob' qach'ool rik'in xk'ulunik laj Tito;

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Salmos 69:32

A'an q'axal tixk'ulub'an wi' chik ru li Qaawa' chiru junaq wakax, malaj chiru junaq ral wakax li wanq xxukub' ut rixi'ij.

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.

Salmos 25:9

Naxb'eresi li tuulan sa' xb'ehil li tiikil ch'oolej, ut naxk'ut li xb'e chiruheb' li neb'a'.

San Juan 1:41

A'an koxtaw xb'enwa laj Simón li ras, ut kixye re: —Xqataw li Mesiiy (chi jalb'il ru naraj naxye: li Kriist).

Salmos 149:4

Xb'aan naq li Qaawa' naxra li xtenamit ut naroxloq'iheb' li tuulan rik'in li kolb'a ib'.

Hechos 4:27

“Xb'aan naq relik chi yaal, sa' li tenamit a'in, laj Herodes ut laj Poncio Pilaat, rochb'eeneb' laj Israel jo'keb' ajwi' li jalaneb' xpaab'aal, xe'xk'am rib' sa' aatin chi xxikb'al rilb'al li Jesus, laasantil moos sik'b'il ru aab'aan cho'q Kriist.

Jeremías 34:8

Li Qaawa' ki'aatinak rik'in laj Jeremías, naq laj Sedesías kixk'e rib' sa' aatin rik'in chixjunileb' laj Jerusalén, re naq te'xkanab' chi ach'ab'anb'il eb' li xmuneb'.

Isaías 52:9

Japomaq eere chi b'ichank chi junaj xyaab' leekux, ex xpo'lemil Jerusalén, xb'aan naq li Qaawa' xril xtoq'ob'aal ru li xtenamit, ak xkol Jerusalén.

2 Corintios 3:17

Xb'aan naq li Qaawa' a'an li Musiq'ej, ut b'ar wank xMusiq' li Qaawa', aran wank li wank chi ach'ab'anb'il.

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.

Isaías 30:19

Ex aj Jerusalén, mexyaab'ak chik. Li Qaawa' taaruxtaana eeru naq trab'i xyaab' leekux; ka'ajwi' texrab'i chi tz'aamank ut elajink, texsume.

Isaías 30:26

Toja' naq li xsaqenkil li po taalemtz'uno'q jo' li saq'e tuqtu wa'leb', ut li xsaqenkil li saq'e taalemtz'uno'q wuqub' sut chik jo' xsaqenkil li wuqub' kutan, naq li Qaawa' tixk'irtasi ut tixlan li xtiq'ilal li xtenamit.

Isaías 32:7

Li ink'a' us xna'leb' junes b'alaq'ik naxk'oxla ut naxyal xq'e chi xb'aanunkil li yib'eetal ru aj na'leb'; naxlab'ale li kub'enaq xwankil rik'in tik'ti' ut ink'a' naxkol rix li neb'a' sa' li raqleb'aal aatin.

Isaías 40:9

Taqen sa' xb'een junaq tzuul najt xteram, at aj yehol esil re Sión; aatinan chi kaw xyaab' aakux ut chi maak'a'aq aaxiw, at aj yehol esil re Jerusalén. Ye reheb' li tenamit re Judá: “Arin wank leeYos”.

Isaías 52:7

K'ajo' xchaq'al ru rilb'al sa' xb'eeneb' li tzuul li roqeb' laj yehol resil li tuqtuukil usilal, li nayehok chaab'il esilal, li napuktesink resil li kolb'a ib' ut naxye re Sión: “Ak yo chi awab'ejink laaYos!”.

Isaías 57:18

Ak xwil li xb'aanuhom, ab'an tink'irtasi, tinb'eresi ut tink'ojob' xch'ool a'an jo'wi' li neke'yaab'ak chirix;

Miqueas 3:8

A'ut laa'in li xmusiq' li Qaawa' nak'ehok inkawilal; nujenaqin chi tiikil ut kawil ch'oolej re xch'olob'ankil chiru laj Jakob li xq'etq'etil ut chiru laj Israel li maak xb'aanu.

Éxodo 28:41

“Jo'ka'in naq laa'at taatiqib' laj Aharón laawas ut eb' li ralal; taayuleb', taaxaqab'eb' cho'q aj tij ut taaq'axtesiheb' we.

Éxodo 29:7

Toja' naq taachap li aseeyt re osob'tesink, taahoy sa' xb'een xjolom ut taayul.

Levítico 7:35

Sa' xyanqeb' li mayej nayeechi'imank sa' xk'ab'a' li Qaawa', a'an a'in li xk'ihal re laj Aharón ut eb' li ralal xk'ajol, chalen sa' li kutan naq li Qaawa' kixxaqab'eb' cho'q aj tij chiru.

Salmos 68:7

Li Yos naxk'e xna'ajeb' li toq'ob'eb' ru, narisiheb' li wankeb' sa' tz'alam ut naxk'e xsahilaleb' xch'ool; a'ut eb' laj q'etol aatin te'kanab'aaq sa' chaqich'och'.

Jeremías 52:33

Jo'ka'in naq laj Jekonías kiru risinkil li raq' li preexil chirix ut junelik kiwa'ak rochb'een li awab'ej chiru chixjunil li xyu'am.