Isaías 60:3 - Q'eqchi Bible

³ Eb' li tenamit te'chalq sa' laasaqenkil ut eb' li awab'ej te'b'eeq sa' xlemtz'unkil laaloq'al.

Li Santil hu

³ Eb li jalan tenamit ut eb li rey teꞌcha̱lk e̱riqꞌuin chixsicꞌbal li cutan saken. Ut teꞌril le̱ lokꞌal.

Isaías 60:3 ပူးပေါင်းရင်းမြစ်များ

Hechos 13:47

Xb'aan naq jo'kan kooxtaqla wi' chaq li Qaawa' naq kixye: «Xatinxaqab' cho'q xkutaneb' li tenamit re naq tatkanaaq cho'q kolb'a ib' toj sa' xmaril li ruuchich'och'».

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

Apocalipsis 21:24

Eb' li xninqal ru tenamit te'b'eeq sa' li xkutan saqenk, ut eb' li awab'ej re li ruuchich'och' te'xk'am chaq aran li xb'ihomaleb'.

San Juan 12:32

Ut naq laa'in tintaqsiiq sa' xb'een ch'och', teb'ink'am chaq chixjunileb' wik'in.

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Hechos 15:17

re naq te'xsik' li Qaawa' jo'k'ihal toj xe'kanaak, chixjunileb' li tenamit ak q'axtesinb'ileb' cho'q we laa'in.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Isaías 49:12

K'e reetal, wankeb' te'chalq chaq chi najt; wankeb' te'chalq sa' xjayal releb'l iq' ut sa' rokeb'l li saq'e, ut wankeb' chik te'chalq chaq sa' xteepal Sinín.

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Salmos 138:4

Chixjunileb' li awab'ej sa' ruuchich'och' te'yoxinq chawu, at Qaawa', naq te'rab'i li aatin x'elk chi xtz'uumal aawe.

Salmos 68:29

At inYos, chak'ut taxaq chiqu li xnimal aawankil, a' laawankil li xak'utb'esi sa' qak'ab'a'

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Amós 9:12

re naq eb' laj Israel te'xq'ax ruheb' laj Edom ut te'reechani wi' chik li k'aru xkanaak reheb' chixjunil li tenamit weechanihomeb' chaq junxil”. A'an a'in raatin li Qaawa', li nab'aanunk re li naxye.

Isaías 66:12

Xb'aan naq laa'in li Qaawa' ninye chi jo'ka'in: Tink'e chi pukank aran li tuqtuukil usilal jo' jun nima'; jo' naq nab'ut'irk li nima', jo'kanaq li xchalik li xb'ihomaleb' li xninqal ru tenamit sa' xb'een Jerusalén. Toja' naq texch'oolaniiq, texk'ame'q chi q'unq'u ut text'otzt'otziiq sa' xb'eeneb' li raq.

Isaías 60:16

Eb' li tenamit tate'xch'oolani chi chaab'il ut eb' li awab'ej te'xk'e aawe li xb'ihomaleb'; ut taanaw naq laa'in li Qaawa', laj Kolol aawe, li xNimajwal Yos laj Jakob, li xin'isink chaq aawe sa' laarahilal.

Isaías 60:10

Eb' li jalaneb' xtenamit teeyiib'anq re laasuttz'akil, ut eb' li x'awab'ejeb' te'k'anjelaq chawu. Us ta xatinrahob'tesi xb'aan linjosq'il, ab'an anaqwan twuxtaana aawu xb'aan xchaab'ilal linch'ool.

Salmos 72:11

Chixjunileb' li awab'ej che'xwiq'ib' rib' chiru a'an, ut chixjunileb' li tenamit che'k'anjelaq chiru.

Salmos 22:27

Te'tzekanq li neb'a' ut taak'ojlaaq xch'ooleb'; eb' li neke'sik'ok re li Qaawa', te'xnima ru ut najtaq roq li xyu'ameb'.

Salmos 2:10

Jo'kan utan, ex awab'ej, chetawaq ru, jalomaq leek'a'uxl laa'ex li wank eewankil sa' ruuchich'och'.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Salmos 102:22

Toja' naq taapuktesimanq resil li xchaab'ilal li Qaawa' arin Sión ut taajultikamanq li xnimal xloq'al sa' li tenamit Jerusalén,

Isaías 42:6

“Laa'in, li Qaawa', xatinb'oq ut xatinch'ilo chaq chawuq' re roksinkil li tiikilal; xatink'uub' ut xatinxaqab' cho'q sumwank rik'in lintenamit ut cho'q xsaqenkeb' li poyanam;

Isaías 45:22

“Sutq'inqex chaq wik'in re naq texinkol, chejunilex li wankatqex chaq sa' xmaril li ruuchich'och', xb'aan naq laa'in li Yos ut maak'a' chik junaq.

Isaías 56:8

Laa'in tinsutq'isiheb' chaq li toj wankeb' chi preexil sa' ab'l tenamit, tinch'utub'eb' ut te'wanq sa' junajil”. A'an a'in raatin li Qaawa' li nach'utub'ank reheb' laj Israel li xe'cha'cha'iik sa' najtil tenamit.

Isaías 62:2

Toja' naq chixjunileb' li tenamit te'ril li xtiikilal laach'ool ut chixjunileb' li awab'ej te'xka'ya laaloq'al. Ak' k'ab'a'ej tate'xk'ab'a'in wi', a' li taak'ehe'q aawe xb'aan li Qaawa'.

Salmos 102:16

Eb' li poyanam q'axal te'roxloq'i li xk'ab'a' li Qaawa'; te'siksotq xb'aan laaloq'al chixjunileb' li awab'ej sa' ruuchich'och'.