Isaías 60:2 - Q'eqchi Bible

² Il, li q'oqyink wank sa' li ruuchich'och' ut li aak'ab' namuheelank reheb' li tenamit, a'ut sa' aab'een taakutano'q li Qaawa' ut li xnimal xloq'al taak'utunq sa' aab'een.

Li Santil hu

² Eb li jalan tenamit incꞌaꞌ teꞌcutanobresi̱k lix cꞌaꞌuxeb. Chanchan nak cuanqueb saꞌ kꞌojyi̱n. Abanan la̱ex xcutanobresi̱c le̱ cꞌaꞌux xban li Ka̱cuaꞌ ut e̱riqꞌuin la̱ex ta̱cꞌutu̱nk lix lokꞌal.

Isaías 60:2 ပူးပေါင်းရင်းမြစ်များ

Colosenses 1:13

A'an ki'isink qe sa' xwankil li aak'ab' ut kooroksi sa' li x'awab'ejihom li xraarookil Alal

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

Hechos 17:23

Naq yookin chi b'eek ut chi xka'yankil li b'arwan nekeloq'oni, xintaw ajwi' jun li artal b'arwi' tz'iib'anb'il: «Re li Yos li ink'a' nawb'il ru». Jo'kan utan, li nekeloq'oni chi ink'a' nekenaw ru, a'an li xinchalk chi xyeeb'al resil eere.

Hechos 14:16

Sa'eb' li kutan ke'numje'k chaq kixkanab'eb' chixjunil li tenamit chi xk'amb'al xb'eheb' li ke'raj,

San Juan 8:55

us ta ink'a' nekenaw ru. Laa'in yaal naq ninnaw ru, ut wi tinye ta naq ink'a' ninnaw ru, laa'inaq raj aj tik'ti' jo' laa'ex. Ab'anan ninnaw ru ut nink'e inch'ool chirix li raatin.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Ezequiel 10:4

Toja' naq li xloq'al li Qaawa' ki'elk sa' xb'eeneb' li kerubín ut koxkanaaq sa' li okeb'aal; li santil ochoch kinujak rik'in li choql, ut kilemtz'uno'k li xloq'al li Qaawa' chiru li neb'aal.

Números 16:19

Laj Koré kixch'utub'eb' li xkomon chire rokeb'aal li Loq'laj Na'ajej chi xwech'b'al laj Moisés ut laj Aharón. Toja' naq kik'utunk xloq'al li Qaawa' chiruheb' chixjunil li komonil,

Levítico 9:23

Chirix chik a'an laj Moisés ut laj Aharón ke'ok sa' li Loq'laj Muheb'aal ut, naq ke'elk chaq, ke'rosob'tesiheb' laj Israel. Toja' naq li Qaawa' kixk'ut rib' rik'in xnimal xloq'al chiruheb' chixjunil li tenamit:

San Juan 1:1

Sa' xtiklajik ak wan chaq li Aatin, ut li Aatin wan chaq rik'in li Yos, ut li Aatin a'an chaq Yos.

San Mateo 23:19

Ex mutz'! B'ar wank li q'axal nim xwankil: ma li mayej malaj li artal li nasantob'resink re li mayej?

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Salmos 80:1

Re li xjolomileb' laj b'ichanel. Taab'ichamanq jo' chanru li xyaab': “Eb' li xliryo li sumwank”. Xsaalm laj Asaf.

1 Reyes 8:11

jo'kan naq eb' laj tij ink'a' ke'ruhank chi xb'aanuukil li xk'anjeleb', xb'aan naq li xloq'al li Qaawa' kixnujob'resi li rochoch li Yos.

San Mateo 23:24

Ex aj k'amol b'e ink'a' nekex'ilok! Neketz'ileb' li kok' suq ut nekenuq' li kameey!

Salmos 102:16

Eb' li poyanam q'axal te'roxloq'i li xk'ab'a' li Qaawa'; te'siksotq xb'aan laaloq'al chixjunileb' li awab'ej sa' ruuchich'och'.

Isaías 2:5

Ex ralal xk'ajol laj Jakob, waklinqex ut b'eeqo sa' xkutan saqenk li Qaawa' Yos.

Isaías 4:5

tixk'e jun li choql jwal q'oqyink ru chiru li kutan sa' xb'een li tzuul Sión ut sa' xb'een li xLoq'laj Ch'utam; ut chiru q'oqyink taalemtz'uno'q jun lochlookil xam. Ut sa' xb'een chixjunil a'an wanq li xloq'al li Qaawa',

Isaías 58:10

wi nakaq'axtesi aawib' re li yo xtz'okajik, wi nakak'ojob' xch'ool li wank sa' rajb'al ru, relik chi yaal naq taakutano'q laaloq'al sa' li aak'ab', ut li x'ak'ab'il ru laayu'am kama'aq chik li kutan.

Isaías 66:11

Xb'aan naq taak'ojob'aaq leeraanm xb'aan li xnimal xq'unal: jo'eb' li k'uula'al yookeb' chi tu'uk, jo'kan ajwi' naq teetu'un li xtu' Jerusalén rik'in sahil ch'oolej.

Isaías 8:22

chirix chik a'an te'iloq sa' li ruuchich'och', ut junes rahil ch'oolej ut rahilal, aak'ab' ut ch'a'ajkilal te'xtaw. Aran te'oso'q sa' li q'oqyink.

Isaías 58:8

Toja' naq laasaqenk taak'utunq jo' naq nahik'e'k li kutan, ut sa' junpaat taak'iraaq laatiq'ilal. K'amolb'ehaq chawu laachaab'il b'aanuhom ut linloq'al taataaqenq aawe.

Isaías 62:1

Xb'aan xraab'al Sión ink'a' tinkanab' aatinak, sa' xk'ab'a' Jerusalén ink'a' tinkanaaq chi ch'anch'o, toj reetal taakutano'q li xloq'al li tiikilal ut taalemtz'uno'q laakolb'a ib' jo' junaq saqenk.