Isaías 6:7 - Q'eqchi Bible

⁷ Kixtoch' li xtz'uumal we rik'in li lochlookil ru xam ut kixye: “K'e reetal, rik'in li ru xam a'in xinch'e' li xtz'uumal aawe. Kuyb'il sachb'il chik laamaak”, chan.

Li Santil hu

⁷ Ut quixnumsi li ru xam chi xtzꞌu̱mal cue ut quixye: —Anakcuan xinnumsi chi xtzꞌu̱mal a̱cue li ru xam aꞌin, ut riqꞌuin aꞌin isinbil chic la̱ ma̱usilal ut cuybil sachbil chic la̱ ma̱c, chan cue.

Isaías 6:7 ပူးပေါင်းရင်းမြစ်များ

Jeremías 1:9

Toja' naq li Qaawa' kixch'e' li xtz'uumal we ut kixye we: “K'e reetal, anaqwan xink'e li waatin sa' xtz'uumal aawe.

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Daniel 10:16

Ab'anan k'utaamil chiwu jun li mu chanchan winq, ut kixtoch' li xtz'uumal we. Toja' naq kin'ok chi raatinankil li xaqxo chiwu: «Wa'chin, q'axal namayok linch'ool chi rilb'al li moy u a'in ut xinkanaak chi sachso inna'leb'.

San Mateo 9:2

Tikto ke'xk'am chaq rik'in li Jesus jun li sik, yokyo sa' xch'aat. Ut naq kiril li xpaab'aaleb', kixye re li sik: —Kawaq aach'ool, at walal, kuyb'il sachb'il chik laamaak.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Isaías 53:5

Ab'anan xtiq'e' xb'aan li qamaak ut xrahob'tesiik xb'aan li qamaa'usilal. Rik'in li rahob'tesiik kixk'ul, xk'e qe li tuqtuukilal ut rik'in li xtiq'ilal xook'irtasiik laa'o.

Números 16:46

laj Moisés kixye re laj Aharón: “Xok laaxanxaar, k'e xam chisa' xkomon li wank sa' li artal, ut k'e ajwi' li pom. Chirix a'an ayu chi junpaat wankeb' wi' li komonil ut taatoj rix li xmaakeb'. Xb'aan naq xnumtaak li xjosq'il li Qaawa' ut ak xtiklaak li raxkamk”, chan.

Isaías 40:2

Aatinomaq Jerusalén sa' q'unil aatin ut yehomaq re chi yaal naq moko mun ta chik, ak xtoj rix chixjunil li xmaak, xb'aan naq ka'sut xrahob'tesiik xb'aan li Qaawa' chirix chixjunil li maa'usilal xb'aanu.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Isaías 57:19

ut tink'eheb' chi b'ichank chi saheb' sa' xch'ool: «Chiwanq tuqtuukilal rik'ineb' li wankeb' chaq chi najt ut cho'q reheb' ajwi' li wankeb' chi nach' -cha'aq li Qaawa'-. Laa'in tink'irtasiheb'».

Sofonías 3:9

“Naq taawulaq li kutan a'an, tink'e naq eb' li poyanam chaab'il aatin chik te'xye, re naq chixjunileb' te'xyaab'a xk'ab'a' li Qaawa' ut te'k'anjelaq chiru chi junajaq xch'ooleb'.

Zacarías 3:4

Toja' naq li ánjel kixye reheb' li xaqxookeb' chiru: “Isihomaq li tz'ajn aj aq' li wank chirix ut k'ehomaq li raq'ul li ninq'ehik chirix.