Isaías 6:5 - Q'eqchi Bible

⁵ Ut kinye sa' inch'ool: “Toq'ob' xaq wu, xin'oso'k, xb'aan naq laa'in jun li winq ninye li ink'a' us ut wankin sa' jun tenamit aj maak. Xwil rik'in wu li Awab'ej, a' li Nimajwal Yos!”.

Li Santil hu

⁵ Tojoꞌnak quinye la̱in: —Tokꞌob xak cuu. La̱in jun cui̱nk aj ma̱c ut incꞌaꞌ us li na-el saꞌ xtzꞌu̱mal cue. Ut saꞌ xya̱nkeb li tenamit aj ma̱c cuanquin. Anakcuan tinca̱mk xban nak riqꞌuin xnakꞌ cuu xcuil ru li Rey, li Ka̱cuaꞌ li nimajcual Dios.—

Isaías 6:5 ပူးပေါင်းရင်းမြစ်များ

Jeremías 1:6

Ut laa'in kinye: “Toq'ob' wu, at Qaawa', toj saajin chi us ut ink'a' ninnaw aatinak”.

Éxodo 6:30

Ab'an laj Moisés kichaq'ok chiru li Qaawa': “Toq'ob' wu! -chan-. Ch'a'aj li aatinak chiwu. Chan put ru naq tinrab'i laj Parahón?”.

Isaías 29:13

Li Qaawa' kixye we chi jo'ka'in: “Li tenamit a'in yal chi aatin neke'nach'ok wik'in ut nikine'roxloq'i yal rik'in xtz'uumal reheb'; a'ut li xch'ooleb' najt wank wik'in. Maak'a' aj e naq neke'xloq'oni wu, xb'aan naq li k'aru neke'xk'ut chiruheb' li tenamit a'an yal xtaqlahomeb' li winq.

Éxodo 4:10

Kixye laj Moisés re li Qaawa': “Chakuy inmaak, at Qaawa', ch'a'aj li aatinak chiwu. Ut chalen naq xatikib' raatinankil laj k'anjel chawu, jo'kan ajwi' nink'ul. Tat we ut nat'il li ru'uj waq'”, chan.

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

Éxodo 6:12

Kichaq'ok laj Moisés chiru li Qaawa': “Toq'ob' wu! -chan-. Wi eb' laj Israel ink'a' nikine'rab'i, ma toja' ta chik tinrab'i laj Parahón? Xb'aan naq ch'a'aj li aatinak chiwu”.

Jueces 6:22

Toja' naq laj Jedehón kixk'e reetal naq a'an pe' li x'ánjel li Qaawa', ut kixye re: “Toq'ob' wu, at inQaawa'! Xwil li x'ánjel li Qaawa' chi tz'aqal re ru!”, chan.

Éxodo 33:20

Ab'an ninye aawe naq li xnaq' wu ink'a' tatruuq chi rilb'al, xb'aan naq maajun naru rilb'al chi toj tkanaaq chi yo'yo”.

Jueces 13:22

ut kixye re li rixaqil: “Ch'olch'o naq tookamq, xb'aan naq xqil ru li Yos”, chan.

Jeremías 51:57

Li Qaawa', li xnimal ru Awab'ej, xyehom chi jo'ka'in: “Tinkaltesiheb' li xninqal ru winq jo' ajwi' eb' li wankeb' xna'leb' aran Babilonia, eb' li xjolomileb' li tenamit, eb' laj raqol aatin ut eb' laj puub'. Te'warq chi junwaakaj ut ink'a' chik te'ajq ruheb' -chan li Qaawa'-.

Isaías 33:17

Laa'at taaka'ya jun awab'ej sa' li xloq'al ut taawil jun tenamit maak'a' chik xnub'ajlil.

Habacuc 3:16

Naq xwab'i a'in, k'ajo' naq xxiwak xsa' linsa'; xb'aan li xyaab' aakux ink'a' chik ninruuk chi aatinak, ut x'ok jun raxkehob' sa' chixjunil linb'aqel: neke'parpotk eb' li woq sa' linb'eenik. Ab'an k'ojk'o linch'ool royb'eninkil li xkutankil li rahilal taachalq sa' xb'eeneb' li neke'rahob'tesink qe.

Éxodo 24:10

Aran ke'ril ru li xYos laj Israel: rub'el roq li Qaawa' wank chanchan neb'aal tz'akanb'il rik'in safiro, saqen saqenk kama' xraxal li choxa.

Números 17:12

ab'an eb' laj Israel ke'xye re laj Moisés: “Xoo'oso'k chiqajunilo; chiqajunilo tookamq!

Isaías 59:3

Xb'aan naq nujenaq chi kik' leeruq' ut k'ajo' li raaxiik' nekeb'aanu; junes tik'ti' nekeye ut yib' aj aatin wank chi xtz'uumal eere.

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.

Ezequiel 12:2

“At kaamel winq, wankat sa' xyanqeb' jun q'etq'etil tenamit: wank xsa' ruheb' ut ink'a' neke'ilok, wank xxikeb' ut ink'a' neke'ab'ink, xb'aan naq q'axal aj q'etoleb' aatin.

Daniel 9:20

“Toj yookin ajwi' chi tijok ut chi xxootoninkil linmaak jo'wi' li xmaakeb' laj Israel lintenamit, yookin chi elajink chiru li Qaawa' linYos chirix li xsantil na'aj,

Génesis 32:31

Yo chi elk li saq'e naq laj Jakob ki'elk sa' li na'ajej Penuel; ab'an nayeeqan aj chik li ra'.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Salmos 24:10

Ani li nimajwal Awab'ej? A' li Qaawa', li rajawal kaw rib', a'an li nimajwal Awab'ej.

Isaías 24:16

Sa' xkaaxukuutil li ruuchich'och' naqab'i li b'ichank: “Chinimaaq xloq'al li jwal tiik xch'ool”. A'ut laa'in xinye: “Toq'ob' xaq wu, toq'ob' xaq wu, xin'oso'k!”. Eb' laj b'alaq' yookeb' chi b'alaq'ik, ut k'ajo' li maa'usilal neke'xb'aanu!