Isaías 6:3 - Q'eqchi Bible

³ Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Li Santil hu

³ Ut queꞌxjap re chi ribileb rib chixyebal: —Santo, santo, santo li Ka̱cuaꞌ li nimajcual Dios. Chixjunil li ruchichꞌochꞌ nujenak riqꞌuin lix nimal xlokꞌal, chanqueb.

Isaías 6:3 ပူးပေါင်းရင်းမြစ်များ

Salmos 72:19

Usilaatinanb'il taxaq li xloq'laj k'ab'a' chi junelik; chinujaq taxaq chixjunil li ruuchich'och' rik'in xloq'al! Jo'kan taxaq, jo'kan taxaq!

Esdras 3:11

Ke'xterq'usi xk'ab'a' li Qaawa' ut ke'yoxink chiru; wankeb' ke'b'ichank ut wankeb' ke'xsume chi kama'in: “Xb'aan naq A'an jwal chaab'il, li xrahom wank chi junelik rik'ineb' laj Israel”. Ut chixjunil li tenamit chajchookeb' re chi xnimankil ru li Qaawa', xb'aan naq li Loq'laj Ochoch ak wank chik li rub'elankil.

Números 14:21

Ab'anan, relik chi yaal naq yo'yookin ut linloq'al naxnujob'resi li ruuchich'och',

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Zacarías 14:9

Ut li Qaawa' taa'awab'ejinq re chixjunil li ruuchich'och'. Sa' li kutan a'an junaq ajwi' li Qaawa' ut junaq ajwi' li xk'ab'a'.

Isaías 40:5

Toja' naq taak'utunq li xloq'al li Qaawa' ut chixjunileb' li poyanam te'ril ru. Xb'aan naq li Qaawa' xyehok re”.

Isaías 24:16

Sa' xkaaxukuutil li ruuchich'och' naqab'i li b'ichank: “Chinimaaq xloq'al li jwal tiik xch'ool”. A'ut laa'in xinye: “Toq'ob' xaq wu, toq'ob' xaq wu, xin'oso'k!”. Eb' laj b'alaq' yookeb' chi b'alaq'ik, ut k'ajo' li maa'usilal neke'xb'aanu!

Salmos 57:11

xb'aan naq nim chik laarahom chiru li choxa, ut li xtiikilal laach'ool nawulak toj sa'eb' li choql.

Efesios 1:18

Chixkutanob'resi taxaq leech'ool, re naq teenaw b'arwan leeroyb'enihom b'oqb'ilex wi' xb'aan, jo'wi' li xchamal xsasal li loq'al te'reechani eb' laj santil paab'anel.

Habacuc 2:14

Ut taanawmanq ru li xnimal xloq'al li Qaawa' junsut junrub'el choxa, jo' naq nanujak li palaw rik'ineb' li k'iila ha'.

Salmos 90:16

Chak'e taxaq naq laa'o ut eb' li qalal qak'ajol taaqil laasachb'ach'oolej ut laawankilal.

Salmos 97:6

Li choxa naxpuktesi resil li xtiikilal xch'ool ut chixjunileb' li tenamit neke'ril li xloq'al.

Salmos 99:3

Chinimaaq li xloq'laj k'ab'a' li k'ajo' xiwajel. Sant li Qaawa'!

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

Ezequiel 43:2

ut kiwil naq li xloq'al li xYos laj Israel yo chaq chi chalk sa' xjayal releb'l saq'e: nach'oxoxnak li xyaab' jo' li b'ut'iha', ut li ruuchich'och' kisaqeno'k ru xb'aan li xloq'al.

Ezequiel 44:4

Chirix chik a'an kinxk'am sa' li okeb'aal li wank sa' xjayal releb'l iq', chiru li loq'laj ochoch. Aran kink'e reetal naq li xloq'al li Qaawa' ak xnujob'resi li ochoch, ut laa'in kinwiq'laak ut kinhupub' wib' chiru ch'och'.

Salmos 8:2

At Qaawa', aj Eechalat qe, k'ajo' xnimal laaloq'al sa' chixjunil li ruuchich'och'! Toj sa' xb'een li choxa terq'usinb'il laanimajwal wankilal!

Salmos 66:2

cheb'icha xloq'al li xk'ab'a', chenimaaq ru rik'in sahil ch'oolej.

Salmos 99:9

Chenimaaq ru li Qaawa' li qaYos, chehupub'aq eerib' chiru li xloq'laj na'aj: xb'aan naq sant li Qaawa' li qaYos!