Isaías 57:13 - Q'eqchi Bible

¹³ Naq taajap aawe chi xpatz'b'al aatenq'ankil, ink'a' tate'xkol chi moko tate'xtenq'a eb' laajalanil yos, xb'aan naq chixjunileb' a'an te'sapuuq xb'aan li iq'. A'ut li kaw xch'ool wik'in taareechani li na'ajej ut taakanaaq sa' linsantil tzuul”.

Li Santil hu

¹³ Nak te̱jap e̱re chixtzꞌa̱manquil e̱tenkꞌanquil, eb le̱ yi̱banbil dios incꞌaꞌ textenkꞌa. Texcꞌamekꞌ xban ikꞌ usta moco cau ta ta̱ecꞌa̱nk. Abanan eb li nequeꞌxcꞌojob xchꞌo̱l cuiqꞌuin teꞌre̱chani li naꞌajej ut teꞌre̱chani ajcuiꞌ lin santil tzu̱l.

Isaías 57:13 ပူးပေါင်းရင်းမြစ်များ

Salmos 37:9

xb'aan naq eb' laj b'aanuhom maa'usilal te'sache'q chi junajwa, a'ut li k'ojk'ookeb' xch'ool rik'in li Qaawa' te'reechani li chaab'il na'ajej.

Salmos 37:3

Kawaq aach'ool rik'in li Qaawa' ut b'aanu li us, wanqat sa' laana'aj ut chatk'iiq sa' tuqtuukilal;

Isaías 65:25

Laj xojb' ut li karneer te'ichajib'q sa' wiib'al; li kaqkoj taawa'oq pim jo' li wakax, ut li k'anti' taalowoq pojtz'. Maajun chik taarahob'tesinq chi moko taasachoq sa' linsantil tzuul”, chan li Qaawa'.

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Zacarías 7:13

Jo' naq eb' a'an ink'a' ke'raj wab'inkil naq keb'inb'oq, laa'in ink'a' ajwi' nawaj rab'inkil li neke'xtz'aama ut neke'relaji chiwu.

Joel 3:17

“Toja' naq teetaw xyaalal naq laa'in li Qaawa' leeYos ut wankin Sión sa' linloq'laj tzuul. Jerusalén a'anaq li santil tenamit, ut maajun sut chik te'wanq aran eb' li jalaneb' xtenamit.

Ezequiel 20:40

Xb'aan naq chixjunileb' laj Israel tine'xloq'oni sa' linsantil na'aj, sa' xb'een li tzuul najt xteram li wank aran Israel -chan li Qaawa'-. Aran teb'ink'ul chi anchal linch'ool ut tinpatz' leemayej, li xb'een ru leerawimq jo' ajwi' chixjunil li k'aru loq' cheru.

Isaías 66:20

Ut te'xk'ameb' chaq leeras eeriitz'in li wankatqeb' sa' chixjunil li na'ajej, jo' mayej cho'q re li Qaawa': te'chalje'q chirixeb' kawaay, sa' b'eleb'aal ch'iich', chi paqonb'il, chirixatq muul ut kameey, toj Jerusalén sa' linsantil tzuul -chan li Qaawa'-, jo' neke'xb'aanu eb' li ralal xk'ajol laj Israel naq neke'xk'am chaq li xmayejeb' sa'eb' li sek' saq ru toj sa' li wochoch.

Isaías 65:9

Tink'e chi k'ihank eb' li ralal xk'ajol laj Jakob ut eb' laj Judá te'eechaninq re eb' lintzuultaq'a; li ch'och' taa'eechaniiq xb'aaneb' li sik'b'ileb' ru inb'aan ut aran te'wanq laj k'anjel chiwu.

Isaías 11:9

Sa' chixjunil linsantil tzuul maajun taab'aanunq maa'usilal malaj taarahob'tesinq ras riitz'in, xb'aan naq chixjunileb' te'xnaw chik ru li Qaawa'. Jo' naq li ha' naxtamresi li palaw, jo'kan ajwi' li xraab'al li Qaawa' tixnujob'resi chixjunil li ruuchich'och'.

Salmos 125:1

B'ich reheb' li taqsink. Eb' li kaweb' xch'ool rik'in li Qaawa' chanchaneb' li tzuul Sión li ink'a' na'eek'ank; a'an k'ojk'o sa' xna'aj chi junelik.

Jueces 10:14

Ayuqex ut japomaq eere chiruheb' li yos sik'b'ileb' ru eeb'aan. Chexkolaqeb' a'an sa' xq'ehil leerahilal!”, chan li Yos.

Oseas 13:3

Jo'kan naq te'oso'q jo' li eq'laakil choql, jo' li xchu'ke li nasachk chi junpaat; jo'kaqeb' li k'im li nasaapuuk xb'aan li iq' ut jo'kaqeb' li sib' na'elk sa' li b'entaan.

Jeremías 22:22

Li iq' taacha'cha'inq reheb' laj jolominel, ut eb' li neke'rahink aawu te'k'ame'q sa' jalanil tenamit. Ut laa'at xutaanal tatkanaaq ut taasachq aana'leb' xb'aan chixjunil li maa'usilal xlajaab'aanu.

Jeremías 22:20

“Taqen sa' xb'een li tzuul Líbano ut jap aawe chi yaab'ak! Chi'ab'iiq xyaab' laakux toj sa'eb' li tzuul re Basán, aatinan chalen chaq Abarín, xb'aan naq ak xe'sache'k ru eb' li neke'rahink aawu!

Isaías 65:11

“A'ut laa'ex li neketz'eqtaana li Qaawa' ut neketz'eq chirix eech'ool linsantil tzuul, li nekemayeja li tzekemq chiru laj Gad ut nekenujob'resi li sek' rik'in b'iin cho'q re laj Mení,

Isaías 41:16

Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Isaías 40:24

Chanchaneb' li kok' che' li toje' xe'awmank malaj xe'ch'ike'k sa' ch'och', ut toja' xe'ok xchapb'al xxe'. Wi li Qaawa' na'apunk sa' xb'eeneb', te'chaqiq, ut kama' li pim naq te'k'ame'q xb'aan li kaqsut-iq'.

Proverbios 28:25

Li naxrahi ru li tumin, nayoob'ank raaxiik'; ab'an li k'ojk'o xch'ool rik'in li Qaawa', us taa'elq.

Salmos 84:12

Xb'aan naq li Qaawa' a'an li naqakol wi' qib' ut nokooxkutanob'resi; a'an nokoorusila ut nak'ehok qaloq'al. Li Qaawa' naxhoy li rusilal sa' xb'eeneb' li neke'b'eek sa' tiikilal.

Salmos 58:9

Kama'eb' taxaq li q'ol xul li naha'lenk sa' li xb'eenik, jo'qeb' taxaq li tz'eqb'il k'uula'al li ink'a' naril li kutan!

Salmos 1:4

Moko jo'kaneb' ta li ink'a' useb' xna'leb', chanchaneb' b'an li k'im li nak'ame'k xb'aan iq'.

Li xHu LAJ JOB 21:18

Ma xe'cha'cha'iik tab'i' jun sutaq jo' nak'ame'k li k'im xb'aan li iq', jo' nasaapuuk li xmoqoj ixim xb'aan li kaqsut-iq'?

2 Reyes 3:13

ut a'in kixye re li awab'ej re Israel: “K'aru twaj aawe laa'in? Ayu chi patz'ok rik'ineb' xpropeet laana' laayuwa'”. Kichaq'ok li awab'ej re Israel: “Mat-aatinak chi jo'kan, xb'aan naq li Qaawa' xooxb'oq li oxib'o chi awab'ej a'in yal re qaq'axtesinkil sa' ruq' laj Mohab”.

Salmos 118:8

Jwal us toomuhenq rik'in li Qaawa' chiru naq k'ojk'ooq li qach'ool rik'ineb' li winq;

Isaías 14:32

K'aru taayeemanq reheb' li xtaql eb' laj Filistea li te'chalq qik'in? Taayeemanq reheb' naq li Qaawa' kik'ojob'ank re Sión ut aran te'xkol rib' li neb'a' wankeb' sa' li xtenamit li Yos.

Isaías 25:4

Xb'aan naq chanchanat jun saqoonak cho'q re li lub'lub', laa'at xkawub' xch'ool li neb'a' naq wank sa' rahilal, laa'at nakatkolok chiru li hab' ut nakatmuheelank chiru xtiqwal li saq'e. Eb' li josq' aj poyanam chanchaneb' li b'ut'iha' sa' li hab'alq'e

Isaías 49:8

Jo'ka'in kixye li Qaawa': “Sa' chaab'il kutan xatwab'i, sa' xq'ehil li kolb'a ib' xatintenq'a. Xatinyoob'tesi ut xatinxaqab' chi xk'ojob'ankil li sumwank rik'in li tenamit, re xwaklesinkil wi' chik li na'ajej ut xjek'inkil li ch'och' ak sachb'il xchaab'ilal;

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Jeremías 30:14

Xate'xtz'eq chirix xch'ooleb' eb' li neke'rahink aawu, maak'a' chik nakate'raj wi'. Xb'aan naq xatintiq' jo' naxb'aanu li xik' na'ilok, jo' naxb'aanu li josq' aj winq; xatinrahob'tesi xb'aan xk'ihal laamaak: k'ajo' li maa'usilal xab'aanu!

Salmos 37:11

A'ut eb' li neb'a' te'reechani li chaab'il na'ajej. K'ajo' xnimal li tuqtuukil usilal te'xyal chi junelik!

Salmos 37:22

Li osob'tesinb'il xb'aan li Qaawa', a'an taa'eechaninq re li chaab'il na'ajej; ab'an li tz'eqtaananb'il xb'aan, taasache'q chi junajwa.

Salmos 37:29

Ab'an li tiikeb' xch'ool te'reechani li chaab'il na'ajej, ut aran te'wanq junq'e junq'e kutan.

Salmos 37:34

Kawaq aach'ool rik'in li Qaawa' ut b'aanu li rajom: taak'ehe'q aaloq'al ut taaweechani li chaab'il na'ajej; laa'at toxaawil xsachik li ink'a' useb' xna'leb'.

Isaías 45:20

“Ch'utub'omaq eerib' ut kimqex wik'in; jilonqex chink'atq jo'k'ihalex li ink'a' xsache'k eeru sa'atqeb' li tenamit. Maak'a'eb' xna'leb' li neke'b'eresink li che'ilyos, ut neke'elajink chiru junaq yos li ink'a' nakolok.

Jeremías 2:28

B'ar wankeb' laayos li xayiib' rik'ineb' laawuq', a Judá? K'ajo'eb' laayos, chanchan xk'ihaleb' laatenamit! Chalqeb' b'i' a'an re rilb'al ma te'ruuq chakolb'al naq wanqat sa' rahilal.