Isaías 57:11 - Q'eqchi Bible

¹¹ “K'a' chi yosil xxib'esink aawe ut xatxiwak xb'aan naq xinaab'alaq'i ut xinsachk sa' laach'ool chi junajwa? Ma yal xb'aan naq maak'a' ninye aawe chalen chaq junxil naq ink'a' xaxiwa wu?

Li Santil hu

¹¹ Li Ka̱cuaꞌ quixye e̱re: —¿Cꞌaꞌut nak nequexxucuac xbaneb li yi̱banbil dios ut nequelokꞌoniheb? ¿Cꞌaꞌut nak xecanab inlokꞌoninquil xbaneb ut ninsach saꞌ e̱chꞌo̱l? Usta incꞌaꞌ xine̱lokꞌoni, aban chalen chak junxil yo̱quin chixcuybal. Joꞌcan nak incꞌaꞌ niquine̱xucua.

Isaías 57:11 ပူးပေါင်းရင်းမြစ်များ

Proverbios 29:25

Li naxiwak chiruheb' li winq, a'an naxsach rib'; ab'an li k'ojk'o xch'ool rik'in li Qaawa', maak'a' rahilal tixk'ul.

Salmos 50:21

A'an a'in li nakab'aanu laa'at: ma maak'a' tab'i' tinye chirix a'an? Malaj nakak'oxla naq kama'inat? Anaqwan tatinq'us, ok we chajitb'al.

Jeremías 3:21

“Na'ab'imank xyaab' kuxej sa' xb'eeneb' li t'ojoch aj tzuul: a'aneb' laj Israel li yookeb' chi yaab'ak re xtz'aamankil xkuyb'al xmaakeb'. Xe'xjal xb'eheb' ut xinsachk sa' xch'ooleb'; xine'xtz'eqtaana laa'in li Qaawa', li xYoseb'.

Jeremías 2:32

Ma nasachk tab'i' sa' xch'ool junaq tuq'ixq li xchaab'il b'aatal, malaj li sum'anmej ink'a' chik najultiko'k re li xsahob' ru? Ab'an lintenamit ak najter ninsachk sa' li xch'ool.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

1 Timoteo 4:2

A'in taak'ulmanq xb'aaneb' laj b'alaq' ut eb' laj ka'pak'al u li kamenaqeb' xk'a'uxl, chanchan naq kaaxtinb'ileb' xb'aan laj eechal reheb'.

2 Ts 2:9

Laj q'etol chaq'rab' taachalq rik'in xwankil laj tza naq talaje'wanq xninqal ru b'aanuhom, eetalil ut b'alaq'il sachb'ach'oolej;

Hechos 5:3

Kiyehe'k re xb'aan laj Pedro: —At Ananías, chanru naq laj tza xreechani laach'ool? K'a'ut naq xatik'ti'i li Santil Musiq'ej rik'in xjeb'b'al xtz'aq laach'och'?

Oseas 11:12

“Eb' laj Efraín junes tik'ti' neke'xye we, eb' laj Israel junes b'alaq'il na'leb' neke'xk'ut chiwu. A'ut eb' laj Judá toj nikine'xtaaqe, toj kaweb' xch'ool chi paab'ank.

Ezequiel 13:22

Xb'aan naq xerahob'tesi xch'ooleb' li tiikeb' ru xyu'am rik'in li tik'ti', li maajun wa inb'aanuhom laa'in, ut xek'e xkawil xch'ooleb' li maa'us aj winqeb' chi xb'aanunkil li maa'usilal, re raj naq te'kole'q chiru li tojb'amaak.

Jeremías 42:20

Yookex chi xb'alaq'inkil eerib' eejunes, xb'aan naq laa'ex ajwi' xexyehok we: «Tijon chiqix chiru li Qaawa' laaYos, re naq tixk'ut chiqu li b'e tooxik wi' ut k'aru li tqab'aanu».

Isaías 30:9

Xb'aan naq li tenamit a'in jwal kaweb' li xjolom ut aj ka'pak'al uheb', ink'a' neke'raj rab'inkil li xchaq'rab' li Qaawa'.

Isaías 26:10

Us ta taakuymanq xmaak li ink'a' us xna'leb', ab'an ink'a' tixtzol wank sa' tiikilal; toj yooq xb'aanunkil li maa'usilal sa' xyanqeb' li tiikeb' ru xyu'am ut ink'a' tixk'e reetal li xwankilal li Qaawa'.

Eclesiastés 8:11

Naq ink'a' naraqmank aatin sa' junpaat sa' xb'een li yib'ru xna'leb', eb' li tenamit neke'xik wi' chik xch'ooleb' chi xb'aanunkil li maa'usilal.

Salmos 78:36

Ab'an yal rik'in xtz'uumal reheb' ke'xnima xloq'al, ut rik'in li ru'uj raq'eb' ke'tik'ti'ik chiru.

Isaías 42:14

“Chalen chaq sa' xtiklajik maak'a' ninye, ch'anch'ookin xinkanaak ut yal xinkuy wib'; ab'an anaqwan ninjap we jo' li ixq ok re chi alank, ninxeeyank ut ninpoosank aj chik.

Isaías 44:20

Relik chi yaal naq eb' li poyanam a'an neke'xkawu xch'ooleb' chirix li maak'a' na'ok wi', ut neke'xb'alaq'i rib'eb'. Maajoq'e te'ruhanq chi xkolb'al rib'eb' chi moko te'xye: “Tik'ti' tz'aqal li k'aru wank sa' linnim uq'”.

Isaías 47:7

Xaye ajwi' sa' laach'ool: «Taawanq inwankil chi junwaakaj». Ab'anan ink'a' xak'oxla rix a'an chi moko xnume'k sa' laawaanm k'aru toxraqe'q wi'.

Jeremías 38:19

Kichaq'ok laj Sedesías, li awab'ej, ut kixye: “Ninxiwak xb'aaneb' laj Judiiy li xe'q'axonk sa' xyanqeb' laj Kaldeha. Mare anchal tinq'axtesiiq sa' ruq'eb' ut tine'xrahob'tesi”.

Jeremías 41:18

re elk chiruheb' laj Kaldeha, xb'aan naq k'ajo'eb' xxiw. Ke'ok xxiw xb'aan naq laj Ismael, ralal laj Natanías, kixkamsi laj Kedalías, ralal laj Ajikán, li kixaqab'aak xwankil chi xjolominkileb' laj Judá xb'aan li awab'ej re Babilonia.

San Mateo 25:25

Kinxiwak ut koxinmuq sa' ch'och' laatumin. Il, waye' laatumin».