Isaías 56:3 - Q'eqchi Bible

³ Naq junaq ab'l tenamit tixq'axtesi rib' re li Qaawa', ink'a' naru tixye: “Li Qaawa' ink'a' tinxk'ul sa' xyanqeb' li xtenamit”. Chi moko li winq kapuninb'il tixye: “Laa'in jun chaqiche'”.

Li Santil hu

³ Cui cuan junak li jalan xtenamit tixpa̱b li Ka̱cuaꞌ incꞌaꞌ naru tixye nak li Ka̱cuaꞌ incꞌaꞌ tixcꞌul saꞌ xya̱nkeb li ralal xcꞌajol. Chi moco junak li eunuco naru tixye, “ma̱cꞌaꞌ nin-oc cuiꞌ xban nak incꞌaꞌ naru nacuan cualal incꞌajol”.

Isaías 56:3 ပူးပေါင်းရင်းမြစ်များ

1 Corintios 6:17

Ut li naxlaq'ab' rib' rik'in li Qaawa', jun aj chik chi musiq'ej nakanaak rik'in.

Efesios 2:22

Rik'in A'an laa'ex ajwi' kab'lanb'ilex re naq laa'exaq xmuheb'aal li Yos sa' li Musiq'ej.

Romanos 15:16

naq laa'inaq aj k'anjel chiru li Kristo Jesus cho'q reheb' li maawa'eb' aj Judiiy. A'an a'in linloq'laj k'anjel: laa'in aj tij re xpuktesinkil li xChaab'il Esil li Yos re naq k'ulb'ilaqeb' li maawa'eb' aj Judiiy jo' chaab'il mayej, santob'resinb'il xb'aan li Santil Musiq'ej.

Hechos 17:4

Wankeb' aj Judiiy ke'xpaab' ut ke'okenk chirix laj Pablo ut laj Silas, rochb'eeneb' naab'aleb' aj Griego li neke'xiwank re li Yos jo'wi' naab'aleb' xninqaleb' ru ixq.

Hechos 10:34

Toja' naq laj Pedro ki'ok chi aatinak ut kixye: —Xintaw tz'aqal xyaalal naq li Yos juntaq'eet narileb' chixjunil

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Jeremías 50:5

Te'xpatz' xb'ehil li tenamit Sión ut aran te'xik: «Kimqex, qak'amaq qib' sa' usilal rik'in li Qaawa' ut qak'ojob'aq jun sumwank li maajoq'e taasachq sa' qach'ool», cha'qeb'.

Isaías 56:5

laa'in wank k'aru jwal loq' tink'e reheb' jo' ruuchil li ralal xk'ajoleb': sa' li wochoch, chiruheb' lintz'ak, tink'e naq tz'iib'anb'ilaq li xk'ab'a'eb'; patz'b'ilaqeb' chi junelik ut maajoq'e chik te'sache'q xloq'al.

Isaías 39:7

Wanqeb' aawalal, siyanb'ilaqeb' aab'aan, li te'k'ame'q ut te'k'ehe'q chi ilok rochoch li awab'ej re Babilonia»”.

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Números 18:7

A'ut laa'at ut eb' laawalal laa'exaq laj tij sa' chixjunil li na'uxmank chiru li artal malaj sa' li k'anjel na'uxmank junpak'al li t'ilkem. Xink'e eere wank cho'q aj tij jo' jun eemaatan. Wi junaq li maawa' aj tij taajiloq chi k'anjelak cho'q aj tij, taakamsiiq”, chan li Qaawa'.

Números 18:4

A'aneb' te'tenq'anq aawe ut te'k'anjelaq sa' li Loq'laj Muheb'aal, ut maajun li maawa' aj tij taajiloq chek'atq.

1 Pedro 1:1

Laa'in laj Pedro, x'apóstol li Jesukriist, nintz'iib'ak eerik'in li xecha'cha'i eerib' Ponto, Galacia, Kapadocia, Asia ut Bitinia, ut anaqwan wankex aran jo' aj numel. Laa'ex sik'b'il eeru,

Hechos 18:7

Tikto ki'elk aran ut kox'okaq sa' rochoch jun li winq aj Justo xk'ab'a', li naxxiwa ru li Yos; nach' wank li rochoch rik'in li ch'utleb'aal kab'l.

Efesios 2:12

Chijultiko'q eere naq junxil wankex chaq chi maak'a' li Kriist eerik'in, maawa'ex chaq xkomoneb' laj Israel, ab'lex b'an chiru li xyeechi'om li Yos ut chiru li Sumwank, maak'a' eeroyb'enihom ut maak'a' leeYos sa' li ruuchich'och' a'in.

Levítico 21:20

li k'utzk'u rix, li sik, li wank xyajel xsa' ru, li xox rix, li napoxkenk ha' sa' xtz'uumal, chi moko li kapun.

2 Crónicas 6:32

“Jo'kan ajwi' laj ab'l tenamit, li maawa' aj Israel ut xchalk chaq sa' najtil tenamit chi tijok sa' li ochoch a'in sa' laak'ab'a' laa'at (xb'aan naq xe'rab'i resil li xnimal laak'ab'a' ut laawankil),

Isaías 56:6

Ut eb' laj ab'l xtenamit li xe'xq'axtesi rib' re li Qaawa' cho'q aj k'anjel chiru re xraab'al li Yos ut k'anjelak chiru, wi te'roxloq'i li sábado ut ink'a' te'xmux ru, wi kawaqeb' xch'ool rik'in linsumwank,

Levítico 25:45

Truuq ajwi' taaloq' li jalaneb' xtenamit li wanqeb' sa' eeyanq ut eb' li ralal xk'ajol li te'yo'laaq naq wanqeb' sa' leetenamit: eb' a'an truuq teeloq' cho'q eere

Deuteronomio 23:9

“Naq tatxik chi yalok rik'ineb' li xik' neke'ilok aawe, chakol aawib' chiru chixjunil li ink'a' us.

Ester 9:27

eb' laj Judiiy ke'xxaqab' xwankil li chaq'rab' a'in cho'q reheb' ut cho'q reheb' li ralal xk'ajoleb' ut eb' li te'okenq cho'q aj Judiiy: ke'xye naq tento taawanq li ninq'e a'in rajlal chihab', tz'aqal sa' xkutankil, jo' tz'iib'anb'il sa' li hu.