Isaías 55:3 - Q'eqchi Bible

³ Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Li Santil hu

³ Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Isaías 55:3 ပူးပေါင်းရင်းမြစ်များ

Jeremías 32:40

Tink'ojob' jun Sumwank rik'ineb', li wanq xwankil chi junelik: laa'in ninye li waatin naq junelik twusila ruheb', ut tink'e sa' xch'ooleb' naq te'roxloq'i wu ut ink'a' chik te'xnajtob'resi rib' wik'in.

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Proverbios 4:20

At walal ink'ajol, ab'i li waatin; chak'e reetal li ninye aawe.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

Hechos 13:34

Li Yos kixwaklesi chi yo'yo li Jesus re naq maajaruj chik taakamq. A'an ak yeeb'il chaq chi jo'ka'in: «Tink'e eere li k'a'aq re ru sant, a' li tz'aqal yaal, yeechi'inb'il chaq re laj David».

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

San Juan 6:37

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

Isaías 61:8

Xb'aan naq laa'in, li Qaawa', jwal ninra li tiikilal ut xik' nawil li elq'ak ut li kamsink poyanam. Tinq'ajkamuheb' chi tz'aqal re ru ut tink'ojob' rik'ineb' jun sumwank xaqxooq xwankil chi junelik.

Salmos 78:1

Xb'ich laj Asaf. At intenamit, chawab'i link'utum, chak'e reetal li aatin tinye.

Isaías 54:8

Naq xchaalunk linjosq'il, jun k'amok xinmuq wib' chawu; ab'an nakatinra rik'in xnimal inrahom wank chi junelik -chan li Qaawa', laj kolol aawe-.

Levítico 18:5

“K'uulahomaq sa' leech'ool linchaq'rab' ut lintaqlahom. Ani taapaab'anq re, taayo'yooq. Laa'in li Qaawa'.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

San Juan 8:47

Li ani nachalk rik'in li Yos narab'i li naxye li Yos; ut laa'ex ink'a' nekerab'i xb'aan naq moko rehex ta li Yos.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

Jeremías 50:5

Te'xpatz' xb'ehil li tenamit Sión ut aran te'xik: «Kimqex, qak'amaq qib' sa' usilal rik'in li Qaawa' ut qak'ojob'aq jun sumwank li maajoq'e taasachq sa' qach'ool», cha'qeb'.

Jeremías 33:26

tintz'eqtaanaheb' aj raj wi' eb' li ralal xk'ajol laj Jakob ut eb' li ralal xk'ajol laj David, laj k'anjel chiwu. Ut ink'a' raj tinxaqab' junaq li ralal chi awab'ejink sa' xb'eeneb' li ralal xk'ajol laj Abrahán, laj Isahak ut laj Jakob. Xb'aan naq wajom laa'in naq te'sutq'iiq chaq wi' chik sa' li xna'ajeb' ke'k'ame'k wi' chi preexil ut twuxtaana ruheb'”, chan li Qaawa'.

Jeremías 30:9

te'k'anjelaq b'an chik chiru li Qaawa', li xYoseb', ut chiru laj David, li tinxaqab' cho'q awab'ej.

Salmos 119:112

Nink'e inch'ool chi xpaab'ankil laawajom; a'an linq'ajkamunkil chi junelik.

Salmos 89:28

Ut laa'in tinxaqab' cho'q xb'een li walal, nimaq xwankil sa' xyanqeb' li x'awab'ej li ruuchich'och'.

2 Samuel 23:5

Kaw xaqxo linjunkab'al chiru linYos, xb'aan naq li Qaawa' xb'aanu wik'in jun sumwank chi junelik, tustu ru ut xaqxo xwankil. A'an nak'ehok we chi q'axok u chi junelik, a'an naxk'e chi tz'aqlok ru chixjunil li wajom.

San Mateo 13:16

“Ab'an us xaq reheb' xsa' leeru xb'aan naq neke'ilok; us xaq reheb' leexik xb'aan naq neke'ab'ink.

Romanos 10:5

Laj Moisés kitz'iib'ak chirix li tiikil ch'oolej nachalk rik'in li Chaq'rab' ut kixch'olob' xyaalal chi jo'ka'in: “Ani tixb'aanu li naxye li Chaq'rab', taawanq xyu'am xb'aan a'an”.

San Juan 7:37

Sa' roso'jik li ninq'e, sa' xnimal xkutankil, kixye li Jesus chi xaqxo ut chi kaw xyaab' xkux: “Li taachaqiq re, chalqaq wik'in, ut li napaab'ank we, chi'uk'aq.

2 Crónicas 6:42

At Qaawa', at inYos, maatz'eqtaana li sik'b'il ru aab'aan. Chijultiko'q aawe laarahom, chanru naq xara laj David aj k'anjel chawu”.

Salmos 119:175

Toj tinyo'yooq taxaq re xloq'oninkil aawu, ut laawaatin chixk'e taxaq xkawub' linch'ool.

Isaías 51:4

“Ex intenamit, ab'ihomaqin; ex inpoyanam, k'ehomaq reetal li ok we xyeeb'al, xb'aan naq wik'in taa'elq li chaq'rab' ut lintaqlahom taakutanob'resinq re eb' li tenamit.

Isaías 54:10

Us ta eb' li tzuul te'xjal li xna'ajeb' ut eb' li b'ool te'juk'e'q, ab'an linrahom ink'a' taanajto'q aawik'in, chi moko taasachq xwankil li Sumwank xink'ojob' aawik'in re wank sa' tuqtuukilal”, chan li Qaawa' li na'uxtaanank aawu.

Jeremías 38:20

Laj Jeremías kixye re: “At awab'ej, laa'at ink'a' tatq'axtesiiq sa' ruq'eb' a'an. Paab' li naxye aawe li Qaawa' chi xtz'uumal we. Us tat-elq chi jo'kan ut taakol laayu'am.

Ezequiel 16:60

Ab'an laa'in toj wank sa' inch'ool li sumwank kink'ojob' aawik'in naq toj saajat chaq, ut tinxaqab' xwankil linsumwank chi junajwa.

Ezequiel 34:24

Laa'in, li Qaawa', laa'inaq li xYoseb' ut laj David, laj k'anjel chiwu, a'an taajolominq reheb'. Laa'in, li Qaawa', xin'aatinak.

Ezequiel 37:26

Tink'ojob' jun li sumwank rik'ineb' re naq te'wanq sa' tuqtuukilal ut sa' sahilal chi junajwa. Tink'eheb' chi wank sa' li xna'ajeb', tink'ihob'resiheb' ut aran tink'ojob' linsantil ochoch chi junwaakaj.

Amós 5:4

Xb'aan naq jo'ka'in kixye li Qaawa' reheb' laj Israel: “Sik'omaqin laa'in ut taawanq eeyu'am.

Amós 5:6

Sik'omaq li Qaawa' ut taawanq eeyu'am; mare anchal jo' li xam naq taachalq sa' xb'eeneb' laj José ut maajun sa' xyanqeb' laj Betel taaruuq taachupuq re.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

2 Samuel 7:29

Chawosob'tesi taxaq linjunkab'al re naq wanq chawu chi junelik. At Qaawa', at inYos, jo' chanru xayeechi'i laa'at, laawosob'tesihom chihilanq taxaq sa' xb'eeneb' li walal ink'ajol chi junelik”.

Salmos 89:29

Tinhoy li wuxtaan sa' xb'een chi junelik ut maajoq'e taasachq sa' inch'ool linsumwank rik'in.

Proverbios 7:2

K'anjela ru linchaq'rab', ut taawanq aayu'am; k'uula sa' laach'ool jo' li sahil eechej.

Ezequiel 34:25

Tink'ojob' jun li sumwank rik'ineb' a'an, re naq sa te'wanq, ut twisiheb' li josq' aj xul sa' li xna'ajeb', re naq eb' linkarneer te'wanq sa' tuqtuukilal sa'eb' li k'aleb'aal ut te'hilanq sa'eb' li k'iche'.