Isaías 54:4 - Q'eqchi Bible

⁴ Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Li Santil hu

⁴ Mexxucuac xban nak incꞌaꞌ texxuta̱na̱k. Incꞌaꞌ ta̱cꞌutekꞌ e̱xuta̱n. Ta̱sachk saꞌ e̱chꞌo̱l li xuta̱n li xecꞌul saꞌ e̱sa̱jilal. Incꞌaꞌ chic ta̱julticokꞌ e̱re li raylal li xecꞌul nak xexcanaba̱c xban li Dios. Chanchan nak la̱ex chic xma̱lcaꞌan.

Isaías 54:4 ပူးပေါင်းရင်းမြစ်များ

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

1 Pedro 2:6

Xb'aan naq tz'iib'anb'il sa' li Santil Hu: “K'ehomaq reetal, aran Sión tink'e jun li pek re rub'elankil li kab'l: a'an sik'b'il ru ut q'axal loq'. Li taapaab'anq re ink'a' taab'alaq'iiq”.

Jeremías 31:19

Xatintz'eqtaana, at Qaawa', ab'an xinyot' linch'ool xinjal link'a'uxl; ut naq nink'e reetal linmaak, ninten li re linch'ool, ninxutaanak ut nasachk linna'leb' xb'aaneb' li maak xinb'aanu sa' linsaajilal».

Isaías 61:7

Numtajenaq leexutaan ut leemajewankil eek'ulum chaq; jo'kan naq naab'alaq ajwi' leemaatan: ka'wa teek'ul xk'ihal leeb'ihomal sa' li na'ajej wanqex wi' ut junelik chik sahaq sa' leech'ool.

Isaías 51:7

Ab'ihomaqin, laa'ex li nekenaw k'aru li tiikil ch'oolej, ex tenamit li kaw eech'ool chirix linchaq'rab'. Meexiwa ruheb' li poyanam neke'majewank chi moko chich'inanq eech'ool naq neke'hob'ok.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Ezequiel 16:43

Laa'at ink'a' kijultiko'k aawe laasaajilal, kayoob' b'an injosq'il rik'in chixjunil laamaa'usilal; jo'kan naq laa'in tinteneb' li rahilal sa' aab'een xb'aan laayehom laab'aanuhom -chan li Qaawa'-.

Ezequiel 16:22

Naq yookat chi xb'aanunkil li maa'usilal jo' aj yumb'eet, ink'a' kijultiko'k aawe naq sa' laasaajilal katwank chaq chi t'ust'u ut nakatb'oolank sa' laakik'el.

Isaías 4:1

Sa' li kutan a'an wuqub' chi ixq te'xchap jun chi winq ut te'xye re: “Laa'o tqach'oolani qib' qajunes ut tqatiqib' qib' jo' chanru tooruuq; ka'ajwi' naqaj naq tatsumlaaq qik'in ut taamoy li qaxutaan”, cha'qeb'.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Isaías 29:22

Jo'kan naq li Qaawa', li xYos laj Israel, li kikolok re laj Abrahán, naxye chi jo'ka'in: “Chalen anaqwan ink'a' chik te'kaqo'q xb'aan xxutaaneb' eb' li ralal xk'ajol laj Jakob:

Isaías 50:7

Li Qaawa' a'an laj tenq'ahom we; jo'kan naq ink'a' ra naweek'a naq nikine'xhob'; q'axal kaw xaqxookin jo' li saqoonak: ninnaw naq ink'a' tinkanaaq sa' xutaan.

Isaías 54:14

K'ojk'ooqat sa' xb'een li tiikilal, kolb'ilaqat chiru li rahob'tesiik ut li xiwak, ut maajun chik taaxib'esinq aawe.

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Ezequiel 36:15

Ink'a' chik texhob'e'q xb'aaneb' laj ab'l tenamit chi moko texmajewaaq xb'aaneb' li wankeb' chesutam; ink'a' chik te'kamq li ralal xk'ajoleb' laj Israel. Laa'in, li Qaawa', xin'aatinak»”.

Joel 2:21

Matxiwak, at loq'laj ch'och', ut chisaho'q sa' laach'ool xb'aan naq li Qaawa' tixb'aanu xninqal sachb'ach'oolej.

Sofonías 3:11

“Sa' li kutan a'an ink'a' chik tatxutaanaq chirix li ink'a' us xab'aanu we, at intenamit, naq xaq'etq'eti aawib' chiwu, xb'aan naq twisiheb' aawik'in li q'etq'eteb' jo'wi' li neke'xnimob'resi rib', ut ink'a' chik taanima aawib' sa' linsantil na'aj.

Zacarías 10:6

“Laa'in tink'e xkawub' xch'ooleb' laj Judá ut tintenq'aheb' li ralal xk'ajol laj José. Tink'ameb' chaq wi' chik sa' li xtenamiteb' xb'aan naq nawil xtoq'ob'aal ruheb'; chanchan naq maajun sut xintz'eqtaanaheb', xb'aan naq laa'in li Qaawa' li xYoseb' ut nink'ul li xtijeb'.

Li xHu LAJ JOB 11:16

Taatz'eq chirix aach'ool laarahilal, kama' li ha' nanume'k rub'el li q'a.

Isaías 65:16

Jo'k'ihaleb' li te'raj osob'tesiik sa' li tenamit, te'xpatz' rosob'tesinkileb' sa' xk'ab'a' li Qaawa', li Yos q'axal paab'ajel; ut li ani tixye xjurament sa' li tenamit, tixb'aanu sa' ink'ab'a' laa'in, li ninb'aanu li k'aru xinyeechi'i. Relik chi yaal naq li rahilal li kik'ulmank junxil taasachq sa' inch'ool ut ink'a' chik tink'e sa' li waanm.