Isaías 54:3 - Q'eqchi Bible

³ xb'aan naq tatk'ihanq chi yo'oon, eb' laawalal aak'ajol te'reechani naab'aleb' li tenamit ut te'wanje'q sa'eb' li na'ajej yamyookeb' anaqwan.

Li Santil hu

³ La̱ex te̱nimobresi le̱ nuba̱l saꞌ le̱ nim ukꞌ ut saꞌ le̱ tzꞌe. Eb le̱ ralal e̱cꞌajol teꞌre̱chani cuiꞌchic li naꞌajej li cuanqueb cuiꞌ li jalan tenamit anakcuan. Eb le̱ ralal e̱cꞌajol teꞌcua̱nk saꞌ eb li tenamit li ma̱cꞌaꞌ cuiꞌ cristian.

Isaías 54:3 ပူးပေါင်းရင်းမြစ်များ

Génesis 28:14

Li xk'ihaleb' laawalal aak'ajol jo'aq li xpojtz'il li ch'och'; ut laa'at tatpukanq chalen sa' releb'l saq'e toj sa' rokeb'l; chalen sa' releb'l li iq' toj sa' rokeb'l. Sa' aak'ab'a' ut sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' xb'een li ruuchich'och'.

Isaías 52:9

Japomaq eere chi b'ichank chi junaj xyaab' leekux, ex xpo'lemil Jerusalén, xb'aan naq li Qaawa' xril xtoq'ob'aal ru li xtenamit, ak xkol Jerusalén.

Isaías 49:12

K'e reetal, wankeb' te'chalq chaq chi najt; wankeb' te'chalq sa' xjayal releb'l iq' ut sa' rokeb'l li saq'e, ut wankeb' chik te'chalq chaq sa' xteepal Sinín.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Isaías 55:5

K'e reetal, taab'oqeb' li tenamit ink'a' aanawom ruheb', ut te'chalq aawik'in eb' li poyanam ink'a' xnawomeb' aawu sa' xk'ab'a' li Qaawa' laaYos, li xSant laj Israel, li xk'ehok aaloq'al.

Colosenses 1:23

Ka'ajwi' naq kawaq eech'ool sa' leepaab'aal; kaw kab'lanb'ilaqex sa' xb'een a'an, jo'wi' kaw xaqxooqex chi oyb'enink sa' xk'ab'a' li Chaab'il Esilal eerab'ihom, a' li xpuktesimank reheb' chixjunil junsut junrub'el choxa ut li xaqab'anb'ilin wi' laa'in laj Pablo chi xk'anjelankil chiruheb' chixjunil.

Romanos 11:12

Ut wi li xt'anikeb' laj Judiiy kixb'ihomob'resi li ruuchich'och' ut rik'in naq ke'kub'siik xwankil ke'b'ihomo'k li maawa'eb' aj Judiiy, ma toja' ta chik naq chixjunileb' te'ok chi paab'ank?

Romanos 10:18

Ab'an laa'in ninpatz': Ma ink'a' tab'i' ke'rab'i? K'a' naq ink'a'? Xb'aan naq naxye li Santil Hu: “Li xyaab' xkuxeb' ki'ab'imank junsut junrub'el choxa, ut toj sa' xmaril li ruuchich'och' kox'elq li raatineb'”.

Isaías 49:8

Jo'ka'in kixye li Qaawa': “Sa' chaab'il kutan xatwab'i, sa' xq'ehil li kolb'a ib' xatintenq'a. Xatinyoob'tesi ut xatinxaqab' chi xk'ojob'ankil li sumwank rik'in li tenamit, re xwaklesinkil wi' chik li na'ajej ut xjek'inkil li ch'och' ak sachb'il xchaab'ilal;

Génesis 26:22

Naq laj Isahak ki'elk aran, kixb'ek jun chik xjulel li ha', ab'an ink'a' chik ke'xpleeti rib' chirix a'an: jo'kan naq Rehobot kixk'e cho'q xk'ab'a'. Ut kixye: “Anaqwan li Qaawa' xk'e qanimla na'aj; sa chik toowanq sa' li ch'och' a'in”, chan.

Isaías 14:1

Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Isaías 14:2

Naab'aleb' li tenamit te'ochb'eeninq reheb' re sutq'iik sa' li xna'ajeb', ut eb' laj Israel te'xchap eb' a'an cho'q aj k'anjel chiruheb' sa' li na'ajej k'eeb'il reheb' xb'aan li Qaawa'. Eb' li ke'numtaak sa' xb'eeneb' laj Israel junxil, a'aneb' chik li te'chape'q ut te'wanq rub'el xwankileb'.

Isaías 26:15

At Qaawa', laa'at xak'e chi k'ihank laatenamit: xak'ihob'resiheb' re naq taanawmanq ru laawankilal ut xatiq ru li xnub'ajlil li qana'aj.

Isaías 45:14

Jo'ka'in kixye li Qaawa' re laj Israel: “Eb' laj k'anjel re Ejiipt, eb' laj yakonel re Etiopía ut eb' laj Sebá li jwal najteb' xteram te'chalq aawik'in ut laa'at taaweechaniheb'. B'ak'b'ooqeb' chi kareen naq te'xik chawix, te'xwiq'ib' rib' chawu ut te'xtz'aama usilal aawe: «Relik chi yaal naq li Yos wank aawik'in, ut maak'a' chik junaq yos chiru A'an», cha'qeb'”.

Isaías 48:19

K'ajo'eb' raj laawalal aak'ajol, li xk'ihaleb' jo' raj xk'ihal li samahib' chire li palaw; maajoq'e raj xeb'insach ru laa'in, chi moko xe'isiik raj chiwu!”.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».