Isaías 53:3 - Q'eqchi Bible

³ A'an tz'eqtaananb'il ut xik' ilb'il xb'aaneb' li poyanam, a'an jun li winq junes ra naril ut k'aynaq chi k'uluk rahilal; chanchan junaq li maajun naraj ilok re, majewanb'il chi moko xqak'e sa' xnaq' qu.

Li Santil hu

³ Xicꞌ qui-ileꞌ ut quitzꞌekta̱na̱c xbaneb li cuanqueb saꞌ ruchichꞌochꞌ. Junes rahil chꞌo̱lejil quixcꞌul ut quixcuy li rahobtesi̱c. Ma̱ ani quiraj iloc re. Quikatzꞌekta̱na ut ma̱cꞌaꞌ na-oc cuiꞌ chiku nak quikil.

Isaías 53:3 ပူးပေါင်းရင်းမြစ်များ

San Mateo 26:67

Toja' naq ke'xchuub'a li xnaq' ru ut ke'xtzaj chi ruq'eb'; wankeb' chik ke'tenink re,

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Isaías 49:7

A'in xyehom li Qaawa', laj Kolonel ut li xSant laj Israel; jo'ka'in kixye re li jun li jwal tz'eqtaananb'il. A'in xyehom li Yos re li jun majewanb'il sa' xyanqeb' chixjunileb' li tenamit, re li wank chi munil rub'el xwankileb' li josq' aj rahob'tesinel: “Naq eb' li awab'ej ut eb' li xninqal ru winq te'ril aawu, te'xaqliiq ut te'xk'utzub' rib' chawu, xb'aan naq laa'in li Qaawa', li xSant laj Israel: laa'in xinsik'ok aawu ut ninb'aanu li k'aru ninyeechi'i”.

San Marcos 14:34

Kixye reheb': —K'ajo' xrahil li waanm, ka'aj chik maa ninkamk! Kanaaqex arin ut yo'lenqex.

Isaías 53:4

A'an xk'uluk re li qayajel ut xkuy riiqaninkil li qarahilal. Xqak'oxla naq xrape', xtiq'e' ut xrahob'tesiik xb'aan li Qaawa'.

Hebreos 5:7

Chiru li xyu'am arin sa' ruuchich'och', li Kriist kitz'aamank ut ki'elajink chi kaw xyaab' xkux ut rik'in xya'al ru chiru li Yos, li wank xwankil chi kolok re chiru li kamk, ut ki'ab'iik xb'aan naq tiik xch'ool.

Isaías 50:6

Xinkanab' wib' chi sak'e'k, ut xinyeechi'i li xk'atq we naq xine'xmich' chinmach. Ink'a' xinmuq li xnaq' wu naq xine'xpik'a chi ruq'eb' ut xine'xchuub'a.

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

San Lucas 9:22

Kixye reheb': —Li K'ajolb'ej tento tixk'ul naab'al li rahilal, tento taatz'eqtaanaaq xb'aaneb' li cheekel winq, li xb'eenileb' aj tij ut eb' laj tz'iib'; taakamsiiq ut taawakliiq chi yo'yo sa' rox li kutan.

San Lucas 16:14

Naq ke'rab'i chixjunil a'in eb' laj Pariseey, a'aneb' aj raholeb' ru li tumin, ke'ok chi reetz'unkil li Jesus.

San Lucas 8:53

Ut eb' a'an ke'ok chi xse'enkil xb'aan naq neke'xnaw naq xkamk.

San Marcos 15:19

Yookeb' chi xsak'b'al chi che' sa' xjolom, yookeb' ajwi' chi xchuub'ankil ut chi xloq'oninkil ru chi wiq'wookeb'.

San Marcos 9:12

Kixsumeheb' ut kixye: —Taak'ulunq xb'enwa laj Elías ut tolxk'e wi' chik chixjunil sa' xna'aj; ab'anan chan put ru naq tz'iib'anb'il chirix li K'ajolb'ej naq naab'al li rahilal tixk'ul ut taatz'eqtaanaaq?

San Juan 11:35

Li Jesus ki'ok chi yaab'ak.

San Juan 8:48

Ke'chaq'ok eb' laj Judiiy: —Yaal ajwi' naqaye naq laa'at aj Samaria ut aj tza wank aawik'in, chankeb'.

San Mateo 27:63

ut ke'xye re: —Wa', xnaqk sa' qach'ool naq laj b'alaq' a'an kixye naq toj yo'yo: «Sa' rox li kutan tinwakliiq wi' chik chi yo'yo».

Miqueas 5:1

“Ut anaqwan kawal wanqat, Jerusalén, xb'aan naq xe'xch'utub' rib'eb' chi qasutb'al; rik'in b'aar ch'iich' yookeb' xsak'b'al li xko li jolomileb' laj Israel.

Zacarías 11:8

Ut yal chiru jun po kiwisiheb' oxib' laj ilol ketomq, li ink'a' sa wankin xb'aaneb' ut xik' ajwi' nikine'ril.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

San Lucas 19:41

Naq kinach'ok li Jesus rik'in Jerusalén ut kiril li tenamit, kiyaab'ak chirix ut kixye:

Salmos 69:29

Che'sache'q ta reetalileb' sa' xhuhil li yu'am, ink'a' ta chik che'tz'iib'aaq xk'ab'a'eb' rochb'eeneb' li tiikeb' xch'ool.

San Marcos 10:33

“K'ehomaq reetal, yooko chi taqe'k Jerusalén, ut li K'ajolb'ej taaq'axtesiiq sa' ruq'eb' li xb'eenileb' aj tij ut eb' laj tz'iib'. Te'xteneb' kamk sa' xb'een ut te'xq'axtesi sa' ruq'eb' li maawa'eb' aj Judiiy.

San Marcos 10:34

Te'reetz'u, te'xchuub'a, te'xrap chi tz'uum ut te'xkamsi; ab'an sa' rox li kutan taawakliiq chi yo'yo”.

Isaías 52:14

Jo' naq naab'aleb' xe'sachk xch'ool chi rilb'al naq moko jo' ta chik junaq poyanam ut ink'a' chik nak'utunk li ru xb'aan li rahilal,

Salmos 88:4

Xb'aan naq q'axal ra wankin: kamk we naq naweek'a.