Isaías 52:3 - Q'eqchi Bible

³ Jo'ka'in kixye li Qaawa': “Maak'a' tumin kink'ul naq kexk'ame'k chi munil; jo'kan naq maak'a' tumin tink'e naq texwisi chaq anaqwan.

Li Santil hu

³ Aꞌan aꞌin li naxye li Ka̱cuaꞌ: —Moco quitojeꞌ ta e̱rix nak quexcꞌameꞌ chi pre̱xil. Joꞌcan ajcuiꞌ la̱in. Moco riqꞌuin ta tumin texincol.—

Isaías 52:3 ပူးပေါင်းရင်းမြစ်များ

Isaías 45:13

Laa'in xinwaklesink re laj Siro chi q'axok u ut xintuqub' ru chixjunileb' li b'e chiru. A'an taayiib'anq wi' chik re lintenamit ut taarach'ab'eb' li wankeb' chaq sa' jalanil tenamit, chi ink'a' tixpatz' xtojb'al chi moko xq'ajkamunkil”, chan li Nimajwal Yos.

1 Pedro 1:18

Laa'ex nekenaw naq xex'ach'ab'aak chiru li jo'maajo'il na'leb' li kek'ul chaq rik'ineb' leena' leeyuwa': moko xexkole'k ta rik'in li k'a'aq re ru nalajk na'oso'k, jo' li oor ut li plaat,

Salmos 44:12

Xoohaaq'axtesi chi kamk jo' na'uxk reheb' li karneer, ut xoohaacha'cha'i sa'atqeb' chixjunil li tenamit.

Jeremías 15:13

At Israel, xb'aan chixjunil li xatmaakob'k wi' sa' laana'aj laa'in tinq'axtesi laab'ihomal ut laasahil eechej reheb' li xik' neke'ilok aawe, re naq te'xk'am chi maatan.

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Isaías 1:27

Xb'aan lintiikilal tinkol Jerusalén jo'wi' eb' li te'raj sutq'iik wik'in.

Isaías 62:12

“Santil tenamit” taayeemanq reheb' laj Israel; “kolb'ileb' xb'aan li Qaawa'” te'xk'ab'a'in. Ut li tenamit Jerusalén tixk'ab'a'in: “Rahinb'il ru”, “Tenamit ink'a' chik tz'eqtaananb'il”.

Isaías 63:4

A'in li xkutankil li raqok aatin li wank sa' inch'ool; xwulak xq'ehil li eeqajunk ut xkolb'al lintenamit.

Ezequiel 16:31

Naq kakab'la eb' laatijob'aal sa' xxaalatq li b'e ut kayiib'eb' laa'artal sa' chixjunileb' li k'ayiil, ink'a' kapatz' aatojb'al jo' naxb'aanu laj yumb'eet,

Ezequiel 34:27

Te'uuchinq eb' li che', li loq'laj ch'och' tixk'e li awimq; ut eb' a'an te'wanq sa' li xna'ajeb' sa' tuqtuukilal. Naq laa'in tinkol lintenamit sa' ruq'eb' li xe'tawasink ut xe'munink reheb', aran te'xnaw naq laa'in li Qaawa'.

Levítico 25:54

“Ut wi ink'a' xkole'k chiruheb' li chihab' a'an, taakanaaq chi ach'ab'anb'il sa' xchihab'il li ach'ab'ank, rochb'eenaqeb' li ralal xk'ajol,

Salmos 44:13

Xak'ayi laatenamit ut maak'a' nakara xb'aan, ink'a' xab'ihomob'resi aawib' rik'in li xtz'aq.