Isaías 51:7 - Q'eqchi Bible

⁷ Ab'ihomaqin, laa'ex li nekenaw k'aru li tiikil ch'oolej, ex tenamit li kaw eech'ool chirix linchaq'rab'. Meexiwa ruheb' li poyanam neke'majewank chi moko chich'inanq eech'ool naq neke'hob'ok.

Li Santil hu

⁷ Cherabihak li cꞌaꞌru ninye, la̱ex li nequenau li us, la̱ex li nequecꞌu̱la lin chakꞌrab saꞌ le̱ chꞌo̱l. Mexxucuac nak eb li tenamit nequexseꞌe ut michꞌinan e̱chꞌo̱l nak nequexhobeꞌ.

Isaías 51:7 ပူးပေါင်းရင်းမြစ်များ

Salmos 37:31

Xb'aan naq wank sa' xch'ool li xchaq'rab' li xYos ut ink'a' nakab'roxink xk'a'uxl sa' xb'e li Qaawa'.

San Mateo 5:11

“Us xaq eere naq texhob'e'q, texrahob'tesiiq ut te'xye chixjunil li tik'ti' cherix laa'ex sa' ink'ab'a'.

Ezequiel 2:6

“Ut laa'at, kaamel winq, maaxiwa ruheb' chi moko tatxiwaq xb'aan li k'aru te'xye aawe, us ta chanchan naq sutsuuqat sa' li k'ix malaj wanqat ta sa' xyanqeb' laj xook'. Matxiwak rik'in li k'aru te'xye chi moko naq te'josq'o'q chawu, xb'aan naq q'axal kaw li xjolomeb'.

1 Pedro 4:14

Us xaq eere wi nekexhob'e'k sa' xk'ab'a' li Kriist, xb'aan naq li xloq'laj Musiq' li Yos yo chi hilank sa' eeb'een.

Isaías 51:1

“Ab'ihomaqin laa'ex li nekek'e eech'ool chi wank sa' tiikilal, laa'ex li nekexsik'ok re li Qaawa'. Sutq'inqex rik'ineb' leexe'toonil yuwa', k'ehomaq reetal li raxpek li kex'isiik wi' chaq naq kexk'ub'aak.

1 Pedro 4:4

Jo'kan naq eb' a'an neke'sachk xch'ool chi rilb'al naq maawa'ex chik jun chi okenk chirixeb' sa' li xmaa'usilaleb', k'ajo' naq yookeb' chehob'b'al:

Filipenses 3:8

A wi' chik a'in: chiwu laa'in chixjunil li k'a'aq re ru maak'a' na'ok wi' sa' xk'ab'a' li xnimal xloq'al xnawb'al ru li Kristo Jesus, linQaawa'. Sa' xk'ab'a' a'an xintz'eq chirix inch'ool chixjunil li k'a'aq re ru ut yal mul aj chik naq nawil, re naq tweechani li Kriist

2 Corintios 3:3

Uuchin naq laa'ex xhu li Kriist, k'uub'k'u xb'aan li qak'anjel, moko tz'iib'anb'il ta rik'in b'on, rik'in b'an xMusiq' li yo'yookil Yos; ink'a' tz'iib'anb'il chiru perpookil pek, chiru b'an tib'elej, sa' leech'ool.

Hechos 5:41

Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

Jeremías 1:17

Jo'kan utan, kawaq aach'ool, xaqlin ut ye reheb' li k'aru tatintaqla wi'. Maaxiwa ruheb': mare anchal tink'ut aaxutaan chiruheb' a'an.

Salmos 40:8

jo'kan naq xinye: We'kin, chalk we, chankin. Tz'iib'anb'il chiwix sa' li b'otb'ookil hu

Hebreos 10:16

“A'an a'in li Sumwank tink'ojob' rik'ineb', chirixeb' li kutan a'an, chan li Qaawa': Tink'eheb' linchaq'rab' sa' li xch'ooleb', ut tintz'iib'a sa' xk'a'uxeb'”.

Filipenses 3:10

Nawaj xnawb'al ru li Kriist ut li xwankil li xwaklijik chi yo'yo, nawaj ajwi' tz'aqonk sa'eb' li xrahilal: chi jo'kan, juntaq'eetanb'ilaqin rik'in A'an sa' li xkamik,

San Lucas 6:22

“Us xaq eere naq xik' tex'ile'q xb'aaneb' li poyanam, tex'isiiq sa' xyanqeb', texhob'e'q ut te'xtz'eqtaana leek'ab'a' jo' ink'a' us, sa' xk'ab'a' li K'ajolb'ej.

San Mateo 10:28

Meexiwaheb' ru li neke'kamsink re li tz'ejwalej, ab'an ink'a' neke'ruhank xkamsinkil li aanmej; chexiwa b'an ru li ani wank xwankil chi xsachb'al sa' xb'alb'a li aanmej ut li tz'ejwalej.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Isaías 54:4

Matxiwak, moko tatkanaaq sa' xutaan; matxutaanak xb'aan naq maak'a'aq chik k'aru tatkaqo'q wi'. Tz'eq chirix laach'ool li k'aru xak'ul sa' laasaajilal ut maak'oxla chik laamalka'anil.

Deuteronomio 6:6

“Chiwanq sa' laach'ool junelik eb' li aatin a'in xinq'axtesi aawe anaqwan.

Isaías 37:6

kiyehe'k reheb': “Yehomaq re laj eechal eere chi jo'ka'in: «Jo'ka'in xye li Qaawa': Matxiwak xb'aaneb' li aatin xawab'i, a' linhob'b'al xe'xb'aanu laj k'anjel chiru li awab'ej re Asiria.