Isaías 51:5 - Q'eqchi Bible

⁵ Ak xnach'ok chaq linraqb'a aatin, chi seeb' taachalq linkolb'a ib', ut rik'in linwankil tinjolomiheb' li tenamit. Wik'in neke'oyb'enink li tenamit wankeb' chaq chire li palaw, ut kaweb' xch'ool rik'in linwankilal.

Li Santil hu

⁵ Chi se̱b tinba̱nu li cꞌaꞌru xinye. Chi se̱b tincoleb lin tenamit. La̱in tinrakok a̱tin saꞌ xbe̱neb li tenamit. Eb li xni̱nkal ru tenamit yo̱queb chicuoybeninquil. Teꞌxqꞌue retal lin cuanquil ut cuiqꞌuin teꞌyoꞌoni̱nk.

Isaías 51:5 ပူးပေါင်းရင်းမြစ်များ

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

Isaías 60:9

A'aneb' li jukub' li xe'chalk wik'in, k'amolb'eheb' chaq li jukub' re Tarsis; toj najt xe'xk'ameb' chaq laawalal aak'ajol rochb'eeneb' chaq xplaat ut li x'oor, sa' xk'ab'a' li Qaawa' laaYos, li xSant laj Israel, li nak'ehok aaloq'al.

Isaías 42:4

Ink'a' taahilanq chi moko taach'inanq xch'ool toj reetal tixk'ojob' li k'ulub'ej junsut junrub'el choxa. Ut rik'in a'an xaqxooq li royb'enihomeb' li tenamit sutsuukeb' chi ha'.

Romanos 2:16

Chixjunil a'in taak'utunq chi us sa' li kutan taaraqoq wi' aatin li Yos sa' xk'ab'a' li Jesukriist chirix li k'aru muqmu sa' xch'ooleb' chixjunileb'. A'an a'in li Chaab'il Esilal ink'ulum laa'in.

Hechos 17:31

Xb'aan naq li Yos ak kixxaqab' li kutan tixraq wi' aatin sa' tiikilal sa' xb'een li ruuchich'och', sa' xk'ab'a' jun li winq xaqab'anb'il xb'aan. Kixk'ut ajwi' chiruheb' chixjunil naq tz'aqal yaal a'an, rik'in xwaklesinkil chi yo'yo li Jesus sa' xyanqeb' li kamenaq”.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

San Marcos 16:15

Ut kixye reheb': “Ayuqex sa' chixjunil li ruuchich'och' ut chepuktesi li Chaab'il Esilal junsut junrub'el choxa.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

San Mateo 3:2

“Cheyot' eech'ool chejal eek'a'uxl, xb'aan naq li xnimajwal wankilal li choxa ak nach' wank”, chan.

Sofonías 2:11

Q'axal xiwajel tixb'aanu li Qaawa' reheb' naq chixjunileb' li jalanil yos sa' ruuchich'och' te'kanaaq chi maak'a'aq chik xwankileb', ut chiru chik li Qaawa' te'xwiq'ib' rib' chixjunileb' li na'ajej sutsuukeb' xb'aan li palaw, sa' xna'aj xna'aj li junjunq.

Joel 3:12

Kawresiiq eerib', ex tenamit, ut ayuqex sa' xtaq'ahil Josafat. xb'aan naq aran tink'ojlaaq chi raqok aatin sa' xb'eeneb' chixjunileb' li tenamit li nach' wankeb'.

Isaías 63:5

Xin'ilok chinsutam ut maajun aj tenq' xintaw; k'ajo' xsachik linch'ool xb'aan naq maajun wank chintenq'ankil. A' linkawilal xkolok we, ut xb'aan xxamlel linjosq'il xintaw xkawub' li waanm.

Isaías 56:1

Li Qaawa' kixye chi jo'ka'in: “Junelik wanqex sa' tiikilal ut b'aanuhomaq li us, xb'aan naq nach' chik wank linkolb'a ib' ut ok re chi k'utunk li xtiikilal linch'ool.

Isaías 49:1

Ab'ihomaqin, ex tenamit li wankex chaq chire li palaw, k'ehomaq reetal, laa'ex li wankex chaq chi najt. Li Qaawa' kinxb'oq chaq naq toj wankin rik'in linna' ut kixye link'ab'a' naq toj maji' ninyo'laak.

Isaías 40:10

K'ehomaq reetal, yo chi chalk li Qaawa' rik'in xnimal xwankil: chixjunil wank rub'el roq rub'el ruq'! K'ehomaq reetal, rochb'een chaq li xtojb'al ut k'amol b'e chaq chiru li q'ajkamunk.

Salmos 98:9

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal li xch'ool.

Salmos 85:9

Twab'i k'aru tixye li Qaawa': li Yos tixjultika li tuqtuukil usilal cho'q re li xtenamit ut eb' li neke'rahok re, re naq ink'a' te'sutq'iiq wi' chik chi xb'aanunkil li jo'maajo'il na'leb'.

Salmos 67:4

At Qaawa', che'b'anyoxinq taxaq chawu li tenamit, che'b'anyoxinq taxaq chawu chixjunileb'!

1 Samuel 2:10

Li Qaawa' naxjuk' xwankil eb' li xik' neke'ilok re, li Nimajwal Yos namoqk chaq xyaab' toj sa' choxa. Li Qaawa' naraqok chaq aatin toj sa' xmaril li ruuchich'och', naxk'e xwankil li na'awab'ejink re li xtenamit ut naxnima xwankil li sik'b'il ru xb'aan”.

Deuteronomio 30:14

Li aatin nach' wank aawik'in, wank sa' xtz'uumal aawe ut sa' laach'ool, re naq taak'anjela ru.

Salmos 110:6

Taaraqoq aatin sa' xb'eeneb' li tenamit ut tixtuub'eb' li kamenaq; taaputz'inq jolomej sa' chixjunil li ruuchich'och'.

Salmos 96:13

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal xch'ool.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Isaías 26:4

K'ojob'omaq leech'ool rik'in li Qaawa' chi junelik, xb'aan naq A'an tz'aqal li Saqoonak nakolok qe.

Isaías 33:2

At Qaawa', chawuxtaana taxaq qu, aawik'in yooko chi oyb'enink. Laa'ataq xkawub' qach'ool rajlal eq'la, laa'ataq laj kolol qe sa' xq'ehil li rahilal.

Isaías 33:22

Xhite'k li xk'aamaleb' li jukub', ink'a' chik xaqxo chi kaw li roqechal sa' xna'aj ut ink'a' chik naru xhelb'al li xnimal xt'ikrul li jukub'. Naab'al xb'ihomaleb' li xik' neke'ilok qe taaqeechani: te'tz'aqonq ajwi' eb' li mutz', ut eb' li yeq roqeb' te'xkut rib' sa' xb'een chi relq'ankil. Xb'aan naq li Qaawa' a'an laj raqol aatin sa' qab'een, a'an laj k'amol qab'e; li Qaawa' a'an li qaRey. A'an ajwi' taakoloq qe.

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.

Isaías 59:16

Xk'e reetal naq maajun natenq'ank reheb' li rahob'tesinb'ileb', ut xsachk xch'ool chi rilb'al naq maajun na'okenk chirixeb'. Toja' naq li Yos xq'axok u rik'in li xwankilal ut a' ajwi' li xtiikilal xkuutunk re.

Isaías 62:11

K'ehomaq reetal naq li Qaawa' kixpuktesi resil a'in toj sa' xmaril li ruuchich'och': “Yehomaq re li tenamit Sión: Il, we' chaq laj Kolol aawe rochb'een chaq li xkolom, k'amolb'e chaq chiru li xq'ajkamunkileb' li ak xkoleb'”.