Isaías 51:2 - Q'eqchi Bible

² K'ehomaq reetal laj Abrahán, leeyuwa', ut lix Sara, li ki'alank eere. Naq laa'in kinb'oq chaq laj Abrahán, a'an jun chirib'il rib'; ab'anan kiwosob'tesi ut kink'ihob'resi.

Li Santil hu

² Chijulticokꞌ e̱re le̱ xeꞌto̱nil yucuaꞌ laj Abraham ut lix Sara. Saꞌ xcꞌabaꞌ aꞌan nak cuanquex la̱ex. Nak la̱in xinsicꞌ ru laj Abraham, aꞌan jun ajcuiꞌ. Abanan la̱in quicuosobtesi ut queꞌnabaloꞌ li ralal xcꞌajol.

Isaías 51:2 ပူးပေါင်းရင်းမြစ်များ

Ezequiel 33:24

“At kaamel winq, eb' li wankeb' sa' xyanq li po'lem, sa' xteepal Israel, yookeb' chi xyeeb'al: «Laj Abrahán a'an jun ajwi' chi winq ut kireechani li na'ajej a'in. Ma toja' ta chik laa'o toxqeechani li na'ajej xb'aan naq naab'alo», chankeb'.

Isaías 29:22

Jo'kan naq li Qaawa', li xYos laj Israel, li kikolok re laj Abrahán, naxye chi jo'ka'in: “Chalen anaqwan ink'a' chik te'kaqo'q xb'aan xxutaaneb' eb' li ralal xk'ajol laj Jakob:

Génesis 24:35

Li Qaawa' xrosob'tesi chi yo'oon laj eechal we, ut a'an xb'ihomo'k chi us, xb'aan naq xmaatani xkarneer, xwakax, xplaat ut x'oor, winq ut ixq li neke'k'anjelak chiru, xkameey ut xb'uur.

Génesis 24:1

Ak xikenaq xhab' laj Abrahán, tiix aj chik ut ak osob'tesinb'il xb'aan li Qaawa' rik'in chixjunil.

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Josué 24:3

Chire li nima' Éwfrates kinchap laj Abrahán leeyuwa' ut kink'e chi xb'eeninkil chixjunil li na'ajej Kanahán. Kinnaab'alob'resi eb' li ralal xk'ajol rik'in xk'eeb'al xb'enwa laj Isahak cho'q ralal.

Deuteronomio 1:10

Li Qaawa' leeYos xexnaab'alob'resi, ut anaqwan laa'ex chik jo'eb' li chahim chiru choxa.

Isaías 41:8

Ab'i, a Israel, aj k'anjelat chiwu; ab'i, a Jakob, insik'om chaq aawu, ex intenamit, ralal xk'ajolex laj Abrahán, li wamiiw:

Isaías 43:27

Xb'enwa kimaakob'k laaxe'toonil yuwa'; chirix chik a'an eb' laj k'amol aab'e ke'xq'etq'eti rib' chiwu.

Isaías 60:22

Eb' a'in jun ch'ina ch'uuteb' chi tenamit, ab'an te'pukanq chi k'iila o'q'ob'; ut sa' jun ch'ina teep taa'elq jun nimla tenamit q'axal kaw rib'. Laa'in li Qaawa' tinb'aanu chixjunil a'in chi junpaat naq taawulaq xq'ehil”, chan li Yos re li tenamit Jerusalén.

Isaías 63:16

Laa'at li qana' qayuwa'! Us ta laj Abrahán ink'a' nokooxk'e sa' xch'ool chi moko nokoojultiko'k re laj Israel, a'ut laa'at li qana' qayuwa', at Qaawa'; chalen chaq sa' xtiklajik laa'at laj kolol qe.

Deuteronomio 26:5

Ut laa'at tat-ok chi aatinak, taaye a'in re li Qaawa' laaYos: «Linxe'toonil yuwa' a'an chaq jun aj Aram, aj b'eenihom rib'. Kikub'eek sa' li tenamit Ejiipt ut aran kiwank chi yal ink'a' k'iheb'; ab'anan ke'tamk, ke'xtaw xwankil ut ke'nimlatenamito'k.

Isaías 48:1

“Ab'ihomaq a'in, ex ralal xk'ajol laj Jakob, li nekek'ab'a'in ajwi' Israel, laa'ex li xexyo'laak sa' riyajil laj Judá. Nekeye eejurament sa' xk'ab'a' li Qaawa' ut nekepatz' xk'ab'a' li xYos laj Israel, ab'an ink'a' nekeb'aanu sa' xyaalal chi moko rik'in xtiikilal eech'ool.