Isaías 51:18 - Q'eqchi Bible

¹⁸ Sa' xyanqeb' chixjunileb' laawalal aak'ajol, maajun reheb' nab'eresink aawe; maajun sa' xyanqeb' chixjunil li xak'iiresiheb' nak'amok b'e chawu.

Li Santil hu

¹⁸ Ma̱ jun cuan saꞌ xya̱nkeb le̱ ralal e̱cꞌajol li ta̱beresi̱nk e̱re. Ma̱ jun saꞌ xya̱nkeb li xeqꞌuiresi naru ta̱cꞌamok be che̱ru.

Isaías 51:18 ပူးပေါင်းရင်းမြစ်များ

Isaías 49:21

Ut taaye ajwi' sa' laach'ool: «B'ar anchal xe'chalk chaq eb' li kok'al a'in? Maak'a'eb' chaq walal xb'aan naq jo'kin junaq xma'al ixq naq xinwank; xintz'eqtaanaak ut xin'isiik sa' lintenamit. Ut eb' a'in ani xe'k'iiresink reheb'? Xb'aan naq laa'in xinkanaak injunes. B'ar put xe'chalk a'in chi jo'kanan?»”.

Salmos 88:18

Chanchan naq sutsuukin xb'aan li b'ut'iha' naq naweek'a; junelik naxkut rib' laajosq'il sa' inb'een.

San Marcos 8:23

Li Jesus kixchap chi ruq' li mutz', kirisi sa' li tenamit, kixchuub'a xsa' li ru ut kixk'e li ruq' sa' xb'een, yo chi xpatz'b'al re: —Ma nakat-ilok b'ayaq? chan re.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

San Mateo 9:36

Naq kirileb' li k'iila tenamit, kixtoq'ob'a ruheb' xb'aan naq ch'i'ch'i'inb'ileb' ut cha'chookeb', jo'keb' li karneer maak'a' aj ilol reheb'.

Isaías 45:1

Jo'ka'in kixye li Qaawa' re laj Siro, sik'b'il ru xb'aan cho'q awab'ej: “Laa'in xatinch'ilo chawuq' re xk'eeb'aleb' li tenamit rub'el laawankil ut re xjuk'b'aleb' xwankil eb' li awab'ej. Laa'in xinte chixjunileb' li okeb'aal ut maajun chik taatz'ape'q chawu.

Isaías 41:13

Xb'aan naq laa'in li Qaawa', laaYos, chapchookat chawuq' inb'aan. Laa'in ninyehok aawe: “Matxiwak, laa'in nintenq'ank aawe”.

Salmos 142:4

naq yo chi lajk linmetz'ew ut nawiib'ank linch'ool. At Qaawa', laa'at nakanaw chanru linyu'am. Sa' li b'e ninnume'k wi', xe'xmuq xra'aleb' re int'anb'al.

Hebreos 8:9

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq sa' li tenamit Ejiipt. Eb' a'an ink'a' ke'xpaab' linSumwank rik'ineb'; jo'kan naq laa'in ajwi' ink'a' chik kink'oxlaheb', chan li Qaawa'.

Hechos 13:11

Anaqwan il, li ruq' li Qaawa' wank sa' aab'een. Tatmutz'o'q ut ink'a' chik taawil ru li saq'e chiru jarub'aq kutan. Tikto kiq'oqyino'k ut ki'aak'ab'o'k xsa' li ru: tixsuti rib' chi xsik'b'al ani taach'ilonq re chi ruq'.

Hechos 9:8

Toja' naq kiwakliik laj Sawlo chiru ch'och', ut naq kixte raj li ru, ink'a' chik na'ilok. Ke'xch'ilo chi ruq' ut ke'roksi Damaask;

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Li xHu LAJ JOB 8:20

Li Yos ink'a' naxkanab' xjunes li tiik xch'ool, chi moko naxtenq'a li yib'ru xna'leb'.

Isaías 54:11

“Toq'ob' aawu, tawasinb'ilat xb'aan li kaqsut-iq': maajun nak'ojob'ank aach'ool! Laa'in tatinwaklesi wi' chik rik'in q'eqjohinkil pek ut cho'q rub'elankil tink'eheb' li safiro.

Jeremías 10:20

Juk'b'ileb' chik linmuheb'aal anaqwan ut chixjunileb' li xk'aamal xet'upe'k. Eb' li walal ink'ajol xine'xkanab' injunes ut maajun chik xkanaak. Maajun chik taawaklesinq re linmuheb'aal ut maa'ani chik taaheloq re li xt'ikrul.

Amós 5:2

Israel chanchan jun tuq'ixq kamenaq; xt'ane'k ut ink'a' chik naru chi wakliik. Jiljo chiru ch'och' xkanaak ut maajun nawaklesink re.

Ezequiel 34:6

Xe'sachje'k sa'eb' li k'iche' ut sa'atqeb' li tzuul, xe'xcha'cha'i rib' sa' chixjunil li ruuchich'och', chi maajun napatz'ok reheb' chi moko xkoheb' chi xsik'b'al.