Isaías 5:5 - Q'eqchi Bible

⁵ Jo'kan utan tinye eere li k'aru ok we chi xb'aanunkil re li wawimq: tinte li okeb'aal re naq taa'oso'q; tinjuk' li tz'ak sutsu wi' li wawimq, re naq taayeq'iiq ut taasache'q ru.

Li Santil hu

⁵ Anakcuan chine̱rabi. Tinye e̱re cꞌaꞌru tinba̱nu riqꞌuin li cuacui̱mk. Tincuisi li corral li xinyi̱b re nak ta̱osokꞌ. Tintꞌan li tzꞌac re nak ta̱yekꞌi̱k ut ta̱sachekꞌ.

Isaías 5:5 ပူးပေါင်းရင်းမြစ်များ

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Lamentaciones 1:15

Li Qaawa' xtz'eqtaana chixjunileb' li jwal kaweb' rib' chinkolb'al. Xch'utub'eb' li k'iila aj puub' chi yalok wik'in re xsachb'al ruheb' li saaj al neke'okenk chiwix. Xinxyeq'i sa' roq laa'in li tuq'ixq re Judá, jo' na'uxk reheb' li uub' re xyatz'b'al li xya'al.

Isaías 28:18

Taasachmanq xwankil li xk'eeb'al eerib' sa' aatin rik'in li kamk, ut li sumwank rik'in li xna'ajeb' li kamenaq taakanaaq chi maak'a' rajb'al. Naq taachalq li nimla rahilal, texputz'i.

Apocalipsis 11:2

Ab'anan li neb'aal li wank chirix, kanab', maab'is xb'aan naq q'axtesinb'il reheb' li maak'a'eb' xpaab'aal, ut eb' a'an te'xyeq'i li Santil Tenamit chiru wiib' roxk'aal po.

Isaías 28:3

ut tixyeq'i sa' roq li tenamit neke'xnima wi' rib' eb' laj Efraín li jwal kalajenaqeb'.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

Génesis 11:7

Tinkub'eeq b'i' ut toxinpo' li raatinob'aaleb', re naq ink'a' chik te'xtaw ru li te'xye chirib'ileb' rib'”.

Génesis 11:4

Chirix chik a'an ke'xye: “Qayiib'aq junaq qanimla tenamit ut junaq kab'l q'axal najt xteram li taawulaq toj sa' choxa, re naq taak'eemanq reetal li qana'leb'. Mare anchal toohire'q sa' xb'een li ruuchich'och'”, chankeb'.

Daniel 8:13

“Toja' naq kiwab'i jun li ánjel yo chi aatinak, ut li jun chik kixpatz' re: «Jo' najtil taawanq xk'utb'esinkil li moy u a'in? Jo' najtil taawanq li mayejak rajlal kutan, li jo'maajo'il na'leb' ut li loq'laj Muheb'aal? Jo' najtil chik yooq xtawasinkileb' laj paab'anel?».

Lamentaciones 4:12

Eb' li awab'ej ut li tenamit sa' ruuchich'och' maajun sut xe'xk'oxla naq laj rahob'tesinel ut eb' li xik' neke'ilok te'ok ta sa' li tenamit Jerusalén.

Isaías 25:10

Li ruq' li Qaawa' taahilanq sa' xb'een li tzuul a'in, ab'an Mohab taayeq'iiq sa' oqej sa' li xna'aj jo' naq nayeq'iik li k'im sa' mul.

Nehemías 2:3

ut kinye re li awab'ej: “At awab'ej, sahaq taxaq aach'ool chi junelik! K'a' naq ink'a' rahaq inch'ool? Li tenamit b'arwi' wank xmuqleb'aaleb' linna' linyuwa' xkanaak chi po'lemil ut k'atb'il chik li rokeb'aal”.

Salmos 89:40

xasach xwankil laasumwank rik'in laj k'anjel chawu, ut xamux sa' ch'och' xloq'al li xkoroon.

Proverbios 24:31

Ut xwil naq nujenaq chi k'ix li xk'aleb'aal, naab'al li pajl sa' li awimq, jo' ajwi' ak xe't'anje'k li pek sutsu wi' li na'ajej.

Isaías 32:10

Anaqwan maak'a' nekek'oxla, ab'anan sa' wan xkab' chihab' k'ajo' naq texxiwaq, xb'aan naq maak'a' teexok sa' xq'ehil xsik'b'al ru li uub'.

Jeremías 18:11

“Jo'kan utan, ye a'in reheb' laj Judá ut reheb' laj Jerusalén: «Li Qaawa' xye chi jo'ka'in: Yookin xkawresinkil eerahob'tesinkil ut ak yookin xk'uub'ankil. Kanab'omaq xb'aanunkil li maa'usilal, tiikob'resiiq ru leeyu'am ut leeb'aanuhom».

Jeremías 21:4

«Jo'ka'in xye li Qaawa', xYos laj Israel: Laa'in tink'eheb' chi elelik laasoldaad chiruheb' laj Babilonia ut chiruheb' laj Kaldeha li yookeb' chi yalok eerik'in chirix li xsuttz'akil li tenamit, ut tolinch'utub'eb' sa' li tenamit a'in.

Jeremías 28:8

Eb' li propeet li ke'wank chaq junxil, naq toj maji' nokooyo'laak chaq laa'o, ke'xye chaq resil li raaxiik', li we'ej ut li raxkamk taawanq sa' naab'aleb' chi tenamit ut xninqal awab'ejihom.

Jeremías 45:4

Ab'an li Qaawa' xye li aatin a'in chawix ut xinxtaqla chaq chi xnumsinkil aawe: «Laa'in tinjuk' li k'aru xinkab'la, ut tinmich' li xwaw; ut a'in tinb'aanu re chixjunil li ruuchich'och'.

Oseas 2:12

Tink'e chi sache'k chixjunileb' li rawimq li naxye wi': «A'aneb' a'in linq'ajkamunkil li xk'ehomeb' we li neke'rahink we». Tink'eheb' chi pimo'k ut tinkanab' cho'q xwaheb' li k'iche'il xul.

Salmos 89:41

Xajuk'i chixjunil li tz'ak sutsu wi' li xtenamit, ut xakanab' chi po'lemil eb' li kab'l neke'xkol wi' rib'.

Eclesiastés 3:3

Wank xq'ehil li kamsink, ut wank xq'ehil li k'irtasink. Wank xq'ehil li juk'uk, ut wank xq'ehil li kab'lak.

Lamentaciones 2:6

Jo' junaq aj elq' xweqi li xloq'laj ochoch ut kok'putz' xkanab' li na'ajej na'uxk wi' ch'utlaak. Ink'a' chik na'uxk ninq'ehik aran Sión chi moko neke'roxloq'i li sábado. Sa' xxamlel li xjosq'il li Qaawa' xk'e chi sache'k li awab'ej ut eb' laj tij.

Oseas 2:14

“Jo'kan naq tinq'unb'esi li xch'ool: tink'am sa' li chaqich'och' ut tinye re naq q'axal ninra.