Isaías 5:26 - Q'eqchi Bible

²⁶ Rik'in eetalil xb'oq jun li tenamit wan chaq chi najt; rik'in jun xuxb' xb'oq chaq toj sa' xmaril li ruuchich'och': ilomaq arin chi junpaat, xseeb'ank chaq chi chalk.

Li Santil hu

²⁶ Li Ka̱cuaꞌ Dios chanchan nak tixtaksi lix bandera re xbokbaleb li jalan tenamit li cuanqueb chi najt. Chanchan nak xuxbanbil tixba̱nu reheb nak tixbokeb li tenamit li kꞌaxal najt cuanqueb chak. Ut eb li tenamit aꞌan saꞌ junpa̱t teꞌcha̱lk.

Isaías 5:26 ပူးပေါင်းရင်းမြစ်များ

Zacarías 10:8

“Rik'in jun xuxb' teb'inb'oq ut teb'inch'utub' xb'aan naq laa'in xinkolok reheb'; ut q'axal te'tamq wi' chik jo' naq xe'wank chaq junxil.

Isaías 7:18

Sa'eb' li kutan a'an li Qaawa' tixb'oqeb' chaq laj Ejiipt li jo'keb' xk'ihaleb' li suq, ut eb' laj Asiria li te'chalq chaq jo'keb' li kas.

Isaías 18:3

Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

Deuteronomio 28:49

Li Qaawa' tixwaklesi chaq sa' aab'een jun li tenamit chalenaq chi najt, toj sa' xmaril chaq li ruuchich'och', kama' naq nachalk li t'iw. Taachalq jun tenamit jalan chik raatinob'aaleb',

Isaías 11:12

Tixtaqsi jun eetalil cho'q reheb' li poyanam, tixch'utub'eb' wi' chik eb' laj Israel li ke'isiik sa' li xtenamiteb', ut tixk'ameb' chaq eb' laj Judá li cha'cha'inb'ileb' sa' chixjunil li ruuchich'och'.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Habacuc 1:8

Li xkawaayeb' jwal kaw neke'aanilak chiruheb' li hix, ut rajawal josq'eb' chiruheb' laj xojb' sa' li chaqich'och'. Numtajenaq xk'ihaleb' laj puub' ut toj najt ajwi' neke'xchap raanileb' chi yalok; chanchaneb' li t'iw li naxkut rib' sa' xb'een li xtzak.

Joel 2:7

Neke'aanilak jo'eb' laj puub' jwal kaweb' rib', neke'taqe'k chiru li xsuttz'akil li tenamit ut tiik neke'xik chi ink'a' nake'xjal li xb'eheb'.

Lamentaciones 4:19

Eb' li xe'raj qachapb'al q'axal kaw xe'aanilak chiruheb' li t'iw. Xoohe'xsik'i sa' k'iche' ut xe'xk'e qara'lenkil sa' li chaqich'och'.

Jeremías 51:27

“Taqsihomaq li eetalil re li yalok sa' chixjunil li ruuchich'och' ut yaab'asihomaq li pur sa'atqeb' li tenamit. Kawresihomaqeb' li poyanam re yalok rik'ineb' laj Babilonia. Ch'utub'omaqeb' li awab'ej re Ararat, Miní ut Askenas; xaqab'omaq junaq li taak'amoq b'e chi yalok. Taqlahomaqeb' li kawaay chi uub'ej jo'kaqeb' li josq' aj saak'.

Jeremías 5:15

“Ex aj Israel -chan li Qaawa'-, laa'in tintaqla chaq chi yalok eerik'in jun tenamit li jwal najt wan chaq; q'axal kaweb' rib' ut najter winqeb'. Laa'ex ink'a' nekenaw li raatinob'aaleb' chi moko neketaw ru li neke'xye.

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Isaías 39:3

Toja' naq li propeet Isaías kiwulak rik'in laj Esekías, li awab'ej, ut kixpatz' re: “K'aru xe'xye aawe eb' li winq a'an ut b'ar xe'chalk chaq?”, chan. Kichaq'ok laj Esekías ut kixye: “Xe'chalk chaq sa' jun najtil tenamit, Babilonia xk'ab'a'”, chan.

Isaías 30:16

ut xeye chi jo'kan: “Ink'a', jwal us too'eleliq chirix kawaay”. Us b'i', elelinqex! Xeye ajwi': “Too'eleliq sa' b'eleb'aal ch'iich' li kaw neke'xik”. Us a'an, jo'kanaqeb' ajwi' li te'aanilasinq eere!

Isaías 13:5

Najt xe'chalk chaq, chalen junsut junrub'el choxa. Li Qaawa' rochb'eeneb' li neke'okenk sa' li xjosq'il te'xsach chixjunil li ruuchich'och'.

Isaías 13:2

“Taqsihomaq li reetalil li yalok sa' xb'een li t'ojoch aj tzuul, japomaq eere ut k'utomaq leeruq' chiruheb' laj puub' re naq te'ok sa' li rokeb'aaleb' li ninqeb' xwankil.

Salmos 72:8

Chiwanq xwankil chalen sa' li palaw toj sa' li palaw jun chik, chalen sa' li nima' Éwfrates toj sa' xmaril li ruuchich'och'.

Salmos 60:4

Xachiq'chiq'i ut xa'it'ixi li ruuchich'och'; anaqwan chayiib'eb' li x'itz'ilal, xb'aan naq hame'k re.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Isaías 13:3

Laa'in xintaqla xb'oqb'aleb' li xq'axtesihomeb' rib' chiwu, xinb'oqeb' li jwal kaweb' rib' chi yalok, eb' li neke'saho'k rik'in linwankilal, re naq te'yaloq sa' ink'ab'a' re risinkil linjosq'il”.

Isaías 13:4

Na'ab'imank li choqink sa'atqeb' li tzuul, chanchan wi' xyaab' xkuxeb' li k'iila poyanam. Tz'aapixik tz'aqal rab'inkileb' li tenamit, eb' li k'iila poyanam li xe'xch'utub' rib' aran. Li Nimajwal Yos yo xtzolob'ankileb' laj puub' li te'xik chi yalok.

Isaías 31:9

Taa'eleliq ajwi' li xyoseb' chi k'ajo'aq xxiw, ut eb' laj jolominel te'sachq xch'ool ut te'xkanab' li yalok. A'an a'in raatin li Qaawa' li wank xxam ak kawresinb'il aran Jerusalén re xrahob'tesinkileb' li xik' neke'ilok re.

Ezequiel 38:17

«Laa'in, li Qaawa', ninye chi jo'ka'in: Ma maawa' tab'i' laa'at li kinye chaq junxil naq kin'aatinak chi xtz'uumal reheb' linpropeet re Israel, aj k'anjeleb' chiwu? Chiru k'iila chihab' eb' a'an ke'xye resil chi junxilaj naq laa'in tatintaqla chaq chi yalok rik'ineb' laj Israel».