Isaías 5:25 - Q'eqchi Bible

²⁵ Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Li Santil hu

²⁵ Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Isaías 5:25 ပူးပေါင်းရင်းမြစ်များ

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:21

Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 9:17

Jo'kan naq li Qaawa' ink'a' tixtoq'ob'a ruheb' li saaj al, ink'a' taaruxtaana ruheb' li neb'a'yox ut eb' li xmalka'an, xb'aan naq chixjunileb' ink'a' useb' xna'leb' ut reemaaruheb', ut junes tz'i' aj aatin neke'xye. Ab'an ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

2 Reyes 9:37

Li xch'och'el xsululel taakanaaq jo' li k'ot cho'q xq'emal li ch'och', re naq maajun chiyehoq: A'an lix Jesabel»”.

Daniel 9:16

At Qaawa', laa'o naqanaw naq aj uxtaanat. Chakuy qamaak, najtob'resi laajosq'il rik'in Jerusalén: a'an laasantil tenamit ut laaloq'laj na'aj. Qamaak laa'o ut xb'aan li xmaa'usilaleb' li qana' qayuwa' se'enb'il chik Jerusalén jo'wi' eb' laawalal aak'ajol xb'aaneb' chixjunil li tenamit wankeb' chi qasutam.

Jeremías 4:24

Kiwil eb' li k'iche' ut kink'e reetal naq neke'heetank sa' li xna'ajeb'; chixjunileb' li tzuul neke'chiq'lok sa' xna'ajeb'.

1 Ts 2:16

neke'xram chiqu aatinak rik'ineb' li maawa'eb' aj Judiiy re naq te'kole'q; chi jo'kan junelik yo chi nujak li xb'isb'al li xmaakeb'. Ab'anan li xjosq'il li Yos ak teneb'anb'il sa' xb'eeneb' chi junajwa.

Nahum 1:5

Eb' li tzuul neke'eek'ank sa' xna'aj chiru A'an, ut eb' li b'ool neke'xsiksiki rib'eb'. Chixjunil li ruuchich'och' nahetlok chi rilb'al, ut neke'xiwak jo'k'ihaleb' li wankeb' chisa'.

Jeremías 16:4

te'kamq xb'aan li xiwajel yajel, ut maajun taayaab'aq chirixeb' chi moko te'muqe'q. Neke'jilixink chiru ch'och' te'kanaaq jo'kaqeb' li k'ot. Li raaxiik' ut li we'ej taakamsinq reheb'; te'lowe'q xb'aaneb' li so'sol ut eb' li josq' aj xul”.

Salmos 18:7

Sa' linrahilal xinyaab'a xk'ab'a' li Qaawa', xintz'aamank, xin'elajink chiru linYos, ut A'an toj sa' li xloq'laj na'aj xinrab'i: lix yaab' inkux xwulak toj rik'in.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

Sofonías 1:17

Jo'ka'in xye li Qaawa': “Tinrahob'tesi xch'ooleb' li poyanam ut te'b'eeq sa' mutz'il, xb'aan naq xe'maakob'k chiwu. Taahoye'q li xkik'eleb' jo' li pojtz', ut li xtib'eleb' kama'aq aj chik li k'ot”.

Habacuc 3:10

Neke'siksotk eb' li k'iche' naq nakate'ril; chanchan li b'ut'iha' naq xchalk sa' choxa. Kaw x'eek'ank xyaab' li palaw, ut najt nataqe'k li xkaw oq.

Miqueas 1:4

Te'uq'e'q eb' li tzuul rub'eleb' li roq, chanchanaqeb' li waakab' naq naha'o' chi xk'atq li xam; te'jachje'q eb' li taq'a jo' tawi' setb'ilaqeb' xb'aan xkawil oq junaq nima'.

Oseas 14:4

Ut li Qaawa' tixye: “Twisi chixjunil li xq'etq'etil laj Israel, ut q'axal tinra chi anchal inch'ool; xb'aan naq maak'a' chik injosq'il sa' xb'een.

Lamentaciones 5:22

Malaj ut xoohaatz'eqtaana chi junajwa? Ma junelik yooq xnimal laajosq'il sa' qab'een?

Jeremías 15:3

“Laa'in tintaqla chaq kaahib' paay chi rahilal sa' xb'eeneb': wan te'kamq sa' li yalok, wan te't'upiiq xb'aaneb' li tz'i', wan te'lowe'q ut te'sache'q xb'aaneb' li josq' aj xul ut eb' li so'sol -chan li Qaawa'-.

Jeremías 9:22

Neke'jilixink eb' li kamenaq chanchaneb' li k'ot chiru ch'och'; neke't'anlok chiru ch'och' jo' li pim naq ak xyok'e'k, ut maajun chik naxokok reheb'”. A' li Qaawa' xyehok re.

Jeremías 8:2

ut te'hire'q chiru li saq'e, chiru li po ut chiruheb' chixjunil li xchahimal li choxa li ke'xra ut ke'xk'anjela ru, li ke'xtaaqe, li ke'patz'ok wi' ut ke'xloq'oni ru. Ink'a' chik te'xoke'q chi moko te'muqmanq; jo'kaqeb' aj chik li k'ot chiru ch'och'.

Jeremías 4:8

Jo'kan naq jutub'omaq eerib' sa' q'es ruhil t'ikr, tz'uyinqex ut yaab'anqex xb'aan xrahil leech'ool, xb'aan naq toj yo xjosq'il li Qaawa' sa' qab'een”.

Salmos 114:7

Chatsiksotq, at ruuchich'och', chiru li Qaawa', chiru li rilob'aal li xYos laj Jakob!

Salmos 106:40

Toja' naq kijosq'o'k li Qaawa' sa' xb'een li xtenamit: k'ajo' naq kixtz'eqtaana li sik'b'ileb' ru xb'aan.

Salmos 83:10

Chab'aanu taxaq reheb' jo' xab'aanu reheb' laj Madián, jo' xab'aanu re laj Sísara ut laj Jabín chire li nima' Kisón.

Salmos 78:38

A'ut li Yos junelik naxtoq'ob'a ruheb': kixkuyeb' xmaak ut ink'a' kixsacheb', k'iila sut kixkuy rib' ut ink'a' kipo'k sa' xb'eeneb'.

Salmos 77:18

Eb' li choql ke'xhoy chaq li hab', ki'eek'anje'k li kaaq sa' choxa, chanchaneb' ral simaj naq ke'replokje'k li raq'kaaq.

Salmos 68:8

At qaYos, naq xak'am chaq xb'e laatenamit chi elk Ejiipt ut xatnume'k chaq sa' li chaqich'och',

2 Reyes 13:3

K'ajo' naq kijosq'o'k li Qaawa' sa' xb'eeneb' laj Israel ut kixq'axtesiheb' rub'el xwankil laj Jasahel, awab'ej re Aram, jo'wi' sa' ruq' laj Ben-Adad, li ralal, chiruheb' li kutan a'an.

1 Reyes 21:24

Ut eb' li ralal xk'ajol laj Ajab li te'kamq sa' li tenamit, te'tiwe'q xb'aaneb' li tz'i'; ut eb' li te'kamq sa' k'aleb'aal, te'k'uxe'q xb'aaneb' li so'sol”.

1 Reyes 16:4

Chixjunileb' laawech'alal li te'kamq sa' li tenamit, te'tiwe'q xb'aaneb' li tz'i', ut li te'kamq chaq sa' k'aleb'aal, te'k'uxe'q xb'aaneb' li so'sol”.

1 Reyes 14:11

Li rech'alaleb' laj Jerobohán li te'kamq sa' li tenamit, te'tiwe'q xb'aaneb' li tz'i', ut eb' li te'kamq sa' k'aleb'aal te'k'uxe'q xb'aaneb' li so'sol, xb'aan naq jo'kan xye li Qaawa'».

Deuteronomio 31:17

Ab'an laa'in tinjosq'o'q rik'ineb', teb'inkanab' xjuneseb' ut tinmuq li wu chiruheb'. K'ajo' li rahilal ut ch'a'ajkilal taachalq sa' xb'eeneb'! Sa' li kutan a'an te'xye: «Ma ink'a' tab'i' yooko chi xk'ulb'al eb' li rahilal a'in xb'aan naq maak'a' chik li qaYos qik'in?», cha'qeb'.

Éxodo 7:19

Li Qaawa' kixye ajwi' re laj Moisés: “Ye re laj Aharón: «Chap laaxuq' ut taaye' laawuq' sa' xb'eeneb' li ha' li wank Ejiipt, sa' xb'eeneb' li nima', li b'ekb'il roqha', li kaq'nab' ut sa' xb'een chixjunileb' li k'uuleb'aal ha'. Talaje'kik'o'q ut talaje'wanq kik' sa' chixjunil li tenamit Ejiipt, toj sa'eb' li che'il sek' ut sa'eb' li pekil sek'»”.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

Isaías 14:19

Ab'anan laa'at ink'a' xatmuqe'k sa' laamuqleb'aal, jo' naq natz'eqe'k li mul jwal chu, kama' jun kamenaq q'aajenaq aj chik, sa' xyanqeb' li kamsinb'ileb' chi ch'iich', sa' li jul nujenaq chi pek.

Isaías 23:11

Li Qaawa' xye' li ruq' sa' xb'een li palaw, xjuk' xwankileb' li awab'ej ut xk'e chi sache'k eb' li kawub'resinb'il ochoch re Kanahán.

Isaías 25:11

Mohab tixye' eb' li ruq' jo' naq li nanumxik naxye'b'e eb' li ruq'; ab'anan us ta tixyal xq'e chi xkolb'al rib', li Qaawa' tixsach ru li xq'etq'etil.

Isaías 42:25

Jo'kan naq li Qaawa' k'ajo' naq xjosq'o'k rik'ineb' ut xrahob'tesiheb' rik'in li raaxiik'. Yalaq b'ar xlochmank xxamlel, ab'an ink'a' xe'xk'e reetal; xe'k'atmank, ab'an ink'a' xe'xtaw xyaalal.

Isaías 51:20

Eb' laawalal aak'ajol t'ant'ookeb' xe'kanaak sa'atqeb' li xaalib'e, jo'keb' li yuk naq xe't'ane'k sa' li ra'al; xe'lub'k xb'aan xjosq'il li Qaawa' naq xe'q'use'k xb'aan laaYos.

Isaías 64:3

jo' naq xab'aanu eb' li xiwajel b'aanuhom li maajun wa qoyb'enihom, naq xatkub'e chaq ut xe'ha'ho' eb' li tzuul chi rilb'al aawu.

Isaías 66:15

Xb'aan naq li Qaawa' taak'ulunq chaq sa' li xam; jo' li kaqsut-iq' naq te'chalq eb' li xb'eleb'aal ch'iich'. Ut sa' junpaat trisi li xnimal xjosq'il ut taarahob'tesinq jo' naq nasachok li xam.

Isaías 66:24

Ut sa' li relikeb' te'ril naq kamenaqaqeb' chik li winq li xe'xq'etq'eti rib' chiwu. Li xmotzo'ileb' ink'a' te'kamq, chi moko taachupq li xam li nak'atok reheb'. Ut xa'b'eetalaq cho'q reheb' chixjunil li poyanam naq te'ril a'an”.

Jeremías 17:4

Tento taakanab' li ch'och' ink'ehom aawe cho'q aaweechanihom, ut tatink'e chi xmuniheb' li xik' neke'ilok aawe sa' jun tenamit ink'a' nakanaw ru, xb'aan naq xachiq' injosq'il jo' jun li xam lochlo chi junelik”.

Ezequiel 6:14

Tinye' li wuq' re xsachb'al ruheb' chi junwaakaj ut joxk' tinkanab' li xch'och'eb', chalen sa' li chaqich'och', sa' xjayal rokeb'l iq', toj Riblá sa' releb'l iq'. Ut aran te'xnaw naq laa'in li Qaawa'”.

Ezequiel 30:25

Relik chi yaal naq tink'e xkawub' xch'ool li awab'ej re Babilonia, ut taa'oso'q li xwankil laj Parahón. Aran taanawmanq naq laa'in li Qaawa', naq tink'e linq'esnal ch'iich' sa' ruq' li awab'ej re Babilonia ut a'an taaxik chi xrahob'tesinkileb' laj Ejiipt.

Amós 8:8

Ma ink'a' tab'i' taa'eek'anq li ruuchich'och' xb'aan a'an? Ma ink'a' tab'i' te'yaab'aq chixjunileb' li poyanam? Li ch'och' taataqe'q ut taasob'e'q jo' naq nab'ut'irk ut nakub'eek li nima' Nilo!

Deuteronomio 31:18

Ab'anan laa'in tinmuq li wu sa' li kutan a'an xb'aan chixjunil li maa'usilal xe'xb'aanu naq xkoheb' chirixeb' li jalanil yos.

Li xHu LAJ JOB 9:13

Ink'a' nach'anaak chi junpaat li xjosq'il li Yos; rub'el roq neke'kanaak li palaw ut eb' li neke'okenk chirix li Mama' Xul.

Isaías 9:11

Li Qaawa' xtaqla chaq laj Rasín sa' xb'eeneb' laj Israel ut xchiq' chaq xjosq'ileb' li xik' neke'ilok reheb':

Isaías 9:16

Eb' laj jolominel xe'xb'alaq'i li tenamit a'in, ut eb' li neke'taaqenk reheb' xe'sachk xb'aaneb'.

Isaías 9:20

Li junjunq nawa'ak sa' junpak'al ut toj yo ajwi' xtz'okajik, nawa'ak sa' junpak'al chik, ab'an ink'a' nak'ojlaak xch'ool; li junjunq naxtiw li xtib'el li xkomon.

Isaías 29:2

toja' naq tink'e li tenamit a'in sa' rahilal, ut taawanq yaab'ak ut tz'uyink; ut laa'ataq tz'aqal jun li artal nujenaq chi kik'.

Jeremías 6:12

Eb' li rochocheb', li xk'aleb'aaleb' ut li rixaqileb' jalan chik taa'eechaninq reheb', naq tintaqla chaq li nimla rahilal re xrahob'tesinkileb' li wankeb' sa' li na'ajej a'in -chan li Qaawa' Yos-.

Ezequiel 15:6

“Jo'kan naq laa'in, li Qaawa', ninye chi jo'ka'in: Jo' naq li xtoonal li uub', sa' xyanqeb' chixjunileb' li che' wankeb' sa' li k'iche', nakutmank sa' xam, jo'kan ajwi' naq tink'eheb' chi k'ate'k eb' laj Jerusalén.