Isaías 48:2 - Q'eqchi Bible

² Nekeye naq laa'ex li santil tenamit Jerusalén ut nekek'ojob' eech'ool rik'in li Qaawa', li xYos laj Israel, li naxk'ab'a'in «Nimajwal Yos».

Li Santil hu

² Abanan nequenimobresi e̱rib ut nequeye nak li Santil Tenamit, aꞌan le̱ tenamit la̱ex. Ut nequeye nak cau e̱chꞌo̱l riqꞌuin lix Dioseb laj Israel, li Ka̱cuaꞌ li nimajcual Dios xcꞌabaꞌ.

Isaías 48:2 ပူးပေါင်းရင်းမြစ်များ

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Romanos 2:17

Ab'anan k'aru tqaye chawix laa'at li nakak'ab'a'in aj judiiy? Nakakuutu aawib' rik'in li xChaq'rab' laj Moisés ut nakanima aawib' sa' xk'ab'a' laaYos.

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Isaías 10:20

Sa' li kutan a'an eb' laj Israel li te'kole'q, eb' li ralal xk'ajol laj Jakob li te'kanaaq ink'a' chik te'xkawub'resi xch'ool chirixeb' li xe'rahob'tesink reheb', chi anchaleb' b'an chik xch'ool te'xtz'aama xtenq'ankileb' chiru li Qaawa', li xSant laj Israel.

San Mateo 27:53

ut naq ak xwakliik chi yo'yo li Jesus, ke'ok sa' li santil tenamit ut ke'xk'ut rib' chiruheb' naab'al li poyanam.

Jeremías 21:2

“B'aanu usilal, patz'on chiqix rik'in li Qaawa' k'a'ut naq laj Nabukodonosor, li awab'ej re Babilonia, x'ok chi yalok qik'in. Mare anchal tixb'aanu junaq sachb'ach'oolej li Qaawa' re naq tookanab'aaq sa' xyaalal xb'aan laj Nabukodonosor”. Toja' naq li Qaawa' kiraatina laj Jeremías,

Apocalipsis 22:19

Ut wi ani wank k'aru trisi reheb' li raatin propeet wankeb' sa' li hu a'in, li Yos tixmaq' chiru li b'arwan taatz'aq wi' raj rik'in li che' nak'ehok yu'am jo'wi' sa' li santil tenamit, a' li tz'iib'anb'il resil sa' li hu a'in.

Apocalipsis 21:2

Ut kiwil li santil tenamit, a' li ak' Jerusalén, yo chaq chi kub'eek sa' choxa rik'in li Yos, jo' jun li ixq ok re chi sumlaak, tiqib'anb'il chi us cho'q re li xb'eelom.

Apocalipsis 11:2

Ab'anan li neb'aal li wank chirix, kanab', maab'is xb'aan naq q'axtesinb'il reheb' li maak'a'eb' xpaab'aal, ut eb' a'an te'xyeq'i li Santil Tenamit chiru wiib' roxk'aal po.

San Mateo 4:5

Toja' naq laj tza kixk'am li Jesus sa' li santil tenamit, koxxaqab' sa' ru'uj li rochoch li Yos

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Jeremías 10:16

A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Isaías 51:13

K'a'ut naq nakatz'eq chirix laach'ool li Qaawa', laj yoob'tesihom aawe, li kihelok re li choxa ut kixk'ojob' li ruuchich'och'? K'a'ut naq nakanumsi li kutan chi xxiwankil ru laj rahob'tesinel, li junelik naxyal xq'e chasachb'al? Ab'anan, b'ar wank anaqwan li xjosq'il laj rahob'tesinel?

Isaías 47:4

Li Nimajwal Yos, li xSant laj Israel, laj Kolol qe kixye chi jo'ka'in:

Salmos 87:3

Chaab'il aawesil nayeemank yalaq b'ar, at xtenamit li Yos:

Salmos 48:1

B'ich. Xsaalm eb' li ralal xk'ajol laj Koré.

Nehemías 11:18

Li xk'ihaleb' laj Leví sa' li Loq'laj Tenamit, a'an kaahib' ro'lajuk'aal (284) chi winq.

Nehemías 11:1

Eb' li xjolomil li tenamit ke'na'ajunk Jerusalén; ut eb' li junch'ol chik ke'b'uuliik rixeb', re naq sa' xyanq li lajeetq chi winq jun taakanaaq chi wank Jerusalén, li Loq'laj Tenamit, ut li b'eleeb'eb chik toxe'na'ajunq sa'eb' li jalaneb' tenamit.

Jueces 17:13

Toja' naq laj Mikaías kixye: “Anaqwan ninnaw naq li Qaawa' trusila wu, xb'aan naq wank jun aj Leví wik'in cho'q aj tij”, chan.

Jeremías 44:26

Ab'anan ab'ihomaq li raatin li Qaawa', chejunilex laa'ex aj Judá li wankex Ejiipt: Laa'in, li Nimajwal Yos, ninye eere chi tz'aqal yaal naq maajun wa chik taapatz'manq link'ab'a' arin xb'aan junaq aj Judá; maajun chik tixye sa' xsutam Ejiipt: Sa' xk'ab'a' li Qaawa'!, cha'aq.

Isaías 51:15

“Laa'in li Qaawa', laaYos, naweek'asi ru li ha' ut nink'e chi pisk'ok li xkaw oq li palaw. Qaawa', li Nimajwal Yos, a'in link'ab'a'.