Isaías 48:11 - Q'eqchi Bible

¹¹ Sa' xk'ab'a' linloq'al ut linrahom xinb'aanu: maajoq'e tinkanab' chi muxe'k link'ab'a', chi moko tinq'axtesi linloq'al re jalan chik.

Li Santil hu

¹¹ Saꞌ incꞌabaꞌ la̱in ut xban lin rahom nincuy cuib. Incꞌaꞌ ninsach e̱ru. Incꞌaꞌ tinqꞌue cuib chi hobecꞌ ut incꞌaꞌ tinqꞌue lin lokꞌal re jalan chic.

Isaías 48:11 ပူးပေါင်းရင်းမြစ်များ

Isaías 42:8

Laa'in li Qaawa'. A'in tz'aqal link'ab'a'. Ink'a' nink'e linloq'al re jalan chik, chi moko ninq'axtesi linwankil reheb' li jalanil yos.

Ezequiel 20:9

Ab'anan ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit wankeb' wi'. Ut chiruheb' laj Ejiipt kink'utb'esi linwankil rik'in risinkileb' laj Israel sa' li na'ajej a'an.

Ezequiel 20:14

Ab'anan, sa' xk'ab'a' linloq'al, ink'a' kinb'aanu, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

Isaías 37:35

Laa'in tinkoloq re li tenamit a'in, re naq ink'a' taasache'q, sa' xk'ab'a' linloq'al ut xb'aan xraab'al laj David laj k'anjel chiwu»”.

Ezequiel 20:22

Ab'anan kinkuy linjosq'il ut ink'a' kinb'aanu sa' xk'ab'a' linloq'al, re naq ink'a' taamajewaaq link'ab'a' xb'aaneb' li tenamit ke'ilok we naq kiwisiheb' chaq laj Israel.

1 Samuel 12:22

Sa' xk'ab'a' li xnimal xloq'al, li Qaawa' ink'a' texxtz'eqtaana, xb'aan naq A'an xk'ul ru eek'eeb'al cho'q xtz'aqal tenamit.

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Ezequiel 20:44

Ex aj Israel, teenaw naq laa'in li Qaawa', naq teek'e reetal linrahom sa' eeb'een, sa' xk'ab'a' linloq'al ut maawa' jo' chanru leeyib' aj na'leb' ut leemaa'usilal»”, chan li Qaawa'.

Ezequiel 20:39

«Ex aj Israel, li Qaawa' xye chi jo'ka'in: Ayuqex chi xloq'oninkileb' ru leejalanil yos chejunjunqalil; chirix chik a'an ninye li waatin naq tineepaab' ut ink'a' chik teemux linsantil k'ab'a' rik'in leemayej ut leejalanil yos.

Romanos 2:24

Relik chi yaal, jo' naxye li Santil Hu, “eemaak laa'ex majewanb'il xk'ab'a' li Yos sa' xyanqeb' li junch'ol chik”.

San Juan 5:23

re naq chixjunileb' te'roxloq'i li K'ajolb'ej jo' naq neke'roxloq'i li Yuwa'b'ej. Ani ink'a' naroxloq'i li K'ajolb'ej ink'a' ajwi' naroxloq'i li Yuwa'b'ej li kitaqlank chaq re.

Isaías 52:5

Ut anaqwan k'aru yookin chi xk'ulb'al arin -chan li Qaawa'- xb'aan naq lintenamit xe'k'ame'k chi munil chi maak'a'eb' xmaak? Eb' li neke'numtaak sa' xb'eeneb' neke'xjap reheb' chi q'etq'eteb' ut rajlaleb' kutan chinmajewankil.

Isaías 48:5

Jo'kan naq junxil inyehom resil; naq toj maji' nak'ulmank, kink'e chanaw; mare anchal xaye raj sa' laach'ool: «Linyos xb'aanunk re; li jalam u li xink'e chi yiib'aak, a'an xyehok re».

Salmos 25:11

Sa' xk'ab'a' xnimal aarahom chinaakuy, at Qaawa', xb'aan naq q'axal nim linmaak.

Salmos 106:8

Ab'an li Yos kixkoleb' sa' xk'ab'a' li xloq'al re xk'eeb'al chi nawe'k li xwankilal.

Salmos 115:1

At Qaawa', maak'e qaloq'al laa'o, chak'e b'an xloq'al laak'ab'a', xb'aan naq chaab'ilat ut tiik laach'ool.

Isaías 48:9

“Sa' xk'ab'a' linloq'al xinkuy linjosq'il, re naq taaterq'usiiq link'ab'a', xinkuy wib' ut ink'a' xinsach aawu.

Daniel 9:17

Ab'i taxaq lintij anaqwan, at qaYos; ab'i li xtz'aamahom laj k'anjel chawu, ut sa' xk'ab'a' laarahom chawil xtoq'ob'aal ru laasantil Muheb'aal li nakirnak.

Salmos 25:7

Ink'a' taxaq chiwanq linmaak sa' laawaanm jo'wi' li ink'a' us li kinb'aanu sa' linsaajilal. Chinnaq sa' aach'ool xb'aan laawuxtaan, jo' chanru xnimal laarahom, at Qaawa'.

Ezequiel 36:22

“Jo'kan naq ye reheb' laj Israel chi jo'ka'in: «Jo'ka'in xye li Qaawa': Li k'aru ok we chi xb'aanunkil, maawa' sa' eek'ab'a' laa'ex, ex aj Israel, sa' xk'ab'a' b'an linsantilal li xemux laa'ex sa'eb' li tenamit b'arwi' xexwank chaq.