Isaías 41:24 - Q'eqchi Bible

²⁴ Ab'anan moko yosex ta ut maak'a' nekex'ok wi': maak'a' k'a' ru teeb'aanu. Tz'eqtaananb'ileb' chi junajwa eb' li neke'sik'ok eere.

Li Santil hu

²⁴ La̱ex yi̱banbil dios ma̱cꞌaꞌ nequex-oc cuiꞌ. Ma̱cꞌaꞌ naru nequeba̱nu. Ut chixjunileb li nequeꞌlokꞌonin e̱re tzꞌekta̱nanbilakeb.

Isaías 41:24 ပူးပေါင်းရင်းမြစ်များ

1 Corintios 8:4

Chirix xtzekankil li k'aru mayejanb'il chiruheb' li jalanil yos, laa'o naqanaw naq li jalanil yos maak'a' na'ok wi' sa' ruuchich'och', ut li Yos jun ajwi' chirib'il.

Salmos 115:8

Kama'aqeb' ajwi' a'an li xe'yiib'ank reheb', jo'k'ihaleb' li k'ojk'ookeb' xch'ool rik'ineb'.

Isaías 41:29

Relik chi yaal naq maak'a' neke'ok wi'; maak'a' neke'ruuk chi xb'aanunkil, yal pojpookeb' xsa' li jalanil yoseb'.

Jeremías 10:8

Chixjunileb' a'an jwal jipeb' ut memeb' chawu laa'at; junes memil neke'xtzol chirixeb' li che'il yos.

Apocalipsis 17:5

ut tz'iib'anb'il chi xpeekem jun k'ab'a'ej muqmu xyaalal: “Babilonia, li Nimla Tenamit, li xna'eb' laj yumb'eet ut xna' ajwi' chixjunil li tz'i'b'eetalil aj na'leb' li wank sa' ruuchich'och'”.

Jeremías 10:14

Chixjunileb' li poyanam jwal jipeb' ut maak'a' neke'xnaw; eb' laj tenol ch'iich' neke'kanaak sa' xutaan xb'aaneb' li xyoseb', xb'aan naq eb' li jalam u li neke'xyiib', a'an yal tik'ti' ut maak'a' xyu'ameb'.

Isaías 66:24

Ut sa' li relikeb' te'ril naq kamenaqaqeb' chik li winq li xe'xq'etq'eti rib' chiwu. Li xmotzo'ileb' ink'a' te'kamq, chi moko taachupq li xam li nak'atok reheb'. Ut xa'b'eetalaq cho'q reheb' chixjunil li poyanam naq te'ril a'an”.

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

Deuteronomio 27:15

«Tz'eqtaananb'ilaq li winq li taayiib'anq junaq jalam u rik'in che' malaj rik'in ha'lesinb'il ch'iich' re naq te'xloq'oni sa' muqmu. A'an ink'a' nawulak chiru li Qaawa': yal xyiib'ahom winq rik'in ruq'». Ut chixjunil li tenamit te'chaq'oq ut te'xye: «Jo'kan».

Deuteronomio 7:26

Maawoksi sa' laawochoch junaq k'a' re ru yib'eetal ru, re naq ink'a' majewanb'ilaqat jo'eb' a'an; tz'eqtaananb'ilaqeb' b'an chawu xb'aan naq teneb'anb'il li oso'k sa' xb'een chixjunil a'an.

Proverbios 3:32

xb'aan naq li Qaawa' xik' narileb' li ink'a' useb' xna'leb', ab'an naxraheb' li tiikeb' xch'ool.

Proverbios 28:9

Li ink'a' naxpaab' xchaq'rab' li Qaawa', ink'a' ajwi' nak'ule'k li xtij xb'aan li Yos.

Jeremías 10:5

Chanchaneb' li xxib'enkileb' li xul sa'eb' li awimq, xb'aan naq ink'a' neke'ruuk chi aatinak. Tento xpaqonkileb', xb'aan naq ink'a' neke'b'eek. Meexiwaheb', xb'aan naq maak'a' k'aru us neke'xb'aanu chi moko k'a' ta ru ink'a' us”.

Jeremías 10:15

Maak'a' xyaalal ut xk'ulub'eb' li tz'eqtaanaak; te'oso'q sa' xkutankil li raqb'a aatin.

Deuteronomio 7:25

Taak'ateb' li xjalam u li xyoseb'. Maarahi ru li oor ut li plaat b'onb'ileb' wi', chi moko taaxok cho'q aawe; mext'ane'k sa' li aaleek a'an, xb'aan naq a'an yib'eetal chiru li Qaawa' laaYos.