Isaías 41:16 - Q'eqchi Bible

¹⁶ Taakuteb' chi najt ut li iq' taak'amoq reheb', te'cha'cha'iiq xb'aan li kaqsut-iq'; a'ut laa'at taasaho'q laach'ool rik'in li Qaawa', taanimob'resi aawib' sa' xk'ab'a' li xSant laj Israel.

Li Santil hu

¹⁶ Te̱ra̱linaheb chi najt. Chanchan nak te̱cuteb saꞌ li ikꞌ ut teꞌcꞌamekꞌ ut telajeꞌjeqꞌui̱k yalak bar. Ut la̱ex ta̱sahokꞌ saꞌ e̱chꞌo̱l riqꞌuin li Ka̱cuaꞌ. Ta̱sahokꞌ saꞌ e̱chꞌo̱l riqꞌuin li Dios santo li nequelokꞌoni la̱ex aj Israel.

Isaías 41:16 ပူးပေါင်းရင်းမြစ်များ

Jeremías 51:2

Tintaqlaheb' li jalan xtenamiteb' re naq eb' laj Babilonia te'chiileeq sa' li iq' ut maajun chik tkanaaq sa' li xna'ajeb'. Xb'aan naq li tenamit taasutmanq rix yalaq b'ar naq taachalq li xnimal rahilal sa' xb'een.

Habacuc 3:18

ab'an laa'in taasaho'q linch'ool rik'in li Qaawa', k'ojk'ooq li waanm rik'in li Yos laj kolol we.

Jeremías 15:7

Xinchiileheb' laawalal aak'ajol rik'in li rahilal naq xwisiheb' sa' li xna'ajeb'; maajun chik li ralal xk'ajol lintenamit xinkanab' sa' li xmuheb'aal: xinsacheb' ru xb'aan naq ink'a' xe'xkanab' li ink'a' usil b'e.

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

Romanos 5:11

Ut moko ka'aj ta wi' rik'in a'an, naqanima aj b'an wi' qib' rik'in li Yos sa' xk'ab'a' li Qaawa' Jesukriist li xqataw wi' li usilal anaqwan.

San Mateo 3:12

Ak wan chaq xk'anjelob'aal sa' li ruq' ut tixyamtes li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Isaías 17:13

Ab'anan naq li Yos tixq'useb' chi kaw, eelel te'xik chi najt ut te'aanilasiiq jo' naq na'apuuk li mul xb'aan li iq' toj sa'eb' li tzuultaq'a, chanchanaqeb' xmuqyax li kaqsut-iq'.

Isaías 12:6

Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Salmos 1:4

Moko jo'kaneb' ta li ink'a' useb' xna'leb', chanchaneb' b'an li k'im li nak'ame'k xb'aan iq'.

Isaías 25:9

Sa' li kutan a'an taayeemanq: “A'an a'in li qaYos li kaw wi' qach'ool re qakolb'al. A'an a'in li Qaawa' li xoo'oyb'enink wi': qanimaaq xloq'al ut chisaho'q li qach'ool xb'aan naq A'an xkolok qe”.

Isaías 28:5

Sa' li kutan a'an li Nimajwal Yos a'anaq li xchaq'alil ru koroon, li xsahob' ru jo'k'ihaleb' li te'kole'q sa' li xtenamit.

Isaías 29:5

Sa' junpaat, chi maak'a'aq sa' laach'ool, li Nimajwal Yos tatxtenq'a rik'in kaaq, hiik ut tz'aapixikaq li choqink, kaqsut-iq', muqyax ut k'iila xam chi sachok. Li xk'ihaleb' li xik' neke'ilok aawe chanchanaqeb' li pojtz' q'un ru; ut eb' laj rahob'tesinel aawe te'sapuuq chi najt jo'kaqeb' li k'im.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Isaías 40:24

Chanchaneb' li kok' che' li toje' xe'awmank malaj xe'ch'ike'k sa' ch'och', ut toja' xe'ok xchapb'al xxe'. Wi li Qaawa' na'apunk sa' xb'eeneb', te'chaqiq, ut kama' li pim naq te'k'ame'q xb'aan li kaqsut-iq'.

Isaías 51:3

Laa'in tink'ojob' xch'ool Sión ut twil xtoq'ob'aal ru li xpo'lemil; tinsutq'isi li chaqich'och' cho'q sahil na'ajej, ut li joxk' ch'och' tkanaaq cho'q xna'aj li Qaawa': k'ajo'aq li b'ichank ut sahil ch'oolej aran, taawanq li wajb'ak ut b'anyoxink sa' ink'ab'a'.

Isaías 60:19

“Moko aajel ta chik ru li saq'e cho'q aasaqenk chiru li kutan chi moko li xsaqenkil li po chiru li q'oqyink. Laa'in chik laasaqenk chi junelik; laa'in li Qaawa' laaYos, laa'in chik li xnimal aaloq'al.

Isaías 65:18

Sahoqex ut chiwanq nimla sahilal chi junelik xb'aan li k'aru tinyoob'tesi: ok we chi xyoob'tesinkil jun ak' Jerusalén nujenaqaq chi sahil ch'oolej. Ut numtajenaqaq li xsahilal xch'ooleb' li te'wanq aran.

Jeremías 51:20

“At Babilonia, chanchanat li tenleb' sa' wuq', laa'at link'anjelob'aal re yalok. Wochb'eenat naq xinsacheb' ru li xninqal ru tenamit ut xinjuk'eb' li xwankilaleb'.

Jeremías 51:33

Xb'aan naq li Nimajwal Yos, li xYos laj Israel, xye chi jo'ka'in: “Li tenamit Babilonia a'an chanchan li na'ajej na'isimank wi' li rix li triiw; wulak re xkutankil li q'olok!”.

Daniel 2:35

Kijuk'e'k chixjunil li jalam u ut kixk'aji rib': li ch'iich' ut li seb', li q'anch'iich', li plaat ut li oor chanchan junes chaqik'im sa' saq'ehil naq xkanaak, ut xk'ame'k chixjunil xb'aan li iq' chi ink'a' xkanaak reetalil. Ab'an li pek li xjuk'uk re li jalam u, xkanaak cho'q nimla tzuul ut xram ru chixjunil li ruuchich'och'.

Oseas 11:9

Ink'a' tatinrahob'tesi xb'aan xxamlel linjosq'il ut ink'a' chik tinsach ruheb' laj Efraín, xb'aan naq laa'in li Yos ut maawa'in winq. Laa'in li Sant sa' eeyanq, ut ink'a' tinchalq chesachb'al”.

Joel 2:23

Ex aj Sión, chisaho'q leech'ool ut sahoqex rik'in li Qaawa' leeYos. Xb'aan naq A'an nak'ehok eere leetzekemq chi tz'aqal rik'in xtaqlankil chaq li hab' sa' xq'ehil, kama' chaq junxil.

Miqueas 5:8

Sa' xyanqeb' li tenamit ut eb' li k'iila poyanam, li rela'eb' li ralal xk'ajol laj Jakob chanchanaqeb' li kaqkoj sa' xyanqeb' li k'iila josq' aj xul sa'eb' li k'iche', jo'aqeb' li ral kaqkoj sa' xyanqeb' li karneer: nat'upink ut nasachok b'arwi' nanume'k, ut maajun naramok chiru.

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.