Isaías 38:10 - Q'eqchi Bible

¹⁰ Laa'in xinye sa' linch'ool: Sa' xyiitoq linyu'am tinq'ajq tinsutq'iiq; tento tinxik chi xchoyb'al linyu'am sa' xyanqeb' li kamenaq.

Li Santil hu

¹⁰ —La̱in quinye saꞌ inchꞌo̱l nak li Dios ta̱risi lin yuꞌam nak toj sa̱jin. Saꞌ inchꞌo̱l la̱in nak tinxic saꞌ xya̱nkeb li camenak ut incꞌaꞌ tinti̱xk saꞌ ruchichꞌochꞌ.

Isaías 38:10 ပူးပေါင်းရင်းမြစ်များ

2 Corintios 1:9

Relik chi yaal naq ak xteneb'aak li kamk sa' qab'een, ab'anan us ajwi' naq xqak'ul chi jo'kan re naq ink'a' xqakawu qach'ool qajunes qib', rik'in b'an li Yos li nawaklesink chi yo'yo eb' li kamenaq.

Salmos 102:24

Li Qaawa' xrisi linmetz'ew, xk'os roq linyu'am sa' xyiitoq linb'e.

Salmos 107:18

Neke'yib'o'k xch'ool xb'aan li tzekemq, kach'in chik maa ke'kanaak rub'el xwankil li kamk.

Li xHu LAJ JOB 7:7

Jultikaq aawe, at inYos, jun apunk ajwi' linyu'am, ut ink'a' chik tinyal xsahil linch'ool.

Isaías 38:1

Sa'eb' li kutan a'an kiyajerk laj Esekías. Naq kamk re, kiwulak laj Isaías, ralal laj Amós, chi xyeeb'al re: “Jo'ka'in xye li Qaawa': «Yiib' xhuhul laajunkab'lal, xb'aan naq kamk aawe ut ink'a' chik tatk'iraaq»”.

Li xHu LAJ JOB 6:11

Maak'a' chik inmetz'ew re xkuyb'al, k'a' chik ru nawoyb'eni re naq yo'yooqin?

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

Isaías 38:9

A'an a'in li xb'ich laj Esekías, awab'ej re Judá, naq kiyajerk ut kik'iraak chiru li xyajel:

Jonás 2:6

Q'axal cham wi' chik xinwulak; xink'oxla naq ink'a' chik tinxkoq' chaq. Ab'an laa'at at Qaawa', at inYos, xinaakol chiru li kamk.

Salmos 31:23

Laa'in xinye sa' lin'ookel k'a'uxl: “Xin'isiik rub'el laawoq rub'el laawuq'!”. Ab'anan naq xinyaab'a laak'ab'a', xawab'i chaq lintz'aamahom.

Salmos 102:25

Jo'kan naq xinye: “At inYos, maamaq' linyu'am naq toj maji' nintixk; laa'at wankat chi junelik q'e kutan”.