Isaías 32:10 - Q'eqchi Bible

¹⁰ Anaqwan maak'a' nekek'oxla, ab'anan sa' wan xkab' chihab' k'ajo' naq texxiwaq, xb'aan naq maak'a' teexok sa' xq'ehil xsik'b'al ru li uub'.

Li Santil hu

¹⁰ Anakcuan ma̱cꞌaꞌ e̱cꞌaꞌux. Abanan saꞌ li chihab jun chic cꞌajoꞌ nak texxucuak xban nak ma̱cꞌaꞌak ru le̱ racui̱mk. Ut incꞌaꞌ chic te̱sicꞌ ru li uvas.

Isaías 32:10 ပူးပေါင်းရင်းမြစ်များ

Jeremías 8:13

“Twaj raj xxokb'al lintenamit jo' na'uxk re li triiw -chan li Qaawa' Yos-; ab'an chanchaneb' li xtoonal li uub' ut li iig li ink'a' na'uuchink ut chaqi eb' li xxaq. Jo'kan naq tinq'axtesi lintenamit reheb' laj numel b'e”.

Isaías 7:23

Chiruheb' li kutan a'an sa' li na'ajej b'arwi' kiwank junq mil toon chi uub' ut jun mil chi tumin li xtz'aq, junes k'ix ut pajl aj chik wanq chiru.

Sofonías 1:13

Jo'kan naq taa'elq'aaq li xb'ihomaleb' ut taajuk'manq li rochocheb'. Xe'yiib'ank ochoch, ab'an ink'a' te'wanq chisa'; xe'awk uub', ab'an ink'a' te'uk'aq b'iin”.

Habacuc 3:17

Us ta ink'a' chik taatuxmeq li xche'el li iig ut maak'a'aq chik ru li uub'; us ta ink'a' chik taa'uuchinq li oliiw ut li ch'och' ink'a' chik tixk'e qatzekemq; us ta maak'a'aqeb' chik li karneer sa' li xna'ajeb' chi moko wanqeb' chik qawakax sa' li xwa'leb'aaleb',

Joel 1:12

Xe'chaqikje'k eb' li xtoonal li uub' ut xe'tz'umaje'k eb' li xche'el li iig; jo'kan ajwi' xe'xk'ul chixjunileb' li xche'el li ki'il q'een ut eb' li kala'. Xlaje'chaqik chixjunileb' li che' ut maak'a' chik sahil ch'oolej sa' xyanqeb' li poyanam.

Joel 1:7

Xe'xsach chi junajwa li uub', xe'xjuk'i eb' li xche'el li iig: xe'xmich' rix chixjunileb' li che' ut saqeb' aj chik li ruq' xe'xkanab'.

Oseas 3:4

Jo'ka'in te'xk'ul eb' laj Israel: chiru k'iila kutan te'wanq chi maak'a' x'awab'ejeb' chi moko junaq aj k'amol xb'eheb'; ink'a' chik te'mayejaq chi moko te'wanq xpekeb' li te'xk'e xloq'al; maak'a'aq chik aq'ej cho'q reheb' laj tij chi moko te'wanq yiib'anb'il yos sa' li xjunkab'aleb'.

Oseas 2:12

Tink'e chi sache'k chixjunileb' li rawimq li naxye wi': «A'aneb' a'in linq'ajkamunkil li xk'ehomeb' we li neke'rahink we». Tink'eheb' chi pimo'k ut tinkanab' cho'q xwaheb' li k'iche'il xul.

Isaías 16:10

Ink'a' chik taawanq li sahil ch'oolejil ut li b'ichank sa' xna'ajeb' li awimq; maak'a'aq chik li japok e xb'aan li ninq'ehik. Ink'a' chik taayatz'e'q li uub' re naq wanq b'iin ut maajun chik b'ich taa'ab'imanq aran.

Joel 1:5

Ajsiiq eeru, ex kalajenaq, ut yaab'anqex; tz'uyinqex laa'ex li nawulak cheru li b'iin, xb'aan naq ak xmaq'e'k cheru.