Isaías 30:3 - Q'eqchi Bible

³ Ab'an li xkawilal leech'ool rik'in laj Parahón taak'ehoq eere sa' xutaan ut li xtenq'aaleb' laj Ejiipt taasachoq leech'ool.

Li Santil hu

³ Abanan laj faraón ma̱cꞌaꞌak xcuanquil chixtenkꞌanquileb. Ta̱cꞌutekꞌ xxuta̱neb nak ta̱cubsi̱k xcuanquileb xban nak queꞌxpatzꞌ lix tenkꞌanquileb riqꞌuineb laj Egipto.

Isaías 30:3 ပူးပေါင်းရင်းမြစ်များ

Isaías 20:5

Eb' li poyanam te'sachq xch'ool ut te'xutaanaq xb'aaneb' laj Etiopía, li royb'enihomeb', ut xb'aaneb' laj Ejiipt, li xkawub' raj xch'ooleb'.

Romanos 10:11

Naxye li Santil Hu: “Yalaq ani taapaab'anq re, ink'a' taakaqo'q xb'aan xxutaan”.

Romanos 5:5

ut li oyb'enink ink'a' nab'alaq'ik xb'aan naq ak hoyb'il sa' li qach'ool li xrahom li Yos xb'aan li Santil Musiq'ej k'eeb'il chaq qe.

Isaías 36:6

Nink'e reetal naq kaw aach'ool rik'ineb' laj Ejiipt re naq tate'xtenq'a. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.

2 Reyes 18:21

Nink'e reetal naq kaw aach'ool rik'ineb' laj Ejiipt chatenq'ankil. Ab'an eb' a'an moko kaweb' ta rib', chanchaneb' b'an jun kaxlan'aj jorol li naxset ut naxpaynumi li ruq' li ani naxkuutu rib' chiru. Jo'kan naxb'aanu laj Parahón, awab'ej re Ejiipt, reheb' chixjunileb' li neke'xkawu xch'ooleb' rik'in.

Salmos 108:12

At Qaawa', laa'at xatkanab'ank qe qajunes ut ink'a' chik nakat-okenk chi yalok chiqix laa'o!

Isaías 20:6

Chiruheb' li kutan a'an, eb' li poyanam li wankeb' chire li palaw sa' xteepal Filistea, te'xye: «Ilomaq chanru xkanaak li tenamit li kaw wi' li qach'ool, li xqapatz' wi' qatenq'ankil re raj tooxkol chiru li awab'ej re Asiria. Ut anaqwan chanru tookole'q laa'o?», cha'qeb'”.

Jeremías 2:36

K'a'ut naq sa' junpaat nakajal laana'leb'? Eb' laj Ejiipt ajwi' tate'xkanab' sa' xutaan jo' naq xate'xkanab' sa' xutaan eb' laj Asiria.

Jeremías 42:18

“Jo'ka'in xye li Nimajwal Yos, li xYos laj Israel: «Jo' naq xink'ut linjosq'il chiruheb' laj Jerusalén, jo'kan ajwi' naq taachalq linjosq'il sa' eeb'een wi texxik Ejiipt. Texmajewaaq, texse'eeq, tex'eetz'uuq ut xutaanalaqex yalaq b'ar, ut ink'a' chik teeril li na'ajej a'in».

Jeremías 42:22

Jo'kan utan, chenawaq chi us naq texkamq xb'aan li raaxiik', li we'ej ut li raxkamk, yalaq b'ar teeraj wi' na'ajunk”.

Oseas 10:6

Li wakax oor taak'ame'q ajwi' aran Asiria, jo' xsimaatan li xnimal ru awab'ej. Chi jo'kan eb' laj Efraín te'kaqo'q xb'aaneb' xxutaan ut eb' laj Israel te'xutaanaq chi rilb'al li xyoseb'.

Proverbios 25:19

Wi nakak'ojob' aach'ool chirix junaq aj b'alaq' sa' xhonalil li ch'a'ajkilal, a'an jo' tzekank naq wank li xul e malaj jo' b'eek naq toqol junaq oqej.

Jeremías 46:25

Jo'ka'in kixye li Nimajwal Yos, li xYos laj Israel: “Tink'e chi xtojb'al xmaak laj Amón, li xyos li tenamit Tebas; tinrahob'tesi ajwi' eb' laj Ejiipt rochb'eeneb' li xyos ut eb' li awab'ej, jo'wi' laj Parahón ut eb' li neke'xk'ojob' xch'ooleb' chirix.

Ezequiel 29:7

Naq yo'ooneb' chi oyb'enink aawik'in, ink'a' xatenq'aheb', xrahob'tesinkileb' chik xab'aanu; naq xe'xkawu xch'ool chawix, xat-elk chiruheb' ut xach'ina xch'ooleb'.