Isaías 3:7 - Q'eqchi Bible

⁷ Ab'anan li jun chik tixye sa' li kutan a'an: “Ink'a' tinruuq eetenq'ankil. Maak'a' tzekemq chi moko b'aatal sa' li wochoch, jo'kan naq mineek'e chi xjolominkil li tenamit”, cha'aq.

Li Santil hu

⁷ Abanan saꞌ li cutan aꞌan li asbej ta̱chakꞌok ut tixye: —La̱in incꞌaꞌ nacuaj oc chi takla̱nc saꞌ xbe̱n li tenamit xban nak saꞌ cuochoch ma̱cꞌaꞌ tzacae̱mk chi moco cuan akꞌej. Incꞌaꞌ naru tine̱xakab chi takla̱nc saꞌ xbe̱n li tenamit aꞌin.—

Isaías 3:7 ပူးပေါင်းရင်းမြစ်များ

Oseas 5:13

“Naq laj Efraín tixk'e reetal li xyajel ut laj Judá taaril li xtiq'ilal, toja' naq laj Efraín taaxik Asiria ut laj Judá tixpatz' xtenq'ankil re li nimajwal awab'ej; ab'an a'an ink'a' taaruhanq chi xk'irtasinkileb' chi moko xb'anb'aleb'.

Oseas 6:1

“Yo'qeb', sutq'iiqo rik'in li Qaawa', xb'aan naq A'an xrahob'tesink qe, ab'an anaqwan tooxk'irtasi; A'an xtiq'ok qe, ut anaqwan tooxb'an.

Ezequiel 34:4

Ink'a' nekech'oolani eb' li karneer li ink'a' neke'xkuy b'eek, chi moko nekeb'an eb' li yaj; ink'a' nekelan xtiq'ilal li naxtiq' rib', chi moko nekesutq'isi chaq li xsachk sa' xb'e, ink'a' nekesik' chaq eb' li sachenaq, xik' b'an chik nekerileb' ut k'ajo' leejosq'il rik'ineb'.

Lamentaciones 2:13

Ani tatinjuntaq'eeta wi', at tenamit Jerusalén? K'a' ta wi' ru tinye aawe? Ani tawi' tkoloq aawe ut tixk'ojob' aach'ool, at Sión k'ajo' xchaq'alil aawu? Jwal nim laarahilal, kama' xnimal li palaw: ani truhanq chak'irtasinkil?

Jeremías 14:19

At Qaawa', ma xatz'eqtaana laj Judá chi junajwa? Ma xattitz'k chi rilb'al li tenamit Sión? K'a'ut naq xoohaatiq' chi ink'a' chik took'iraaq? Xqoyb'eni wank sa' tuqtuukilal, ut maak'a' junaq usilal xqataw. Xqayo'oni li kawilal, ut a' li xiwak xchalk sa' qab'een.

Isaías 58:12

Taawaklesi wi' chik li xpo'lemil laatenamit ut taak'ojob' wi' chik li rub'elankil li kiwank najter. «Aj waklesinel po'lem» taak'ab'a'in; «aj yiib'ahom re li po'lemil ochoch», cha'qeb' aawe chixjunileb'.

Deuteronomio 32:40

Nintaqsi li wuq' sa' choxa ut ninye: Relik chi yaal naq yo'yookin chi junelik.

Génesis 14:22

Ab'anan laj Abrán kixye re li awab'ej re Sodoom: “Xinye li waatin chiru Nimajwal Yos, aj yoob'tesinel re li choxach'och',

Joel 1:16

Sa' xnaq' qu ajwi' xmaq'e'k li qatzekemq ut x'oso'k li sahil ch'oolej sa' rochoch li qaYos.