Isaías 3:14 - Q'eqchi Bible

¹⁴ Li Qaawa' xchalk chi xb'oqb'aleb' sa' raqb'a aatin, ut tixye reheb' li cheekel winq ut eb' laj k'amol xb'e li xtenamit: “Laa'ex xexsachok re li wawimq uub', ut xnujak leerochoch rik'in li k'aru xerelq'a reheb' li neb'a'.

Li Santil hu

¹⁴ Ta̱rakok a̱tin saꞌ xbe̱neb li nequeꞌcꞌamoc be ut saꞌ xbe̱neb li nequeꞌtaklan saꞌ xbe̱neb li tenamit. Ut tixye reheb: —La̱ex xexsachoc re lin tenamit ut yo̱quex chixcꞌambal li cꞌaꞌru reheb li nebaꞌ saꞌ le̱ rochoch.

Isaías 3:14 ပူးပေါင်းရင်းမြစ်များ

Li xHu LAJ JOB 22:4

Wi li Yos nakatxq'us malaj nakatxrahob'tesi, nakak'ul chi jo'kan maawa' xb'aan naq laa'at aj paab'anel,

Santiago 2:6

A'ut laa'ex xetz'eqtaana li neb'a'! Ma maawa'eb' tab'i' li b'ihom li neke'numtaak sa' eeb'een? Ma maawa'eb' tab'i' a'an li neke'k'amok eere sa' raqleb' aatin

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Jeremías 5:27

Chanchan naq nujenaq chi xik'anel xul li xra'aleb', jo'kan naq li rochocheb' nujenaq chi k'a'aq ru elq'anb'il; xe'ninqank xwankil ut xe'b'ihomo'k,

Isaías 5:7

Li xyaalal li b'ich, a'an a'in: li rawimq li Nimajwal Yos, a'an li tenamit Israel, ut eb' laj Judá, a'an li iyaj jwal raaro xb'aan. Li Qaawa' kiroyb'eni naq te'xb'aanu li us, ut maa'usilal chik kixtaw; kixyo'oni naq te'wanq sa' tiikilal, ut junes a' chik li rahob'tesink ib' kixtaw.

Salmos 143:2

Matraqok aatin sa' inb'een, xb'aan naq maajun junaq maak'a' ta xmaak chawu.

Salmos 14:4

Ma ink'a' te'xtaw xyaalal eb' laj b'aanuhom maa'usilal, li wankeb' aran chi k'ajo'eb' xxiw, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Li xHu LAJ JOB 24:9

Eb' laj maak neke'xmaq' li neb'a'yox li toj natu'uk, ut neke'xk'am chi najt cho'q ruuchil li k'as.

San Mateo 21:33

“Ab'ihomaq jun chik li jaljookil ru aatin. Jun li winq aj eechal junkab'al kiraw jun siir x'uub', kixsut chi koral, kixb'ek aran jun xyatz'leb'aal uub' ut kixyiib' jun li kab'l cho'q re laj k'aak'alenel; kixk'e chi to' reheb' aj k'alom ut koho chi najt.

Miqueas 6:10

Sa' rochoch li ink'a' us xna'leb' wank li b'ihomal tawb'il sa' b'alaq' ut eb' li b'isleb' ka'paay ru, li q'axal nintz'eqtaana.

Miqueas 2:2

Neke'rahink jalanil ch'och', ut neke'reechani; neke'rataw junaq ochoch, ut neke'relq'a. Neke'xrahob'tesi laj eechal junkab'al ut eb' li wankeb' chisa', li winq jo'wi' li k'aru re.

Li xHu LAJ JOB 34:23

Li Qaawa' ink'a' naxxaqab' xkutankil tixk'ut wi' rib' li winq chiru sa' li raqb'a aatin.

Li xHu LAJ JOB 24:14

Laj kamsinel ras riitz'in toj hik'ho na'elk chi xkamsinkil li neb'a' ut li toq'ob'aal ru, ut chiru li q'oqyink naxik chi elq'ak.

Salmos 10:9

Chanchan li kaqkoj sa' li xjob' naq naxmuq rib' chi oyb'enink; naroyb'eni li toq'ob' ru, re xchapb'al; naxchap ut naxjuku sa' li xra'al.

Proverbios 30:14

Wankeb' ajwi' poyanam li wankeb' xq'esnal ch'iich' cho'q ruuch reheb', ut kok' q'esnal ch'iich' cho'q xkalam e, re xkamsinkileb' li kub'enaqeb' xwankil ut xsachb'aleb' chi junajwa li neb'a' sa' ruuchich'och'.

Isaías 10:1

Ra chaalel sa' xb'eeneb' li neke'k'uub'ank yib' aj chaq'rab' ut neke'teneb'ank rahilal sa' xb'eeneb' li poyanam.

Isaías 10:2

Ink'a' neke'xtenq'aheb' li neb'a' sa' li raqleb'aal aatin, neke'xram b'an li xk'ulub' eb' li ra wankeb' sa' lintenamit, neke'xchoy xsa' li xjunkab'aleb' li xmalka'an ut neke'xmaq' li k'aru wank reheb' li neb'a'yox.

Isaías 11:4

Taaraqoq b'an aatin sa' tiikilal chirixeb' li maak'a'eb' xwankil ut tixkoleb' li neb'a' li wankeb' sa' li tenamit. Yal rik'in li raatin tixrahob'tesi li ink'a' us xna'leb' ut rik'in li xmusiq' tixsach ru li nab'aanunk maa'usilal.

Isaías 14:30

Toja' naq eb' linneb'a' te'wanq xtzekemq ut eb' li toq'ob'aal ruheb' sa chik te'wanq; a'ut leeralal eek'ajol te'kamq xb'aan li we'ej, ut wi wanq junaq li taakole'q, laa'in tinkamsi”.

Isaías 26:6

re naq taayeq'iiq sa' roqeb' li neb'a' jo' ajwi' xb'aaneb' li lub'lub'eb'”.

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.

Isaías 30:12

Jo'kan naq li Qaawa', li xSant laj Israel, kixye chi jo'ka'in: “Laa'ex xetz'eqtaana li aatin a'in ut xek'ojob' leech'ool sa' li raaxiik' ut li maa'usilal; kaw leech'ool rik'in chixjunil a'an.

Isaías 58:4

Nekex'ayuunik re xb'aanunkil li rahilal ut li raaxiik', jo'wi' re xsak'b'al eerib' cherib'il eerib' chi kaw. Mex'ayuunik chik jo' anaqwan, wi nekeraj twab'i li xyaab' eekux sa' choxa.

Ezequiel 18:12

naxrahob'tesi li neb'a' ut li toq'ob'aal ru, narelq'a li ab'i e, ink'a' naxq'ajsi ruuchil li to', naxloq'oni ruheb' li jalanil yos ut naxb'aanu li ink'a' nawulak chiwu,

Ezequiel 20:35

Texink'am sa' li chaqich'och', chi najt rik'in chixjunileb' li poyanam, ut aran too'aatinaq ut tinraqoq aatin sa' eeb'een, jo' naq kinraqok aatin sa' xb'eeneb' leena' leeyuwa' sa' li chaqich'och' sa' xteepal Ejiipt -chan li Qaawa'-.

Miqueas 3:3

Neketz'ub' xkik'eleb' lintenamit; nekemich' li xtz'uumaleb' ut nekejori li xb'aqeleb', jo' na'uxk re li tib' nachiqe'k sa' uk'al.

Levítico 25:14

Maajun eere tixb'alaq'i li ras riitz'in naq tixk'ayi malaj tixloq' junaq ch'och'.

Levítico 25:17

“Meerahob'tesi leeras eeriitz'in. Chexiwaaq ru leeYos, xb'aan naq laa'in li Qaawa', leeYos.

Jeremías 12:10

Naab'aleb' laj k'aak'alenel ketomq xe'xsach li wawimq ut xe'xteni ru li weechanihom; joxk' aj chik xe'xkanab' linna'aj li jwal raaro inb'aan, chanchan chik li chaqich'och'.

Amós 2:7

Neke'xyeq'i chiru ch'och' eb' li neb'a' ut neke'xsachb'esi xna'leb'eb' li kub'enaqeb' xwankil. Li alalb'ej ut li yuwa'b'ej neke'wank rik'in jun chi ixq, ut chi jo'kan neke'xmux linsantil k'ab'a'.

Miqueas 2:1

Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.