Isaías 3:1 - Q'eqchi Bible

¹ K'ehomaq reetal naq li Qaawa', li Nimajwal Yos, tixkanab' Judá ut Jerusalén chi maak'a' chik wanq re, ut taarisi chixjunil li xwaheb' ut ruk'a'eb'.

Li Santil hu

¹ Qꞌuehomak retal. Li Ka̱cuaꞌ li kꞌaxal nim xcuanquil ta̱risi Jerusalén ut Judá li cꞌaꞌak re ru li nequecꞌojob cuiꞌ e̱chꞌo̱l. Ut ta̱risi le̱ cua ut le̱ haꞌ.

Isaías 3:1 ပူးပေါင်းရင်းမြစ်များ

Levítico 26:26

“Naq tinmaq' cheru chixjunil leetzekemq, lajeeb' chi ixq te'chiqoq leewa sa' jun chi chiqleb'aal, ut b'isb'il chik li wa li teewa': texwa'aq, ab'anan ink'a' taak'ojlaaq leech'ool.

Ezequiel 14:13

“At kaamel winq, wi junaq tenamit namaakob'k chiwu ut naxq'et li xpaab'aal, laa'in tinrahob'tesi ut tinkanab' chi maak'a' chik xtzekemq; tintaqla chaq li we'ej sa' xb'een ut tink'eheb' chi kamk eb' li poyanam jo' ajwi' eb' li xul.

Isaías 1:24

Jo'kan naq li Nimajwal Yos, li jwal kaw chi xkolb'al laj Israel, naxye chi jo'ka'in: “Tz'aqalaq! Laa'in twisi linjosq'il sa' xb'eeneb' li xik' neke'ilok we ut tin'eeqajunq sa' xb'eeneb'.

Jeremías 38:9

“At awab'ej, yib'ru xe'xb'aanu eb' li winq a'an naq xe'xk'e sa' xjulel li ha' laj Jeremías, li propeet. Toq'ob' ru; aran taakamq xb'aan xtz'okajik, xb'aan naq maak'a' chik wa sa' li tenamit”.

Jeremías 37:21

Toja' naq laj Sedesías, li awab'ej, kixye naq laj Jeremías taakanaaq sa' tz'alam, chiru xneb'aalil li rochocheb' laj k'aak'alenel, ut chik'eemanq junaq xwa rajlal kutan, xkomon eb' li neke'yiib'aak sa' li B'e reheb' laj yiib'ahom wa. Ut a'an tz'aqal ki'uxmank toj reetal kilajk li wa sa' li tenamit. Jo'ka'in naq kikanaak laj Jeremías chi tz'apam, chiru li xneb'aalil li rochocheb' laj k'aak'alenel.

Isaías 51:22

Jo'ka'in kixye li Qaawa', laaYos, laj kolol re laatenamit: “Twisi sa' laawuq' li xsek'ul li rahilal, li xsek'ul linjosq'il li xatkalaak wi'; ink'a' chik taawuk' xsa'.

Isaías 36:12

Ab'an li xnimal ru aj k'anjel aj Asiria kixye reheb': “Meek'oxla naq li awab'ej re Asiria xinxtaqla chaq chi xyeeb'al a'in aawe chi moko re laj Esekías, laj eechal aawe. Xinxtaqla b'an chaq chi xyeeb'al reheb' li winq wankeb' chaq sa' xb'een li suttz'ak: xb'aan naq eb' a'an jo' ajwi' laa'ex tento teelow leek'ot ut teeruk' leechu'”.

Isaías 5:13

Maak'a' xna'leb' lintenamit, jo'kan naq te'chape'q ut te'isiiq sa' xna'ajeb'. Li xninqaleb' ru winq kamkeb' re xb'aan tz'okaak ut chixjunileb' li poyanam te'chaqiq xb'aan chaqi'eel.

Isaías 2:22

Jo'kan naq meek'ojob' chik eech'ool chirix li winq li yal jun k'amok ajwi' li xmusiq': k'aru na'ok wi' a'an?

Salmos 105:16

Li Yos kixtaqla li we'ej sa' li tenamit a'an, ut chixjunileb' ke'kanaak chi maak'a' chik xwaheb'.

Isaías 3:16

Li Qaawa' kixye ajwi' chi jo'ka'in: “Eb' li ixq aj Sión q'axal neke'xk'e xwankil, neke'xja'ab' rib' naq neke'b'eek; jwal josq' josq' neke'ilok ut neke'xk'osatq li xyokb' yal re xk'eeb'al chi eek'ank li xsahob' ru li roqeb'.

Isaías 9:20

Li junjunq nawa'ak sa' junpak'al ut toj yo ajwi' xtz'okajik, nawa'ak sa' junpak'al chik, ab'an ink'a' nak'ojlaak xch'ool; li junjunq naxtiw li xtib'el li xkomon.

Jeremías 52:3

Jo'kan naq li Qaawa' kijosq'o'k rik'ineb' laj Jerusalén ut eb' laj Judá, ut ink'a' chik kiraj rilb'aleb' ru. Laj Sedesías kixq'etq'eti rib' chiru li awab'ej re Babilonia.

Jeremías 52:6

Sa' li b'eleeb' xb'e li xka po re li chihab' a'an kinumtaak li we'ej sa' li tenamit ut tik maak'a' chik wa cho'q reheb' li poyanam.

Lamentaciones 5:4

Li ha' naquk', naqatoj chi terto xtz'aq; ut loq'b'il chik naqataw wi' li qasi'.

Amós 4:6

“Laa'in xintaqla chaq li we'ej sa' chixjunil leetenamit, ut xink'e chi lajk li tzekemq sa'eb' leek'aleb'aal, ab'anan laa'ex ink'a' xexsutq'iik chaq wik'in”, chan li Qaawa'.

Miqueas 4:9

Ut anaqwan, k'a'ut naq japjo aawe, jo'kat li ixq yo chi alank? Ma yal xb'aan naq maak'a' li awab'ej, malaj xb'aan naq xe'kamk eb' laj k'ehol aana'leb'?

2 Reyes 25:3

Sa' xb'ele li kutan re li xka po re li chihab' a'an kinumtaak li we'ej sa' li tenamit ut tik maak'a' chik wa cho'q reheb' li poyanam.