Isaías 27:7 - Q'eqchi Bible

⁷ Li Yos ink'a' xrahob'tesiheb' laj Israel jo' kixb'aanu reheb' li ke'tawasink reheb'; chi moko xsacheb' ru jo' kixkamsiheb' li ke'kamsink reheb' a'an.

Li Santil hu

⁷ Li Dios incꞌaꞌ quixrahobtesiheb laj Israel joꞌ quixba̱nu reheb li xicꞌ nequeꞌiloc reheb laj Israel. Incꞌaꞌ quixqꞌueheb chi camsi̱c laj Israel joꞌ quixqꞌueheb chi camsi̱c li jalaneb xtenamit.

Isaías 27:7 ပူးပေါင်းရင်းမြစ်များ

Nahum 3:19

Maak'a' xb'anol laatiq'ilal, ink'a' chik nak'iraak. Chixjunileb' li neke'ab'ink re laarahilal neke'xpoq'poq'i li ruq'eb' xb'aan xsahil xch'ooleb'. Xb'aan naq ma wank tab'i' junaq li ink'a' xarahob'tesi laa'at chi kok'aq xsa'?”.

Nahum 1:14

A'an a'in li xkawresi cho'q aawe li Qaawa': “At awab'ej re Nínive, maajun aawalal aak'ajol taawanq li te'k'amoq laak'ab'a'. Sa' laatijob'aal tinjuk'eb' laayos ut tinmuri eb' li xjalam uheb'; ut laa'at tatinmuq, xb'aan naq tz'eqtaananb'ilat”.

Jeremías 51:24

“Ab'anan cheru ajwi' laa'ex aj Judá tink'e reeqaj re Babilonia ut reheb' chixjunil laj Kaldeha li rahilal xe'xb'aanu re Sión -chan li Qaawa'-.

Jeremías 50:40

Taak'ulmanq jo' naq laa'in kinsacheb' ru Sodoom ut Gomoor, jo'wi' eb' li tenamit wankeb' chi xsutam, naq maajun chik poyanam kikanaak aran chi moko ke'tenamito'k chik”, chan li Qaawa' Yos.

Isaías 17:14

Xiwajelaq rilb'aleb' naq taa'ewuuq, ab'anan naq taahik'e'q, maajunaqeb' chik. Jo'ka'in naq te'oso'q eb' li neke'rahob'tesink qe; a'in toxe'raqe'q wi' li neke'elq'ank li k'aru qe.

Isaías 17:3

Taajuk'manq xwankil laj Efraín, ut li x'awab'ejihom Damaask taa'oso'q; eb' laj Siria li te'kole'q, maak'a'aqeb' chik xloq'al jo'keb' laj Israel -chan li Nimajwal Yos-.

Isaías 10:12

Naq akaq xraqe'k li Qaawa' chi xb'aanunkil li xk'anjel sa' li tzuul Sión ut Jerusalén, tixrahob'tesi li awab'ej re Asiria xb'aan li xq'etq'etil ut li xnimob'resinkil rib'.

Isaías 10:17

Li Yos, li xsaqenk laj Israel, taachalq jo' li xam ut li Qaawa', li q'axal Sant, taasutq'iiq cho'q raq'xam; yal chiru jun kutan tolxsacheb' li k'ix ut li pim sa' li tenamit.

Isaías 30:31

Xb'aan naq te'ok xxiweb' laj Asiria, yal rik'in rab'inkil xyaab' xkux li Qaawa' ut xk'ulb'al li xrahob'tesinkileb'.

Isaías 31:8

Toja' naq taa'oso'q Asiria chi q'esnal ch'iich', ab'an maawa' xb'aan xwankilal junaq winq. Ut wi eb' laj Asiria te'eleliq chiru li q'esnal ch'iich', te'chape'q ut te'k'ehe'q cho'q mun.

Isaías 31:9

Taa'eleliq ajwi' li xyoseb' chi k'ajo'aq xxiw, ut eb' laj jolominel te'sachq xch'ool ut te'xkanab' li yalok. A'an a'in raatin li Qaawa' li wank xxam ak kawresinb'il aran Jerusalén re xrahob'tesinkileb' li xik' neke'ilok re.