Isaías 27:6 - Q'eqchi Bible

⁶ Chiruheb' li kutan chaalel laj Jakob tixchap xxe'; laj Israel taa'atz'umaq ut taak'ihanq, tixnujob'resi li ruuchich'och' rik'ineb' li ralal xk'ajol.

Li Santil hu

⁶ Saꞌ eb li cutan teꞌcha̱lk eb laj Israel li ralal xcꞌajol laj Jacob teꞌnabalokꞌ saꞌ ruchichꞌochꞌ ut teꞌcua̱nk yalak bar. Us teꞌe̱lk riqꞌuin li cꞌaꞌru teꞌxba̱nu. Chanchanakeb li cheꞌ li naxchap xxeꞌ chi us ut nabal li ru naxqꞌue.

Isaías 27:6 ပူးပေါင်းရင်းမြစ်များ

Isaías 37:31

Eb' li te'kole'q sa' xyanqeb' li ralal xk'ajol laj Judá ut ink'a' te'kamq, jo'kaqeb' li che': cham te'xe'enq ut taqe'q te'uuchinq.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Oseas 2:23

Tinkanab' laj Israel sa' li xna'aj, twuxtaana ru li «Ink'a' uxtaananb'il ru»; ut li «Maawa' intenamit» tinye re: «Laa'at lintenamit», ut a'an tixye we: «At inYos»”, cha'aq.

Isaías 60:22

Eb' a'in jun ch'ina ch'uuteb' chi tenamit, ab'an te'pukanq chi k'iila o'q'ob'; ut sa' jun ch'ina teep taa'elq jun nimla tenamit q'axal kaw rib'. Laa'in li Qaawa' tinb'aanu chixjunil a'in chi junpaat naq taawulaq xq'ehil”, chan li Yos re li tenamit Jerusalén.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Filipenses 3:3

Eb' li tz'aqal xk'ulumeb' li sirkunsisyon a'ano laa'o, li naqaloq'oni ru li Yos jo' naraj li xMusiq', naqanima qib' sa' xk'ab'a' li Kristo Jesus ut ink'a' k'ojk'o li qach'ool ka'ajwi' rik'in li naqab'aanu qajunes.

Gálatas 3:29

Ut wi rehex li Kriist, laa'ex riyajilex laj Abrahán chi jo'kanan, aj eechaninelaqex jo' chanru yeechi'inb'il chaq xb'aan li Yos.

Jeremías 30:19

Ut aran taa'ab'iiq li b'ichank re b'anyoxink ut li japok e xb'aan li sahil ch'oolejil. Teb'ink'e wi' chik chi k'ihank toj reetal te'naab'alo'q; maajoq'e chik te'tz'eqtaanaaq, xb'aan naq tink'e wi' chik xloq'aleb'.

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Li xHu LAJ JOB 37:12

Nareplotk li xsaqenkil chiru chixjunil li choxa, ut naxpaab' li xtaqlahom li Qaawa' chiru li choxach'och',

Isaías 4:2

Sa' li kutan a'an li xTuxm li Qaawa' a'anaq li xloq'al ut li xsahil ruheb' laj Israel li te'kole'q; ut li Ru li ch'och' a'anaq li xwankilal ut li xnimal xloq'aleb'.

Isaías 35:1

Sahoqeb' li chaqich'och' ut li joxk' na'ajej! Chisaho'q li junesal na'ajej ut chinujaq chi uutz'u'uj;

Isaías 35:2

chi'atz'umaq jo' li saqihix ut chixjapaq re xb'aan xsahil xch'ool. Jwal taach'ina'uso'q jo' li tzuul Líbano, jo' li xchaq'alil ru li Karmeel ut li xtaq'ahil Sarón. Chixjunileb' te'ril li xnimal xloq'al li Qaawa' ut te'xk'e reetal li xwankil li qaYos.

Ezequiel 36:8

Ut laa'ex, ex xtzuulul Israel, textuxmeq ut tex'uuchinq cho'q reheb' laj Israel, lintenamit, xb'aan naq ak sutq'iik chaq reheb'.

Ezequiel 36:10

Tink'eheb' chi tamk laj Israel, li wankeb' aran. Taatenamito'q wi' chik li na'ajej, ut eb' li po'lem te'yiib'aaq wi' chik.