Isaías 27:12 - Q'eqchi Bible

¹² Naq taawulaq li kutan a'an, li Qaawa' tixsik'eb' chaq li poyanam chalen chaq chire li nima' Éwfrates toj chire li nima' re Ejiipt, jo' naq na'isiik rix li triiw; a'ut laa'ex aj Israel texxoke'q chejunjunqalil.

Li Santil hu

¹² Saꞌ li cutan aꞌan li Ka̱cuaꞌ tixchꞌutubeb lix tenamit. Naticla chak cuan cuiꞌ li nimaꞌ Éufrates. Nacuulac toj saꞌ lix nuba̱leb laj Egipto. Li junju̱nk chi aj Israel teꞌchꞌutuba̱k joꞌ nak naxocman ru li trigo.

Isaías 27:12 ပူးပေါင်းရင်းမြစ်များ

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Isaías 56:8

Laa'in tinsutq'isiheb' chaq li toj wankeb' chi preexil sa' ab'l tenamit, tinch'utub'eb' ut te'wanq sa' junajil”. A'an a'in raatin li Qaawa' li nach'utub'ank reheb' laj Israel li xe'cha'cha'iik sa' najtil tenamit.

Nehemías 1:9

Ab'an wi texsutq'iiq chaq wik'in, wi teepaab' ut teek'anjela ru linchaq'rab', tinxik chesik'b'al ut texink'am wi' chik sa' li na'ajej sik'b'il ru inb'aan cho'q inmuheb'aal, us ta ak cha'cha'inb'ilex toj sa' xmaril li choxa», chankat.

San Juan 10:16

Wankeb' ajwi' jalan chik inkarneer li moko wankeb' ta sa' li koral a'in; a'aneb' ajwi' tento tinb'eresiheb' chaq, ut te'rab'i xyaab' linkux, ut jun ch'uutaqeb' aj chik naq te'wanq, ut junaq ajwi' laj k'aak'alehom reheb'.

San Juan 6:37

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

San Lucas 15:4

“Ani eere laa'ex, wanq ta o'k'aalaq xkarneer ut taasachq junaq chiru, ma ink'a' raj tixkanab' li b'eleelaju ro'k'aal sa' li chaqich'och' ut taaxik chi xsik'b'al li sachenaq toj reetal toxtaw chaq?

Amós 9:9

Tink'eheb' chi poqleek laj Israel xb'aaneb' li k'iila tenamit, jo' na'uxk re li triiw sa' li chiq'leb'aal, chi maajun t'orol li ru nat'ane'k chiru ch'och'.

Jeremías 3:14

Li Qaawa' kixye chi jo'ka'in: “Chalqex wi' chik wik'in, ex walal ink'ajol aj q'etolex aatin, xb'aan naq laa'in li Qaawa' laj eechal eere. Junjunq eere tinsik' ru sa' li junjunq chi tenamit ut ka'kab' sa' li xjunq kab'al li ralal xk'ajol laj Israel, re teb'ink'am chaq sa' li tenamit Sión.

Isaías 17:6

aran junes roq awimq aj chik taakanaaq. Taak'ulmanq jo' naq najiliik li ru eb' li oliiw chi che': wiib' oxib' aj chik nakanaak chiru li xmisik', kaahib' malaj oob'aq li ru natawmank chiru li xche'el”, chan li Qaawa', li xYos laj Israel.

Salmos 72:8

Chiwanq xwankil chalen sa' li palaw toj sa' li palaw jun chik, chalen sa' li nima' Éwfrates toj sa' xmaril li ruuchich'och'.

Salmos 68:22

Ab'an li Yos tixputz'i xjolomeb' li xik' neke'ilok re, li xjolomeb' li sa wankeb' sa' xmaa'usilaleb'.

Isaías 49:5

Tintaw inloq'al chiru li Qaawa' ut A'an tz'aqal li nak'ehok inkawilal. Ut anaqwan kixye we li Qaawa', li kik'uub'ank chaq we rik'in linna' re naq tink'anjelaq chiru, re xsutq'isinkil chaq wi' chik laj Jakob rik'in A'an ut re xjunajinkileb' li ralal xk'ajol laj Israel:

Jeremías 44:28

Ka'ajeb' wi' wiib' oxib' li te'kole'q sa' li raaxiik'; te'elq Ejiipt ut te'sutq'iiq wi' chik Judá. Toja' naq chixjunileb' laj Judá li ke'chalk chi na'ajunk Ejiipt, te'xnaw ani aj aatin xtz'aqlok ru, ma a' li waatin laa'in, malaj li raatineb' a'an.

Ezequiel 20:34

Texwisi sa' xyanqeb' li tenamit b'arwi' cha'cha'inb'ilex ut texinch'utub' rik'in xnimal inwankil ut sa' josq'il.

Ezequiel 20:41

Texink'ul jo' li sununkil mayej, naq texwisi chaq sa' xyanqeb' li tenamit b'arwi' cha'cha'inb'ilex; texinch'utub' ut, sa' eek'ab'a' laa'ex, tink'ut linsantilal chiru chixjunileb' li poyanam.

Ezequiel 39:25

“Jo'kan naq laa'in, li Qaawa', ninye chi jo'ka'in: Anaqwan twuxtaana ru chixjunileb' laj Israel, eb' li ralal xk'ajol laj Jakob. Tink'ameb' chaq wi' chik sa' li xna'ajeb', re naq taaloq'onimaaq linsantil k'ab'a'.

Ezequiel 47:19

“Li nub'ajl sa' xjayal xsak'leb' iq' taa'elq chaq Tamar, toxnume'q sa' li ha' re Meribá-Kadés, taaxik sa' xjayal li ch'ina ha' re Ejiipt toj reetal taawulaq wan wi' li Nimla Palaw. A'an a'in li nub'ajl sa' xjayal xsak'leb' iq'.

Zacarías 8:7

“Jo'ka'in naxye li Nimajwal Yos: Tinkoleb' lintenamit naq twisiheb' chaq sa' xjayal releb'l saq'e ut sa' xjayal rokeb'l saq'e;

Josué 15:4

nanume'k wan wi' Asmón, naxik sa' xjayal li nima' re Ejiipt toj sa' li palaw. A'anaq a'in leenub'ajl laa'ex sa' rokeb'l iq'.

1 Reyes 8:65

Sa' li kutan a'an laj Salomón kixninq'ehi li xNinq'eheb' li Muheb'aal. Chixjunileb' laj Israel ke'ochb'eenink re, k'ajo' tz'aqal xk'ihaleb' li poyanam chalen chaq sa' li tenamit Jamat toj chire li ch'ina ha' re Ejiipt. Ke'ninq'ehik chiru li Qaawa' li qaYos chiru wuqub' kutan ut, chirix a'an, chiru wuqub' kutan chik: kaalaju kutan ke'ninq'ehik sa' komonil.