Isaías 26:7 - Q'eqchi Bible

⁷ Li xyu'am li tiik xch'ool a'an li tiikilal; laa'at, at Qaawa', nakattuqub'ank ru li xb'e.

Li Santil hu

⁷ Ti̱c ru li be li nequeꞌnumeꞌ cuiꞌ li ti̱queb xchꞌo̱l. At Ka̱cuaꞌ, la̱at nacatti̱cobresin re li be chiruheb.

Isaías 26:7 ပူးပေါင်းရင်းမြစ်များ

Efesios 2:10

Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.

1 Juan 3:7

Ex inkok'al, maa'ani chib'alaq'inq eere. Ani nab'aanunk re li tiikilal, a'an tiik xch'ool jo' li Jesus.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

1 Juan 3:10

Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.

Proverbios 20:7

Us xaq reheb' li ralal xk'ajol li winq li kiwank sa' tiikilal ut chaab'ilal.

Salmos 11:7

Li Qaawa' a'an tiik xch'ool ut naxra li tiikilal: eb' li tiikeb' ru xyu'am toxe'ril ru li Yos.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

Li xHu LAJ JOB 31:6

Xtz'ilaq wix chi chaab'il li Qaawa', ut tixk'e reetal li xtiikilal inch'ool.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Sofonías 3:5

Ab'anan li Qaawa' wank sa' xyanqeb'. A'an usilal naxb'aanu, ut maawa' li ink'a' us. Wulaj wulaj naraqok aatin ut rajlal eq'la naxk'ut li tiikilal chiruheb'. A'ut li reemaaru aj winq ink'a' naxnaw xutaanak.

Salmos 11:4

Li Qaawa' wank sa' li xloq'laj ochoch, li Qaawa' wank xk'ojarib'aal sa' li choxa; naril chaq chixjunil li ruuchich'och' ut naxk'e reetal chixjunil li qab'aanuhom.

Salmos 25:4

At Qaawa', chak'ut taxaq chiwu laab'e, chinaatzol sa' chixjunil laachaq'rab'.

Salmos 25:5

K'amin chi xnawb'al li yaal ut chinaatzol, xb'aan naq laa'at linYos ut laj Kolol we; aawik'in k'ojk'o li waanm chi junelik.

Salmos 27:11

Chak'ut chiwu laab'e, at Qaawa', chinaab'eres taxaq sa' li tiikilal xb'aan naq wankeb' li xik' neke'ilok we.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Isaías 52:12

Ab'an moko tex'elq ta chi junpaat chi moko jo' aj eelel ta naq texxik, xb'aan naq k'amolb'ehaq li Qaawa' cheru ut chi ixb'ej wanq li xYos laj Israel.

Isaías 57:2

ut neke'xtikib' hilank sa' tuqtuukilal. Xe'wank sa' tiikilal ut anaqwan neke'hilank sa' li xmuqleb'aaleb'.

Jeremías 10:23

At Qaawa', ninnaw naq li winq moko a'an ta yaal re sa' xb'een li xyu'am, chi moko sa' ruq' wank li xb'eenik.

Oseas 14:9

Eb' li wankeb' xna'leb' ut li seeb'eb' xch'ool che'xnawaq xyaalal a'in: Tiik xb'e li Qaawa', ut a'an neke'xtaaqe li tiikeb' xch'ool; a'ut eb' laj maak neke'tichk'ok aran.

Salmos 5:9

At Qaawa', chinaab'eres rik'in xtiikilal laach'ool, xb'aan naq wankeb' li xik' neke'ilok we; chatuqub' ru linb'e chiwu.

Proverbios 3:6

Sa' chixjunil li k'aru taab'aanu wanq sa' aach'ool li Qaawa' Yos, ut A'an tixtiikob'resi laab'e.

Proverbios 11:5

Li tiikilal naxtuqub' ru xb'e li tiik xch'ool; a'ut li ink'a' us xna'leb' taa'oso'q sa' li xmaa'usilal.

Proverbios 21:8

Li xb'e li ink'a' us xna'leb', a'an yokos ru; li xk'anjel li chaab'il xch'ool, a'an tz'aqal re ru.

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!