Isaías 26:3 - Q'eqchi Bible

³ Kaw xaqxo li xpaab'aaleb', ut laa'at, at Qaawa', nakak'e reheb' li wank sa' tuqtuukilal xb'aan naq k'ojk'o xch'ooleb' aawik'in.

Li Santil hu

³ At Ka̱cuaꞌ, la̱at nacatqꞌuehoc reheb chi cua̱nc saꞌ usilal li nequeꞌcꞌoxlan a̱cue. Ma̱cꞌaꞌ nachꞌiꞌchꞌiꞌin reheb xban nak cauheb xchꞌo̱l a̱cuiqꞌuin.

Isaías 26:3 ပူးပေါင်းရင်းမြစ်များ

Filipenses 4:7

Ut li tuqtuukil usilal li nachalk rik'in li Yos ut naxq'ax ru chixjunil li na'leb', tixk'uula leech'ool ut leek'a'uxl rik'in li Kristo Jesus.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

San Juan 14:27

“Li tuqtuukil usilal ninkanab' eerik'in, lintuqtuukil usilal nink'e eere; ink'a' nink'e eere kama' naxk'e li ruuchich'och'. Misachk eech'ool chi k'oxlak, chi moko chexxiwaq.

Salmos 9:10

Li Qaawa' naxk'aak'ale li rahob'tesinb'ileb', a'an li nak'aak'alenk reheb' sa' xq'ehil li rahilal.

Romanos 5:1

Jo'kan utan, tiikob'resinb'il chik li qach'ool xb'aan li paab'aal, ut wanko sa' tuqtuukil usilal rik'in li Yos sa' xk'ab'a' li Qaawa' Jesukriist.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Miqueas 5:5

A'anaq li qatuqtuukilal. Naq eb' laj Asiria tole'xchap li qatenamit ut te'ok sa' li qana'aj, tqataqla sa' xb'eeneb' wuqub' aj jolominel ut waqxaqib'eb' ninqeb' xwankil.

2 Crónicas 16:8

Ma ink'a' tab'i' q'axal wi' chik naab'aleb' laj puub' aj Etiopía ut aj Libia, ut xiikileb' li xb'eleb'aal ch'iich' ut eb' li xkawaay ke'yalok wi' aawik'in junxil? Ab'anan rik'in naq xakawu aach'ool rik'in li Qaawa', A'an kixq'axtesiheb' sa' laawuq'.

2 Crónicas 13:18

Jo'ka'in naq eb' laj Israel ke'kub'siik xwankil sa'eb' li kutan a'an ut eb' laj Judá ke'numtaak sa' xb'eeneb', xb'aan naq k'ojk'o xch'ooleb' rik'in li Qaawa', xYos eb' li xxe'toonil yuwa'eb'.

1 Crónicas 5:20

ab'an ke'xyaab'a xk'ab'a' li Yos sa' li yalok, k'ojk'o xch'ooleb' rik'in li Qaawa', ut A'in kitenq'ank reheb'. Jo'kan naq eb' laj Agarén rochb'eeneb' li neke'okenk chirixeb' ke't'ane'k sa' ruq'eb'.

Isaías 48:2

Nekeye naq laa'ex li santil tenamit Jerusalén ut nekek'ojob' eech'ool rik'in li Qaawa', li xYos laj Israel, li naxk'ab'a'in «Nimajwal Yos».

Isaías 50:1

Jo'ka'in kixye li Qaawa': “Ma wank b'araq li xhuhil li jachok ib', reetalil naq xintz'eqtaana leena'? Malaj xexink'ayi ta laa'ex, re xtojb'al link'as? K'ehomaq reetal naq laa'ex xexk'ayiik xb'aan leemaak; xb'aan ajwi' leeq'etb'a aatin xtz'eqtaanaak leena'.

Salmos 119:165

Jwal wankeb' sa' tuqtuukilal eb' li neke'rahok re laachaq'rab'; tik ink'a' neke'tichk'ok.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Isaías 26:12

At Qaawa', laa'at toohaak'e chi wank sa' tuqtuukilal, xb'aan naq ka'ajwi' laa'at nakatk'ehok naq us too'elq rik'in li nalajqab'aanu.

Isaías 27:5

Ab'an wi eb' li xik' neke'ilok re lintenamit te'xpatz' xtenq'ankileb' we, xk'amaqeb' wan rib' sa' usilal wik'in; wik'in tento naq te'xk'am rib' sa' usilal!”.

Isaías 32:18

Lintenamit taahilanq sa' tuqtuukilal ut maak'a' taach'i'ch'i'inq reheb' sa'eb' li ochoch wanqeb' wi',

Isaías 42:6

“Laa'in, li Qaawa', xatinb'oq ut xatinch'ilo chaq chawuq' re roksinkil li tiikilal; xatink'uub' ut xatinxaqab' cho'q sumwank rik'in lintenamit ut cho'q xsaqenkeb' li poyanam;

Isaías 42:19

Ani tawi' li mutz'? Ma ink'a' tawi' a' laj k'anjel chiwu? Maajun li q'axal tz'apxik jo' li xintaqla chi yehok esil, maajun li q'axal mutz' ut jwal tz'apxik jo' lintaql, jo' laj k'anjel chiwu laa'in li Qaawa'.

Isaías 49:8

Jo'ka'in kixye li Qaawa': “Sa' chaab'il kutan xatwab'i, sa' xq'ehil li kolb'a ib' xatintenq'a. Xatinyoob'tesi ut xatinxaqab' chi xk'ojob'ankil li sumwank rik'in li tenamit, re xwaklesinkil wi' chik li na'ajej ut xjek'inkil li ch'och' ak sachb'il xchaab'ilal;

Isaías 66:12

Xb'aan naq laa'in li Qaawa' ninye chi jo'ka'in: Tink'e chi pukank aran li tuqtuukil usilal jo' jun nima'; jo' naq nab'ut'irk li nima', jo'kanaq li xchalik li xb'ihomaleb' li xninqal ru tenamit sa' xb'een Jerusalén. Toja' naq texch'oolaniiq, texk'ame'q chi q'unq'u ut text'otzt'otziiq sa' xb'eeneb' li raq.

Daniel 3:17

Wi li Yos li naqaloq'oni ru naraj qakolb'al chiru li xam li k'ajo' xtiqwal ut sa' laawuq' laa'at, at awab'ej, tooxkol.

Daniel 3:28

Toja' naq laj Nabukodonosor kixjap re chi yeeb'al: “Usilaatinanb'il taxaq li xYos laj Sidrak, laj Misak ut laj Abdénago, xb'aan naq xtaqla li x'ánjel chi xkolb'aleb' laj k'anjel chiru. Eb' li saaj al a'in k'ojk'o xch'ooleb' rik'in li xYos ut xe'xq'et li xtaqlahom li awab'ej; q'axal chik xe'xra li kamk chiru xloq'oninkil ut xk'anjelankil ru jalan chik yos li ink'a' xnawomeb' ru.

Daniel 6:23

Toja' naq li awab'ej k'ajo' naq kisaho'k sa' xch'ool ut chi junpaat kixtaqla risinkil laj Daniel sa' xyanqeb' li kaqkoj. Naq ke'risi chaq sa' xyanqeb' li xul, maajun xtiq'ilal ke'xtaw, xb'aan naq k'ojk'o li xch'ool rik'in li xYos.

Salmos 125:1

B'ich reheb' li taqsink. Eb' li kaweb' xch'ool rik'in li Qaawa' chanchaneb' li tzuul Sión li ink'a' na'eek'ank; a'an k'ojk'o sa' xna'aj chi junelik.

Isaías 32:17

Li xk'anjel li tiikilal a'an li wank sa' tuqtuukilal, ut li naruuchin li k'ulub'ej a'an li sahil wank ut li kawil ch'oolej chi junajwa.

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

Jeremías 39:18

Laa'in tinkoloq aawe chiru li kamk, ut laa'at tatkanaaq chi yo'yo xb'aan naq k'ojk'o laach'ool wik'in», chan li Qaawa'”.