Isaías 26:10 - Q'eqchi Bible

¹⁰ Us ta taakuymanq xmaak li ink'a' us xna'leb', ab'an ink'a' tixtzol wank sa' tiikilal; toj yooq xb'aanunkil li maa'usilal sa' xyanqeb' li tiikeb' ru xyu'am ut ink'a' tixk'e reetal li xwankilal li Qaawa'.

Li Santil hu

¹⁰ Usta la̱at ta̱cuil xtokꞌoba̱l ruheb li incꞌaꞌ useb xnaꞌleb, eb aꞌan ma̱ jokꞌe teꞌxtau ru. Incꞌaꞌ teꞌraj cua̱nc saꞌ ti̱quilal. Usta cuanqueb saꞌ junak naꞌajej bar nacatlokꞌoni̱c cuiꞌ, eb aꞌan junelic teꞌxba̱nu li ma̱usilal xban nak incꞌaꞌ nequeꞌxqꞌue retal la̱ cuanquilal.

Isaías 26:10 ပူးပေါင်းရင်းမြစ်များ

Oseas 11:7

Lintenamit jwal kaw xch'ooleb' chintz'eqtaanankil; us ta neke'xpatz' xk'ab'a' laj Bahal, ab'an maajun natenq'ank reheb'.

Apocalipsis 2:21

Xinxaqab' xkutankil chiru re raj tixyot' xch'ool tixjal xk'a'uxl, ab'anan ink'a' naraj xjalb'al xk'a'uxl chirix li muxuk ib'.

Miqueas 2:10

Xaqlinqex ut ayuqex! Li na'ajej a'in maawa' re hilank: xb'aan li maa'usilal x'uxmank arin, taasachmanq chi junajwa.

Jeremías 2:7

Laa'in kexink'am chaq sa' li xq'emal ch'och' a'in re xtzekankil li chaab'il ruhil awimq na'elk chiru. A'ut naq kolex'okaq laa'ex, kemux ru linch'och' ut xa'b'eetal kekanab' li weechanihom.

Eclesiastés 3:16

Toj wank chik k'aru xwil sa' ruuchich'och': naq ink'a' na'uxk li k'ulub'ej ut li tiikilal, ut a' chik li maa'usilal ut li lab'al nab'aanumank.

Proverbios 1:32

Eb' li ink'a' neke'xnaw k'oxlak neke'kamk, xb'aan naq ink'a' neke'raj xk'ulb'al li xna'leb'eb'; ut eb' li jip neke'sachk xb'aan naq ink'a' neke'xk'e xch'ool chi tzolok.

Salmos 106:43

K'iila sut li Qaawa' kixkol li xtenamit, a'ut eb' a'an ke'xq'etq'eti rib' chiru ut ke'sub'e'k chi junajwa sa' li xmaakeb'.

Deuteronomio 32:15

“Ke'tzekank chi us eb' laj Israel; ke'nimank xtib'el laj Yesurún ut ke'xq'etq'eti rib'; ke'nimank li xsa'eb', ke'xb'olob' rib' ut ke'xkanab' li Yos, a' laj Yoob'tesinel reheb'. Ke'xtz'eqtaana li Saqoonak, laj Kolol reheb'.

Éxodo 9:34

Naq laj Parahón kiril naq kich'anaak li hab', li saqb'ach ut li kaaq, kimaakob'k wi' chik ut kixkawub'resi xch'ool rochb'eeneb' laj k'anjel chiru.

Éxodo 8:15

Ab'an naq laj Parahón kiril naq ak xnume'k li rahilal, kixkawub'resi xch'ool ut ink'a' kirab'iheb' laj Moisés ut laj Aharón, kama' yeeb'il chaq xb'aan li Qaawa'.

Oseas 13:6

“Ab'an naq ke'wa'ak ut ke'nujak, kiq'etq'eto'k chik li xch'ooleb' ut kine'xtz'eqtaana.

Oseas 9:3

Eb' laj Efraín te'sutq'iiq wi' chik Ejiipt ut aran Asiria te'xtzeka li k'aru ink'a' us xtzekankil. Ink'a' chik te'wanq sa' li xch'och' li Qaawa'.

Jeremías 31:23

Li Nimajwal Yos, li xYos laj Israel, kixye chi jo'ka'in: “Naq tinsutq'isiheb' chaq eb' laj Judá ut te'wanq wi' chik sa' li xch'och'eb' ut xtenamiteb', te'xye wi' chik li aatin a'in: «Li Qaawa' chirosob'tesi taxaq li santil tzuul a'in, xmuheb'aal li tiikilal!».

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Isaías 5:12

Junes aarp, kitaar, tzojtzoj, xolb' ut b'iin nawank junelik sa' li xninq'eheb'; ab'anan ink'a' neke'ril li xb'aanuhom li Qaawa', chi moko neke'xk'e reetal li xk'anjel li Yos.

Isaías 2:10

Ch'ikomaq eerib' sa'eb' li ochoch pek, muqomaq eerib' sa'eb' li siwan re xkolb'al eerib' chiru xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Salmos 143:10

Chak'ut chiwu xpaab'ankil laawajom: relik chi yaal naq laa'at linYos. A' taxaq laachaab'il musiq' chib'eresinq we sa' tuqtuukil ru b'e.

1 Samuel 15:17

Toja' naq laj Salomón kixye: “Us ta nakak'oxla naq kach'in laawankil, ab'anan ma ink'a' tab'i' xaqab'anb'ilat cho'q xjolomil chixjunileb' li xteepal laj Israel? Li Qaawa' xyuluk aawe cho'q awab'ej re Israel.

Isaías 32:6

Xb'aan naq li maak'a' xna'leb' junes memil naxseeraq'i ut junes xb'aanunkil li maa'usilal naxk'oxla. Naxb'aanu li ink'a' us ut naxmajewa li Qaawa'; ink'a' naxk'e chi tzekank li yo xtz'okajik chi moko naxk'e ruk'a' li taachaqiq re.

San Mateo 4:5

Toja' naq laj tza kixk'am li Jesus sa' li santil tenamit, koxxaqab' sa' ru'uj li rochoch li Yos

Éxodo 9:30

Ab'anan ninnaw chi us naq laa'at ut eb' laj k'anjel chawu toj maji' nekexiwa ru li Qaawa'”.

Salmos 69:27

xb'aan naq neke'xrahob'tesi li wank xrahilal aab'aan ut neke'xyu' xtiq'ilal li tiq'b'il aab'aan.

Isaías 32:7

Li ink'a' us xna'leb' junes b'alaq'ik naxk'oxla ut naxyal xq'e chi xb'aanunkil li yib'eetal ru aj na'leb'; naxlab'ale li kub'enaq xwankil rik'in tik'ti' ut ink'a' naxkol rix li neb'a' sa' li raqleb'aal aatin.

2 Reyes 13:6

Ab'anan ink'a' ajwi' ke'xkanab' li xmaak laj Jerobohán, naq kixk'eheb' chi maakob'k eb' laj Israel; toj ke'xb'aanu li ink'a' us ut ink'a' ke'risi li xjalam u lix Aserá sa' li tenamit Samaria.

Eclesiastés 8:11

Naq ink'a' naraqmank aatin sa' junpaat sa' xb'een li yib'ru xna'leb', eb' li tenamit neke'xik wi' chik xch'ooleb' chi xb'aanunkil li maa'usilal.

Isaías 1:21

Li tenamit li kiwank sa' tiikilal junxil k'ajo' naq xmux rib', kama' junaq aj yumb'eet! Q'axal tiik xch'ooleb' laj Jerusalén naq ke'wank, ab'an anaqwan junes aj kamsineleb' ras riitz'in aj chik.