Isaías 25:3 - Q'eqchi Bible

³ Jo'kan naq jun tenamit jwal kaw rib' neke'xk'e aaloq'al, ut eb' li poyanam li jwal josq'eb' neke'xxiwa aawu.

Li Santil hu

³ Joꞌcan nak eb li tenamit li cauheb rib teꞌxqꞌue a̱lokꞌal. Ut eb li tenamit li kꞌaxal joskꞌeb teꞌxxucua a̱cuu.

Isaías 25:3 ပူးပေါင်းရင်းမြစ်များ

Zacarías 14:16

Chirix chik a'an chixjunileb' li te'kole'q sa'eb' li tenamit li ke'yalok rik'in Jerusalén, rajlal chihab' te'chalq chi xloq'oninkil ru li Awab'ej, a' li Nimajwal Yos, jo'wi' re xninq'ehinkil li xNinq'eheb' li Muheb'aal.

Zacarías 14:9

Ut li Qaawa' taa'awab'ejinq re chixjunil li ruuchich'och'. Sa' li kutan a'an junaq ajwi' li Qaawa' ut junaq ajwi' li xk'ab'a'.

Apocalipsis 11:13

Sa' ajwi' li honal a'an kiwank jun li nimla hiik: li xlaje jachal li tenamit ki'uq'e'k, ut ke'kamk wuqub' mil chi winq xb'aan li hiik; ut eb' li ink'a' ke'kamk, ke'xnima xloq'al li Yos wank sa' choxa chi k'ajo'eb' xxiw.

Ezequiel 38:23

Chi jo'kan tink'ut linwankilal ut linsantilal chiruheb' li k'iila teep chi tenamit. Tink'ut wib' chiruheb' ut eb' a'an te'xnaw naq laa'in li Qaawa'.

Isaías 13:11

“Tinraqoq aatin sa' xb'een li ruuchich'och' xb'aan li xmaak -chan li Yos- ut tink'ajtesi ruheb' li ink'a' useb' xna'leb' xmaak li xmaa'usilaleb'. Twisi li xwankil eb' li neke'xnima rib' ut tinkub'siheb' xwankil li q'etq'et.

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

Isaías 24:15

Jo'kan ajwi' sa' xjayal releb'l saq'e ut sa'eb' li tenamit wankeb' sa' sutha', taaterq'usiiq xk'ab'a' li Qaawa', li xYos laj Israel.

Isaías 29:5

Sa' junpaat, chi maak'a'aq sa' laach'ool, li Nimajwal Yos tatxtenq'a rik'in kaaq, hiik ut tz'aapixikaq li choqink, kaqsut-iq', muqyax ut k'iila xam chi sachok. Li xk'ihaleb' li xik' neke'ilok aawe chanchanaqeb' li pojtz' q'un ru; ut eb' laj rahob'tesinel aawe te'sapuuq chi najt jo'kaqeb' li k'im.

Miqueas 7:17

Te'xlow li pojtz' jo'kaqeb' li k'anti', jo'kaqeb' li xul li neke'xjukuki rib' chiru ch'och'. Siksootqeb' naq te'elq sa' li xsokeb', ut parpotqeb' xb'aaneb' xxiw naq te'chalq aawik'in, at Qaawa', at qaYos.