Isaías 24:4 - Q'eqchi Bible

⁴ Ra rilb'al li ch'och' naq yo chi chaqik ru, li ruuchich'och' yo chi oso'k ut chi sachk; k'ajo' naq ra sa' xch'ool chixjunil li choxach'och'.

Li Santil hu

⁴ Ta̱chakik li ruchichꞌochꞌ ut ta̱osokꞌ. Chixjunil li cuan saꞌ ruchichꞌochꞌ ta̱sachk. Ut ta̱sachekꞌ ajcuiꞌ ruheb li xni̱nkal tenamit.

Isaías 24:4 ပူးပေါင်းရင်းမြစ်များ

Oseas 4:3

Jo'kan naq ra xch'ooleb' chixjunil li tenamit ut maak'a'eb' chik xmetz'ew li wankeb' chisa'; jun kamikeb' li k'iche'il xul, eb' li neke'rupupik chiru choxa jo' ajwi' eb' li kar sa' palaw.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Isaías 3:26

Junes yaab'ak ut tz'uyink taawanq chireheb' li okeb'aal, ut aajunes aj chik laa'at tatk'ojlaaq sa' li pojtz'.

Jeremías 12:4

Jo' najtil chik taawanq li ch'och' chi ra sa' xch'ool ut chaqi aj chik li pim sa'eb' li tzuultaq'a? Xb'aan li xmaa'usilaleb' li poyanam xe'osoje'k eb' li ketomq ut eb' li xik'anel xul. Xb'aan naq neke'xye: “Li Qaawa' ink'a' naxnaw li naqab'aanu”, chankeb'.

Jeremías 4:28

Taaraho'q xch'ool li ruuchich'och' ut li choxa taa'aak'ab'o'q ru. Xin'aatinak, ut ink'a' tinjal ru li aatin xinye; jo'kan xink'uub' xb'aanunkil, ut ink'a' traho'q linch'ool.

Isaías 64:6

Chiqajunilo laa'o chanchan muxb'il qu, ut li tiikilal naqab'aanu kama' wi' jun li t'ikr tz'ajn ru. Xoot'ane'k chiqajunilo jo' li xxaq li che' naq natz'umaak, ut xook'ame'k xb'aaneb' li qamaak jo' naq na'apunk li kawil iq'.

Isaías 28:1

Rahilal chaalel sa' xb'een Samaria li nak'ehok xwankilal ut xnimob'resinkil rib' laj Efraín, ab'anan yal jun ch'uuteb' chi aj kalajenaq. Chanchaneb' jun sahob' u yiib'anb'il rik'in tz'umjenaqil uutz'u'uj, xaqxo sa' xb'een li ru taq'a k'ajo' xq'emal; a'aneb' oso'jenaqeb' chi junwaakaj xb'aan li ha' nakaltesink.

Isaías 24:3

Taasache'q chi junajwa li ruuchich'och', tik maak'a' chik tkanaaq chiru, xb'aan naq jo'kan xyehom li Qaawa'.

Isaías 24:21

Sa' li kutan a'an li Qaawa' taaraqoq aatin sa' xb'eeneb' li wankeb' xwankil taqe'q sa' li choxa, ut arin taq'a, sa' xb'eeneb' li wankeb' xwankil sa' ruuchich'och'.

Lamentaciones 1:4

Jwal ra rilb'aleb' li b'e neke'xik aran Sión: maa'ani chik nachalk chi ninq'ehik. Maa'ani wank chiruheb' li rokeb'aal li tenamit. Neke'yaab'ak eb' laj tij, neke'huyhutk eb' li tuq'ixq, ut q'axal ra xch'ooleb' chixjunileb' laj Jerusalén.

Joel 1:10

Nakirnak aj chik eb' li k'aleb'aal; rahil ch'oolej rilb'al li ch'och', xb'aan naq x'oso'k li triiw, xe'chaqik li uub' ut xe'tz'umaje'k li oliiw.