Isaías 24:3 - Q'eqchi Bible

³ Taasache'q chi junajwa li ruuchich'och', tik maak'a' chik tkanaaq chiru, xb'aan naq jo'kan xyehom li Qaawa'.

Li Santil hu

³ Ta̱sachekꞌ ru chixjunil li cuan saꞌ ruchichꞌochꞌ. Ma̱cꞌaꞌ chic cuan chiru ta̱cana̱k. Li Ka̱cuaꞌ li nimajcual Dios, aꞌan li quiyehoc re aꞌin.

Isaías 24:3 ပူးပေါင်းရင်းမြစ်များ

Isaías 24:1

Ilomaq, li Qaawa' ok re chi xsachb'al li ruuchich'och': tixyamtesi, tixchiq'le ru ut tixcha'cha'i chixjunileb' li poyanam.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Miqueas 4:4

Ut li junjunq taahilanq sa' xmu li rochoch sa' tuqtuukilal, chi maak'a'aq xxiw. A'an a'in xyehom li Qaawa', li Nimajwal Yos.

Ezequiel 36:4

Jo'kan naq, ex xtzuulul Israel, ab'ihomaq li naxye li Qaawa' reheb' li tzuultaq'a, eb' li b'ool ut eb' li roq nima', jo' ajwi' reheb' li po'lem ut eb' li tenamit xe'sache'k, li nakirirnak xe'kanaak ut xe'elq'aak li k'aru reheb', ut reheb' li xe'se'eek xb'aaneb' li tenamit wankeb' chi xjunsutam.

Isaías 22:25

«Ab'anan sa' li kutan a'an -chan li Nimajwal Yos-, taaq'unaaq li klawx a'in ut taa'isiiq sa' li kawil tz'ak, ut chixjunil li k'a'aq re ru t'uyt'uuq chiru taat'ane'q ut kok'putz' tkanaaq»”.

Isaías 21:17

Ut ink'a' chik k'iheb' laj Kedar te'kanaaq, li jwal kaweb' rib' chi kutuk rik'in simaj”, chan. A' li Qaawa', li xYos laj Israel, xyehok chi jo'kan.

2 Crónicas 36:21

Chi jo'kan kitz'aqlok ru li xyehom li Qaawa' chi xtz'uumal re laj Jeremías li propeet: “Li na'ajej taakanaaq chi po'lemil ut taahilanq chiru lajeeb' xkaak'aal chihab', re xtojb'al rix chixjunileb' li hilob'aal kutan ink'a' ke'roxloq'i xb'enwa”.

Deuteronomio 29:28

Li Qaawa' ki'isink chaq reheb' sa' li xna'ajeb' rik'in xnimal xjosq'il ut kixtaqlaheb' sa' jalan chik tenamit, b'arwi' wankeb' anaqwan», cha'qeb'.

Deuteronomio 29:23

«Junes asuupr ut atz'am wank chik aran, ut li ch'och' k'atalkaq aj chik ru: a'an a'in chixjunil leena'aj. Ink'a' chik taaruuq awk arin, maak'a' taamoq chiru, chi moko li pim taak'iiq sa' li na'ajej a'in, kama' li rahilal kixk'ul Sodoom ut Gomoor, Admá ut Seboín naq ke'sache'k ru xb'aan xnimal xjosq'il li Qaawa'», cha'qeb'.

Jeremías 13:15

Ab'ihomaq ut k'ehomaq reetal, meeq'etq'eti chik eerib', xb'aan naq li Qaawa' yo chi aatinak.

Isaías 5:6

Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Isaías 24:2

Juntaq'eet li rahilal te'xk'ul laj tij ut li tenamit, laj mun jo' ajwi' laj eechal re; li moos ixq jo' ajwi' laj eechal re; li nak'ayink ut li naloq'ok; li nato'onink ut li nak'ehok to'; li nak'asok ut li nak'ehok k'as.

Isaías 24:4

Ra rilb'al li ch'och' naq yo chi chaqik ru, li ruuchich'och' yo chi oso'k ut chi sachk; k'ajo' naq ra sa' xch'ool chixjunil li choxach'och'.

Miqueas 2:4

Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.

Isaías 42:22

A'ut li tenamit a'in xe'elq'aak ut xe'maq'je'k li k'aru wankeb' re, ut anaqwan tz'aptz'ookeb' chixjunileb' sa' tz'alam malaj sa'eb' li ochoch pek. Neke'maq'mank li k'a'aq re ru reheb' ut maajun nakolok reheb'; neke'elq'aje'k ut maajun nayehok: «Q'ajsihomaq chaq»”.