Isaías 24:1 - Q'eqchi Bible

¹ Ilomaq, li Qaawa' ok re chi xsachb'al li ruuchich'och': tixyamtesi, tixchiq'le ru ut tixcha'cha'i chixjunileb' li poyanam.

Li Santil hu

¹ Li Ka̱cuaꞌ tixpoꞌ ru li ruchichꞌochꞌ. Ta̱cana̱k chi ma̱cꞌaꞌ cuan chiru. Ut tixchaꞌchaꞌiheb li tenamit yalak bar.

Isaías 24:1 ပူးပေါင်းရင်းမြစ်များ

Nahum 2:10

Nakirirnak, nayamnak ut juk'ulk chixjunil, jo'ka'in naq xkanaak li tenamit Nínive. Neke'lub'je'k xb'aaneb' xxiw, neke'siksotk li roqeb', maak'a' chik xmetz'eweb' li poyanam; ut saqeb' aj chik chixjunileb' xb'aan xiwak.

Isaías 2:19

Naq tol'elq li Qaawa' ut tolxrahob'tesi li ruuchich'och', eb' li poyanam te'xch'ik rib' sa'eb' li ochoch pek ut sa'eb' li siwan, re xkolb'al rib' chiru li xjosq'il li Qaawa' jo'wi' chiru li xlemtz'unkil li xloq'al, naq tolreek'asi li ch'och' sa' xna'aj.

Isaías 42:15

Ok we chi xsachb'aleb' li tzuul ut eb' li b'ool, chaqi tinkanab' chixjunil li xrax pimul; tinchaqihob'resi eb' li nima', ut joxk' ch'och' aj chik tinkanab'eb' li kaqnaab'.

Isaías 24:20

Taktotq aj chik li ruuchich'och' jo' junaq kalajenaq, ut taat'uyleeq jo' na'uxk re li ab'. K'ajo' raalal li maak sa' xb'een: taat'ane'q ut ink'a' chik taawakliiq.

Ezequiel 35:14

«Jo'kan utan laa'in, li Qaawa', ninye chi jo'ka'in: Sahaq sa' xch'ool chixjunil li ruuchich'och' naq laa'in tinsach aawu chi junwaakaj.

Ezequiel 12:20

Te'juk'manq chixjunileb' li tenamit, ut joxk' taakanaaq li na'ajej. Toja' naq teenaw naq laa'in li Qaawa'»”.

San Lucas 21:24

Te'kamsiiq rik'in q'esnal ch'iich', te'k'ame'q chi preexil sa'atqeb' li tenamit, ut Jerusalén taayeq'imanq xb'aaneb' li maawa'eb' aj Judiiy toj reetal taatz'aqloq ru li xq'ehil eb' a'an.

Ezequiel 6:6

Yalaq b'ar wanqex, eb' leetenamit ut eb' leetijob'aal te'juk'manq ut joxk' te'kanaaq. Eb' li artal te'kanaaq chi po'lemil ut eb' li jalanil yos te'toqiiq; taaputz'iiq eb' li xjalam u li jalanil yos, ut nakirirnak taakanaaq eb' li na'ajej nekek'at wi' leepom. Jo'ch'inal jo'nimal xeyiib' rik'in leeruq', taasachmanq chi junajwa.

Ezequiel 5:14

Tatinsutq'isi jo' jun tuub' aj chik chi pek, a Jerusalén; xutaanalaqat chiruheb' li tenamit li wankeb' chasutam, ut jo'k'ihaleb' li te'nume'q aran tate'xse'e.

Ezequiel 5:2

Jun jachal laawismal taak'at sa' xyi li tenamit naq taaraqe'q xsutb'al rix Jerusalén. Li jun jachal chik taaxok ut taaseti chi ch'iich' chi junqre li tenamit; ut li rox jachal taakut sa' iq'. Toja' naq laa'in twaanilasiheb' chi ch'iich' eb' li poyanam.

Jeremías 9:16

Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Isaías 29:16

Ab'anan k'ajo' leememil! Chanchan tawi' naq li seb' juntaq'eet rik'in laj pak'onel. Ma naru tab'i' naq junaq sek' tixye re li xyiib'ank re: “Moko laa'at ta xatyiib'ank we”, malaj tixye raj re: “Ink'a' nakanaw xb'aanunkil laak'anjel”?

Isaías 27:10

Li kawub'resinb'il tenamit xkanaak chi po'lemil, ut nakirirnak aj chik kama' li chaqich'och' b'arwi' eb' li wakax neke'ichajib'k ut neke'hilank chi xwa'b'al li xxaq li che'.

Isaías 5:6

Nakirirnak tinkanab' li ch'och' a'an: ink'a' chik taa'aq'iiq chi moko taasaab'esiiq, chamo'qaq li pim ut chinujaq li k'ix sa' xb'een. Ut tinram chiruheb' li choql re naq ink'a' tixk'e li hab' sa' xb'een.

Salmos 146:9

li Qaawa' naxkoleb' laj ab'l tenamit, naril li neb'a'yox ut li xmalka'an, ab'an naxpo' xk'a'uxl li ink'a' us xna'leb'.

Nehemías 1:8

Chakuy inmaak, jultikaq aawe li k'aru kayeechi'i re laj Moisés: «Wi teeq'et li waatin, laa'in texincha'cha'i sa' xyanqeb' li tenamit.

2 Reyes 21:13

Juntaq'eet tink'e chi xtojb'al xmaakeb' laj Jerusalén, laj Samaria ut eb' li ralal xk'ajol laj Ajab. Tinch'ajob'resi Jerusalén jo' naq naji'e'k ru jun li sek' ut nahupub'aak.

Deuteronomio 32:26

“Xb'enwa xink'oxla xcha'cha'inkileb' ut xsachb'al li xk'ab'a'eb' junsut junrub'el choxa.

Deuteronomio 28:64

Li Qaawa' tatxcha'cha'i yalaq b'ar sa' chixjunileb' li tenamit, chalen chaq sa' jun xmaril li ruuchich'och' toj sa' xraqik junpak'al, ut aran tatk'anjelaq chiruheb' jalanil yos, yiib'anb'ileb' rik'in che' ut pek, eb' li ink'a' aanawom ru laa'at chi moko laana' laayuwa'.

Deuteronomio 4:27

Li Qaawa' texxcha'cha'i sa' xyanqeb' li tenamit ut yal ink'a' chik k'i texkanaaq sa' xyanqeb' li tenamit texxk'am wi' li Qaawa'.

Ezequiel 24:11

Kanab' wan li uk'al sa' xam chi maak'a' chik xsa', toj reetal taakaqo'q li xch'iich'ul xb'aan li xam, taach'ajmb'ilo'q ut taa'elq li xq'olel.

Jeremías 40:15

Toja' naq laj Jwan, ralal laj Kareha, kixye re laj Kedalías sa' hasb' aran Mispá: “Laa'in tinxik anaqwan ut toxinkamsi chaq laj Ismael, ralal laj Natanías, ut maajun taanawoq ani xkamsink re. K'a'ut naq tqakanab' laj Ismael re naq tatxkamsi laa'at? Wi tatkamsiiq, te'xcha'cha'i wi' chik rib'eb' laj Judiiy li xule'xch'utub' rib' aawik'in, ut te'oso'q li rela'eb' laj Judá”.

Santiago 1:1

Laa'in laj Santiago, xmoos li Yos ut xmoos li Qaawa' Jesukriist, nintaqla xsahil xch'ooleb' li kab'laju teep chi tenamit xcha'cha'ihomeb' rib' yalaq b'ar.

Hechos 17:6

Ab'anan, naq ink'a' ke'xtaw, ke'xkeleli laj Jasón ut wiib' oxib'eb' laj paab'anel, ke'xk'ameb' chiruheb' laj jolominel re li tenamit, japjookeb' re chi xyeeb'al: —Eb' li xe'xpo' xch'ool chixjunil li ruuchich'och' xe'chalk ajwi' arin,

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Isaías 13:5

Najt xe'chalk chaq, chalen junsut junrub'el choxa. Li Qaawa' rochb'eeneb' li neke'okenk sa' li xjosq'il te'xsach chixjunil li ruuchich'och'.

Isaías 13:13

Toja' naq li choxa taa'eek'anq sa' xna'aj ut li ruuchich'och' taahich'hich'iiq li rub'elankil xb'aan xxamlel linjosq'il sa' li kutan a'an.

Isaías 24:19

Li ruuchich'och' taa'eek'asiiq sa' xna'aj, taapuk'e'q, taa'itz'e'q toj reetal kok'putz' taakanaaq.

Isaías 30:32

Rajlal naq li Qaawa' tixrahob'tesi li tenamit a'an, taa'ab'imanq xyaab' li tun ut li aarp. A' li Qaawa' taa'elq chi yalok rik'ineb' laj Asiria.

Isaías 34:2

K'ajo' xjosq'il li Qaawa' rik'in chixjunil li tenamit jo'wi' rik'in chixjunileb' laj puub'. Xteneb' li tojb'amaak sa' xb'eeneb' ut xq'axtesiheb' chi kamk.

Isaías 34:10

Maajoq'e taachupq chi q'eq ut chi kutan ut junelik yooq chi elk li xsib'el. Nakirirnak taakanaaq li na'ajej chi junajwa ut maajun chik taanume'q aran.

Jeremías 51:34

Jerusalén, li tenamit Sión, kixye chi jo'ka'in: “Laj Nabukodonosor, li awab'ej re Babilonia, xinxtiw ut xinxchoy; jo' junaq sek' maak'a' chik tzekemq chisa' xinxkanab'. Jo' li ranumal li palaw naq xinxnuq': xchoy chixjunil li k'aru wank we ut xkuti chi najt li ink'a' xwulak chiru. Che'xtoj ta rix eb' laj Babilonia li rahilal xe'xb'aanu we, ut eb' laj Kaldeha che'xtoj ta rix eb' linkomon xe'xkamsi”.

Nahum 1:5

Eb' li tzuul neke'eek'ank sa' xna'aj chiru A'an, ut eb' li b'ool neke'xsiksiki rib'eb'. Chixjunil li ruuchich'och' nahetlok chi rilb'al, ut neke'xiwak jo'k'ihaleb' li wankeb' chisa'.

Isaías 29:2

toja' naq tink'e li tenamit a'in sa' rahilal, ut taawanq yaab'ak ut tz'uyink; ut laa'ataq tz'aqal jun li artal nujenaq chi kik'.

Isaías 32:12

cheteni re leech'ool sa' xk'ab'a' li q'emal ch'och' ut eb' li chaab'il awimq.

Ezequiel 6:14

Tinye' li wuq' re xsachb'al ruheb' chi junwaakaj ut joxk' tinkanab' li xch'och'eb', chalen sa' li chaqich'och', sa' xjayal rokeb'l iq', toj Riblá sa' releb'l iq'. Ut aran te'xnaw naq laa'in li Qaawa'”.

Ezequiel 7:12

Xtaw xq'ehil ut xwulak li xkutankil. Ink'a' chisaho'q xch'ool li naloq'ok chi moko chiyaab'aq li nak'ayink, xb'aan naq tinsach ru chixjunileb' li poyanam xb'aan linjosq'il.

Ezequiel 7:14

“Yaab'asihomaq li pur ut kawresihomaq chixjunil; ab'anan maajun taaxik chi yalok, xb'aan naq yo injosq'il sa' xb'eeneb' chixjunil li poyanam.