Isaías 22:5 - Q'eqchi Bible

⁵ Xb'aan naq xwulak xkutankil li rahilal, li juk'uk ut li sachok taqlanb'il chaq xb'aan li Qaawa', li Nimajwal Yos. Sa' xTaq'ahil li Moy u yookeb' chi xjuk'b'al li suttz'ak ut li xyaab' kuxej xwulakje'k toj sa'eb' li tzuul chi xsutam.

Li Santil hu

⁵ Li Ka̱cuaꞌ li nimajcual Dios ac quixye nak ta̱cuulak xkꞌehil nak che̱junilex texxucuak ut kꞌaxal ra te̱cꞌul. Telajeꞌxsach e̱naꞌleb saꞌ li ru takꞌa li nacꞌuteꞌ cuiꞌ li visión. Telajeꞌtꞌanekꞌ li tzꞌac li sutsu cuiꞌ li tenamit ut le̱ ya̱b ta̱abi̱k toj saꞌ eb li tzu̱l.

Isaías 22:5 ပူးပေါင်းရင်းမြစ်များ

San Lucas 23:30

Toja' naq eb' li tenamit te'xtikib' xyeeb'al reheb' li tzuul: «T'anenqex chaq sa' qab'een»; ut reheb' li ninqi b'ool: «Chooheemuqaq!».

Miqueas 7:4

Li jwal chaab'il sa' xyanqeb', a'an chanchan li k'ix; ut li tiik xch'ool, a'an chanchan li pajl. Ab'anan chalk re li raqok aatin, a' li kutan yeeb'il aawe xb'aaneb' li propeet. Toja' naq te'sachq xna'leb' chixjunileb'.

Lamentaciones 1:5

Eb' li xik' neke'ilok re neke'numtaak sa' xb'een, ut saheb' chik sa' xch'ool. A' li Qaawa' xrahob'tesink re xb'aan xk'ihaleb' li maak xb'aanu Jerusalén. Eb' li ralal xk'ajol xe'k'ame'k chi najt xb'aaneb' li xik' neke'ilok reheb'.

Isaías 37:3

re xyeeb'al re li propeet Isaías, ralal laj Amós: “Jo'ka'in xye chaq laj Esekías: «Li kutan a'in, a'an xkutankil li rahil ch'oolejil, li rahob'tesiik ut li xutaanal! Chanchano jun li ixq wank sa' yu'am, li maak'a' xmetz'ew chi alank.

Isaías 10:6

Nintaqla chi xsachb'al jun tenamit yib'ru xna'leb', jun tenamit li yo wi' injosq'il, re tixmaq' ut tixxok li xb'ihomaleb', ut tixyeq'iheb' sa' roq jo'eb' li xseb'ul li b'e.

Oseas 10:8

Te'sachmanq eb' li tijob'aal wankeb' chi tzuul b'arwi' neke'maakob'k eb' laj Israel; k'im ut k'ix taak'iiq sa' xb'eeneb' li artal. Toja' naq te'xye reheb' li tzuul: “Chooheemuq”; ut reheb' li b'ool: “Chex'uq'e'q sa' qab'een”, cha'qeb'.

Lamentaciones 2:2

Li Qaawa' xjuk'i chixjunileb' li xmuheb'aal laj Jakob; ink'a' xril xtoq'ob'aal ruheb' li kawub'resinb'il tenamit wankeb' sa' xteepal Judá, ut xkuteb' chi ch'och'el. Xsach xwankil li awab'ej ut eb' li xninqal ru winq.

Jeremías 30:7

Q'axal rahaq rilb'al li kutan a'an, jwal xiwajelaq jo' maajun wa ilb'il. A'an xkutankil li nimla rahil ch'oolej cho'q reheb' laj Jakob, ab'an te'xkoolan xnumsinkil li kutan a'an.

Isaías 22:1

Resilal li rahilal chaalel sa' xb'een li xTaq'ahil li Moy u. K'aru xek'ul chejunilex anaqwan naq xextaqje'k sa' xb'eeneb' li ochoch,

San Mateo 24:16

toja' naq eb' li wanqeb' Judea eleliqeb' ut che'xikaq toj chiru tzuul;

Isaías 25:10

Li ruq' li Qaawa' taahilanq sa' xb'een li tzuul a'in, ab'an Mohab taayeq'iiq sa' oqej sa' li xna'aj jo' naq nayeq'iik li k'im sa' mul.

Isaías 5:5

Jo'kan utan tinye eere li k'aru ok we chi xb'aanunkil re li wawimq: tinte li okeb'aal re naq taa'oso'q; tinjuk' li tz'ak sutsu wi' li wawimq, re naq taayeq'iiq ut taasache'q ru.

Ester 3:15

Eb' li xtaql li awab'ej koheb' chi junpaat jo' taqlanb'ileb' wi', ut li esil kipukank ajwi' sa' li tenamit Susa. Naq li awab'ej ut laj Amán yookeb' chi uk'ak chi saheb' sa' xch'ool, k'ajo' li rahil ch'oolej sa' li tenamit Susa.

2 Reyes 25:10

Chixjunileb' laj puub' aj Kaldeha li ke'ochb'eenink re li xjolomileb', ke'xjuk'i li xsuttz'akil li tenamit Jerusalén.

2 Reyes 19:3

re xyeeb'al re li propeet Isaías, ralal laj Amós: “Jo'ka'in xye chaq laj Esekías: «Li kutan a'in, a'an xkutankil li rahil ch'oolej, li rahob'tesiik ut li xutaanal! Chanchano li ixq wank sa' yu'am, ab'anan maak'a' xmetz'ew chi alank.

Isaías 63:3

“Yaal, injunes xinyatz' ru li uub' chi maajun reheb' lintenamit xtenq'ank we. Xinyeq'iheb' sa' woq eb' li xik' neke'ilok we ut xinteniheb' chi k'ajo' injosq'il. Li xkik'eleb' xpach'ok chiwix ut xintz'ajni chixjunil li waq'.

Isaías 63:6

Xinyeq'iheb' li tenamit xb'aan linjosq'il, xinsach ruheb' ut li xkik'eleb' xb'eek chiru ch'och' naq xe'oso'k”.

Ezequiel 7:7

Xtaw xq'ehil cho'q eere, ex poyanam. Xwulak li xhonalil, nach' chik wank li xkutankil li Qaawa' naq junes poqoqij ib' taawanq sa'eb' li tzuultaq'a, ut maak'a'aq chik li sahil ch'oolejil.

Sofonías 1:15

A'anaq xkutankil li josq'il, xkutankil li rahil ch'oolej ut rahilal, xkutankil li sachok ut juk'uk, xkutankil li aak'ab' ut li q'oqyink; muhaq ru li kutan a'an ut choqlaq ru,

Lamentaciones 2:8

Li Qaawa' xraj xjuk'b'al li xsuttz'akil Sión, li xchaq'alil ru tenamit. Xraq aatin sa' xb'een ut xk'e xch'ool chi sachok, toj reetal xe'hame'k chixjunileb' li xtz'ak ut eb' li xkuut li tenamit, ut nakirnak xe'kanaak.