Isaías 22:2 - Q'eqchi Bible

² laa'ex li tenamit q'axal sa sa' eech'ool junxil ut junes choqink ut ninq'ehik nekeb'aanu? Eb' li kamenaq sa' eeyanq ink'a' xe'kamsiik chi q'esnal ch'iich', chi moko xe'kamk sa' li yalok.

Li Santil hu

² ¿Ma ma̱cuaꞌex ta biꞌ jun tenamit li junes choki̱nc nequeba̱nu? ¿Ma ma̱cuaꞌ ta biꞌ la̱ex jun tenamit li junelic sa saꞌ e̱chꞌo̱l? ¿Cꞌaꞌut nak eb le̱ comon moco xeꞌcamsi̱c ta chi chꞌi̱chꞌ? ¿Cꞌaꞌut nak incꞌaꞌ xeꞌcamsi̱c saꞌ li ple̱t?

Isaías 22:2 ပူးပေါင်းရင်းမြစ်များ

Isaías 32:13

Junes k'ix ut pajl aj chik taak'iiq sa' lintenamit; jo'kanaq ajwi' sa' chixjunileb' li ochoch neke'ninq'ehik wi' lintenamit chi saheb' sa' xch'ool.

Lamentaciones 2:20

Il, at Qaawa', ut k'e reetal: ani xarahob'tesi jun sutaq chi jo'ka'in? Eb' li na'b'ej okeb' re chi xtiwb'al li xk'uula'aleb'; eb' laj tij jo'wi' eb' li propeet kamkeb' re sa' laaloq'laj ochoch.

Jeremías 14:18

Wi ninxik sa' li k'aleb'aal, nintaweb' li xe'kamsiik chi q'esnal ch'iich'; wi nin'ok sa' li tenamit, nawileb' li poyanam li kamkeb' re xb'aan li we'ej. Ut eb' li propeet jo'wi' eb' laj tij neke'chalk neke'xik sa' li tenamit chi sachsookeb' xch'ool»”.

Isaías 23:7

Ma ink'a' tab'i' a'in li tenamit li jwal najter kik'ojob'amank, li junelik sa sa' xch'ooleb' ut toj najt neke'wulak chi na'ajunk li xpoyanamil?

Jeremías 52:6

Sa' li b'eleeb' xb'e li xka po re li chihab' a'an kinumtaak li we'ej sa' li tenamit ut tik maak'a' chik wa cho'q reheb' li poyanam.

Jeremías 38:2

“Jo'ka'in xye li Qaawa': «Li ani taakanaaq sa' li tenamit a'in taakamsiiq chi q'esnal ch'iich', malaj taakamq xb'aan li we'ej malaj ut xb'aan li raxkamk. Ab'an li taa'elq ut tixq'axtesi rib' sa' ruq'eb' laj Kaldeha, a'an tixkol li xyu'am ut us taa'elq».

Isaías 37:36

Ut chiru ajwi' li q'oqyink a'an, li x'ánjel li Qaawa' kiwulak sa' li xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

Isaías 37:33

Xyehom li Qaawa' chirix li awab'ej re Asiria: «Ink'a' taa'ok sa' li tenamit a'in, ink'a' tixkut junaq ral simaj; ink'a' taaxik sa' li tenamit chi wanq xkolb'al rib', chi moko tixyiib' xtaqleb'aal re taa'ok sa' li tenamit.

Isaías 10:4

Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 32:14

Pojpo taakanaaq li rochochil li awab'ej ut maajun chik wanq sa' li tenamit; eb' li kawub'resinb'il kab'l li najt xterameb' te'kanaaq chi po'lemil chi junajwa: aran te'wanq chi ichajib'k eb' li k'iche'il b'uur ut eb' li wakax chi saheb' sa' xch'ool.

Lamentaciones 1:1

Toq'ob' xaq ru li tenamit Jerusalén! Xnimal ru tenamit naq kiwank sa' xyanqeb' chixjunil li tenamit, ut k'ajo'eb' li poyanam ke'wank chisa'; ab'an anaqwan xkanaak sa' junaatalil, chanchan aj chik jun xmalka'an xkanaak. Junxil Jerusalén nataqlank sa' xb'eeneb' li tenamit, ut anaqwan a'an chik minb'il ru chi k'anjelak.

Ezequiel 22:5

Eb' li wankeb' chi nach' ut li wankeb' chi najt tate'xse'e, at tenamit nawno aawu xb'aan xloq'oninkil ru eb' li jalanil yos ut nujenaqat chi maa'usilal.

Sofonías 2:15

Jo'ka'in te'kanaaq li q'axal sa sa' xch'ooleb' naq xe'wank, li tenamit kaw rib' naq naxk'oxla, li naxye sa' xch'ool: “Ka'ajin wi' ut maa'ani chik junaq!”. Ilomaq! Nakirirnak xkanaak, ut xna'ajeb' chik li josq' aj xul. Chixjunileb' li te'nume'q chi xk'atq te'xuxb'aq ut te'xb'anb'ani li xjolomeb'.