Isaías 21:2 - Q'eqchi Bible

² Q'axal xiwajel rilb'al li moy u xk'utb'esiik chiwu: laj b'alaq' naxyal xq'e chi b'alaq'ik ut laj sachonel yo chi sachok. Ayuqex chi yalok, ex aj Elam! Sutomaq li tenamit, ex aj Media! Maak'a' chik ilok toq'ob'aal u anaqwan.

Li Santil hu

² Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.

Isaías 21:2 ပူးပေါင်းရင်းမြစ်များ

Jeremías 49:34

A'aneb' a'in li aatin kixye li Qaawa' re laj Jeremías chirix li rahilal tixk'ul Elam, naq laj Sedesías kixtikib' awab'ejink sa' xb'eeneb' laj Judá.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Isaías 24:16

Sa' xkaaxukuutil li ruuchich'och' naqab'i li b'ichank: “Chinimaaq xloq'al li jwal tiik xch'ool”. A'ut laa'in xinye: “Toq'ob' xaq wu, toq'ob' xaq wu, xin'oso'k!”. Eb' laj b'alaq' yookeb' chi b'alaq'ik, ut k'ajo' li maa'usilal neke'xb'aanu!

Salmos 60:3

At Qaawa', xatjosq'o'k sa' qab'een, xoohaatz'eqtaana ut xoohaajuk'; choohaawaklesi wi' chik anaqwan!

Apocalipsis 13:10

“Ani tento taaxik sa' tz'alam, sa' tz'alam taaxik; ani tento taakamsiiq rik'in ch'iich', rik'in ch'iich' taakamsiiq”. Jo'ka'in neke'kuyuk ut neke'paab'ank eb' li sant.

Daniel 5:28

Parsín naraj naxye, ak jachb'il chik ru laa'awab'ejihom ut xk'eemank reheb' laj Media ut eb' laj Persia”, chan laj Daniel.

Daniel 8:20

Li karneer wiib' xxukub' li xawil, a'an reetalileb' li awab'ej re Media ut Persia.

Lamentaciones 1:22

Chiwulaq ta aawik'in chixjunil li xmaa'usilaleb', ut b'aanu reheb' jo' xab'aanu we xb'aan linq'etq'etil. K'ajo' naq yookin chi yaab'ak ut yo chi lub'k li waanm!

Jeremías 51:53

Us ta Babilonia tixnima chi us li xwankil ut taawulaq taraj toj sa' choxa li xsuttz'akil, laa'in tintaqlaheb' li te'juk'uq re”, chan li Qaawa'.

Jeremías 51:44

“Tinrahob'tesi laj Bel, li xyoseb' laj Babilonia, ut tink'e chi xxa'wa li k'aru ak xtzekahom; maajun chik tenamit taachalq rik'in. Ak xt'ane'k li xsuttz'akil li tenamit.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Jeremías 50:34

Ab'an laj Kolol reheb' a'an jwal kaw rib': Nimajwal Yos naxk'ab'a'in. A'an taa'okenq chi xkolb'aleb' toj reetal taawanq li tuqtuukilal sa' ruuchich'och' ut te'rahob'tesiiq li wankeb' Babilonia”, chan li Qaawa'.

Jeremías 50:14

“Tzolob'omaq eerib' chi xik chi yalok, sutomaq Babilonia laa'ex li nakexkutuk chi simaj. Meera junaq li simaj re xkutb'aleb', xb'aan naq xmaakob'k chiwu laa'in li Qaawa'.

Jeremías 31:25

Xb'aan naq tink'eheb' chi uk'ak ut chi tzekank chi yo'oon li lub'luukeb' ut tawajenaqeb'”.

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

Isaías 47:6

K'ajo' naq xinjosq'o'k rik'in lintenamit, xink'e chi muxe'k li weechanihom ut xinq'axtesiheb' sa' laawuq', a Babilonia. A'ut laa'at ink'a' xawil xtoq'ob'aal ruheb' ut xateneb' li kawil k'anjel sa' xb'eeneb' li cheekel winq.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Isaías 22:6

Eb' laj Elam xe'xkawresi xna'aj li xsimajeb', eb' laj Aram xkoheb' chirix kawaay ut eb' laj Kir xe'risi chaq li xkolb'al rib'eb'.

Proverbios 13:15

Li nak'ehok na'leb', taak'ehe'q xloq'al; a'ut eb' laj b'alaq' ink'a' us te'elq.

Salmos 79:11

Chiwulaq ta aawik'in li xyaab' xkuxeb' li wankeb' sa' tz'alam; rik'in xwankilal laatel chakoleb' taxaq li ak teneb'anb'il kamk sa' xb'eeneb'.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

1 Samuel 24:13

Wank jun li aatin ke'xye li qaxe'toonil yuwa': «Eb' li ink'a' useb' xch'ool, a'aneb' li neke'b'aanunk maa'usilal», chankeb'. Jo'kan naq laa'in maajoq'e tintaqsi wuq' sa' aab'een.

2 Reyes 17:6

B'eleeb' chihab' chik rokik chi awab'ejink laj Oseas, naq laj Salmanasar, awab'ej re Asiria, kireechani li tenamit Samaria, kixk'ameb' chi preexil laj Israel toj Asiria, ut koxkanab'atqeb' sa'eb' li na'ajej Jalaj, Jabor, chire li nima' Kosán, ut sa'atq xteepal Media.

Salmos 25:3

Maak'a' xk'utb'al xxutaan li kaw xch'ool aawik'in, ka' aj b'an wi' cho'q re li nab'alaq'ink chi maak'a' xyaalal.

Salmos 119:158

Naq nink'eheb' reetal laj b'alaq', k'ajo' naq napo'k linch'ool, xb'aan naq ink'a' neke'xpaab' laawaatin.

Daniel 5:9

Toja' naq li awab'ej kisaqkirino'k wi' chik, kisachk xch'ool, ut eb' laj k'anjel chiru mem ajwi' ke'kanaak.

Génesis 10:22

Eb' li ralal xk'ajol laj Sem a'aneb' a'in: laj Elam, laj Asur, laj Arpaxad, laj Lud ut laj Aram.

Isaías 11:11

Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Isaías 14:4

teeye li xsahil ru aatin a'in re xse'enkil li awab'ej re Babilonia: “Ilomaq chanru x'oso'k li josq' aj winq li xrahob'tesink qe. Ilomaq k'aru xkanaak wi' li xq'etq'etil.

Isaías 14:7

Anaqwan chixjunil li ruuchich'och' sa chik wankeb' ut sa' tuqtuukilal, ut neke'xjap reheb' chi b'ichank.

Jeremías 25:25

chixjunileb' li awab'ej re Simrí, eb' li awab'ej re Elam ut chixjunileb' laj Media;

Jeremías 49:35

Li Nimajwal Yos kixye chi jo'ka'in: “Laa'in tintoq li xna' xsimaj Elam, li q'axal naxkawu wi' xch'ool.

Daniel 8:2

Kinmatk'e naq wankin aran Susa, li xnimal tenamit sa' xteepal Elam, chire li nima' Ulay.