Isaías 20:4 - Q'eqchi Bible

⁴ Jo'kan ajwi' li awab'ej re Asiria tixchapeb' laj Ejiipt ut eb' laj Etiopía, a' yaal ma cheek malaj saajil poyanam, ut tixk'ameb' sa' jalanil tenamit chi maak'a'aq raq'eb' chi moko xxaab'eb', tik t'ust'uuqeb' chi junajwa, re xk'utb'al xxutaaneb'.

Li Santil hu

⁴ Lix reyeb laj Asiria ta̱numta̱k saꞌ xbe̱neb laj Egipto ut eb laj Etiopía. Tixchapeb li tenamit ut tixcꞌameb chi pre̱xil. Joꞌ ni̱nk joꞌ cocꞌ teꞌxic chi ma̱cꞌaꞌ xa̱b chi rok ut chi ma̱cꞌaꞌeb rakꞌ. Cꞌajoꞌ nak teꞌxuta̱na̱k eb laj Egipto nak teꞌxic chi tꞌustꞌu̱queb.

Isaías 20:4 ပူးပေါင်းရင်းမြစ်များ

Isaías 19:4

Tinq'axtesi Ejiipt sa' ruq' jun josq' aj winq; jun reemaaru aj awab'ej taanumtaaq sa' xb'eeneb'”, chan li Nimajwal Yos.

Jeremías 13:26

Laa'in ajwi' tatinkanab' chi yak'yo re naq taak'utunq laaxutaan.

Jeremías 13:22

Ut wi taaye sa' laach'ool: «K'a'ut naq nink'ul chi jo'ka'in?», chanawaq naq xb'aan laak'iila maa'usilal yookat chi xk'ulb'al a'an; jo'kan naq xe'risi laawaq' chawix ut xate'xmux.

Apocalipsis 3:18

Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

Miqueas 1:11

Eb' laj Safir yookeb' chi k'ame'k sa' ab'l tenamit, chi t'ust'u ut chi k'ajo'eb' xxutaan. Eb' laj Sahanán ink'a' neke'elk sa' li xtenamiteb'. Wankeb' sa rahil ch'oolejil eb' laj Bet-Hesel ut laa'ex xexkanaak chi maajun chik natenq'ank eere.

Ezequiel 30:18

Sa' li tenamit Tafnis taaq'oqyino'q ru li kutan, naq tinjuk' xwankil Ejiipt ut taa'oso'q li naxnima wi' rib'; li tenamit taatz'ape'q xb'aaneb' li choql ut eb' li ixq te'k'ame'q chi preexil.

Jeremías 46:26

Tinq'axtesiheb' sa' ruq'eb' li te'ajoq xkamsinkileb', sa' ruq' laj Nabukodonosor, li awab'ej re Babilonia, ut sa' ruq'eb' li neke'tenq'ank re. Ab'anan moqon chik taatenamito'q wi' chik jo' naq xwank xb'enwa -chan li Qaawa'-.

Isaías 47:3

Tatkanaaq chi t'ust'u re xk'utb'al aaxutaan. Tink'e reeqaj li xab'aanu we ut maajun taaramoq chiwu”.

Isaías 3:17

Ab'an laa'in tinjo li rismal li xjolomeb' li rixqilaleb' Sión ut xutaanal te'kanaaq”, chan li Qaawa'.

2 Samuel 10:4

Jo'kan naq laj Janún kixchapeb' laj k'anjel chiru laj David, kixset jun yiijach li xmacheb', kixq'ich li raq'eb' toj chi xko riteb' ut kixchaq'rab'iheb' chaq.

Isaías 47:2

Chap li ka' ut ke'en k'aj. Isi li t'ikr tz'aptz'o wi' laawu, moch laawaq', t'usub' laawa' ut numen junpak'al li ha'.

Jeremías 46:19

Kawresihomaq eerib' chi xik chi preexil, ex aj Ejiipt, xb'aan naq nakirirnak tkanaaq li tenamit Menfis, taasache'q ru chi junwaakaj ut maajun chik wanq chisa'.

Amós 9:7

Jo'ka'in kixye li Qaawa': “Ex aj Israel, chiwu laa'in juntaq'eetex rik'ineb' laj Etiopía ut rik'ineb' chixjunileb' li tenamit. Jo' naq kexwisi chaq Ejiipt, jo'kan ajwi' naq kiwisiheb' laj Filistea aran Kreta ut eb' laj Aram kiwisiheb' chaq Kir.

Nahum 3:10

Ab'anan eb' laj Tebas ke'isiik ajwi' sa' li xna'ajeb' ut ke'k'ame'k sa' ab'l tenamit; eb' li ralal xk'ajol ke'pik'aje'k chiru tz'ak sa'atqeb' li xaalib'e. Ke'xb'uuli rixeb' li xninqaleb' ru winq ut ke'k'ame'k chi b'ak'b'o eb' li xjolomil li tenamit.

Sofonías 2:12

“Jo'kan ajwi' tinb'aanu eere laa'ex aj Etiopía: tex'oso'q xb'aan linq'esnal ch'iich'”, chan li Yos.

1 Crónicas 19:4

Jo'kan naq laj Janún kixchapeb' laj k'anjel chiru laj David, kixjo li xmacheb', kixq'ich li raq'eb' toj chi xko riteb' ut kixchaq'rab'iheb' chaq.

Isaías 31:2

Ab'an li Qaawa' seeb' ajwi' xch'ool ut naxnaw rahob'tesink; naq naxye junaq li raatin, ink'a' chik naxjal li xk'a'uxl. A'an taaraqoq aatin sa' xb'eeneb' li ink'a' useb' xna'leb' jo'wi' sa' xb'eeneb' li neke'tenq'ank reheb' laj b'aanuhom maa'usilal.

Isaías 31:3

Eb' laj Ejiipt a'an yal winqeb' ut moko yoseb' ta; ut li xkawaayeb' a'an yal tib'elejeb', moko musiq'ejeb' ta. Naq li Qaawa' tixye' li ruq', taatichk'oq laj tenq'anel ut taat'ane'q li natenq'aak; wotz te'oso'q chi junajwa.